Genesis 12:7 - Northern Tepehuan Bible

⁷ Dai Gïr Nukadakami kïkiba Abram buitapi daidi potïtïdai, —Idi ïr go dïbïrai ix makïdï maakimu aanï gï maamara ïmadï gï piipixara maigobai— itïtïdai. Dai bhodïrï amaxi kïi Abram ïmo daxdakarui dai mua ïmo buxtaki dai daaxi Gïr Nukadakami. Ami gï maaxitu Gïr Nukadakami Abram buitapi xi kaxkïdï ami kïi ïgai go daxdakarui.

Genesis 12:7 Referans Kwoze

Galatas 3:16

Dai pomaaxi go ñoki ix makïdï bhai dui Diuxi go Abraamkaru ïmadï ïïki dai ïmadï ïmo pipiixaradï. Dai gïn tïgito abïr nïida sai gïn aagidi aanï sai mos ïmo pipiixaradï Abramkïdï bhai dui ïgai ñoki dai ïgai ïr Suxi Kristo. Aidï Diuxi aagidi go Abraamkaru sai maaki agai ïmo bhai ïrhiaragai dai mai gajiadïrï biamu ïgai go ñoki.

Genesis 17:1

Ïmo imidagai aidïxi ka biakatadai Abram maakokobhai dan bhaibuxtama dan tuxtama umigi sai gï maaxitu Gïr Nukadakami buidïrï ïgai daidi potïtïdai, —Aanï ïr Diuxi. Dai aanï ïgai dai bïïxi adama ïr gubuakami. Gï agai ix gin ïïgiadagi aapi dai kïï buañixikan dukai oidakagi— itïtïdai.

Genesis 13:15

—Bïïxi go dïdïbïrai ix makïdï nïidi aapi gï bidamu aanï xi ïr gï dïdïbïraga ka agai toma xïxkadï ïmadï gï maamara dai gï piipixara.

Genesis 12:8

Dai Abram baida jii aaduñdï abhiadïrï dai ayi go aarhi bhaabhaki Betelañdïrïï xarhiapako xako giidiga oidigi. Dai ami gï urhi ïgai lachi. Ami ïmo padïrï kaatï Betel uruñiapako dai ajadïrï kaatï Ayi xarhiapako. Ïraana kaatï xako gï urhi ïgai. Ami kïi Abram ïpï ïmo daxdakarui dai ïpamu xadutudai Gïr Nukadakami.

Hebreos 11:13

Bïïxkatai ïgai ix makïdï aagai aanï, go Abraam dai go Isaak dai Jakobo, bïïxkatai ïgai kïïga buaboidaitadai Diuxi aidïxi koi ïgai. Kia kïïga buaboidaitadai ïgai tomaxi mai kia biakatadai ixtumaxi Diuxi aagidi sai maaki agai. Maatïkatadai ïgai sai tïbïpida agaitadai kia ix aiyagi gobai dai bïïxkïrï buaboitu. Mïkaxdïrï nïijadan dutadai ïgai ix makïdï Diuxi aagidi sai maaki agai dïï mai ayi gobai. Dïï bïïxkïrï bhai gïn ïrhidiña nïnïrakatai. Daidi ikaitiña ïgai, —Gïr oidakaraga tami oidigi daama mos ïr ïmo lïïchi imidagai dukai. Otoma daibuñimu gobai— ikaitiña.

Romanos 9:8

Mai xu bïïxi go odami ix makïdï bubuaka Abraam maamaradïañdïrï kïïgakïrï ïr piipixaradï Abraam tudu. Mosïkaxi go piipixaradï Abraam ix makïdï Diuxi aagidi sai maaki agai, ïgai gia kïïgakïrï ïr piipixaradï Abraam.

Genesis 22:9

Dai aidïxi ka ayi ïgai xako gïn aagidi Diuxi sai ami kïi Abraam ïmo daxdakarui dai dama tua go kuagi. Bhodïrï buu ïgai go gï ïrhi dai kuagi dama tïï daxdakarui dama.

Genesis 17:3

Dai go Abram koidamu kuiki dai xadutugi Diuxi kaïkatai ñokidï.

Exodo 6:3

—Gin maaxitu aanï buidïrï aapimï gïn piipixara ïïki ix makïdï Abraam dai Isaak dai Jakobo tïtïgidu. Podukai máí ïgai xi aanï ïr Diuxi dai bïïxi adama ïr gubuakïdï aanï. Dïï mos mai tïïgi aanï gin tïtiaraga. Nukadakami tïgidu aanï tudu— itïtïdai.

Genesis 28:13

Dai tïsadikaru abhana kïakatadai Gïr Nukadakami daidi potïtïdai ïgai go Jakobo, —Aanï ïr Diuxi gï Nukadakami dai aanï soikïiña gï boxika Abraam ïmadï gï oga Isaak. Daiñi. Bïïxi idi dïbïrai xako dama kaatï aapi aanï gï maakimu gï piipixara bïïtarï— itïtïdai.

Genesis 8:20

Bhodïrï Noé kïi ïmo daxdakarui xadutudaragai bïïtarï Gïr Nukadakami. Dai bïïxi go ix makïdï gï kuayi buxtaki ïmadï ujurugi bui ïgai ïïmoko dai mua dai daxdakarui dama tua dai mïïji. Bïï sudakami tukugadï mïïji ïgai dai podukai xadutudai Gïr Nukadakami.

Hechos 7:5

Dai tami mai oi ïgai Abraam toma lachi dïbïrai, mai oi ïgai tomarhi xako kïixagi ïgai. Dïï gia Diuxi aagidi sai gokiïrï maaki agai idi dïbïrai saidi ïr tuidadïkana ïgai dai bhodïrï sai piipixaradï tuidadï ka agai ïpï xïxkadï ka ugitiagi ïgai. Potïtïdai Diuxi tomaxi mai kia maamara go Abraam aidï.

Hebreos 11:8

Go Abraamkaru kïïga buaboitu ïpï dai kaxkïdï buaboidaitai ïïgidi ïgai Diuxi. Diuxi aagidi sai dagitona kiidï dai sai imïna xibhïakoga xako Diuxi maaki agai ïmai dïbïrai xako oidakagi. Dai bïïxkïrï ïïgidi ïgai tomaxi mai maatïkatadai xako imi agai kia.

Exodo 6:4

—Bhai dui aatïmï atagi aanï ïmadï Abraam dai Isaak dai Jakobo. Gin baasaka aanï ïgaikïdï sai maakia iñagai dïbïrai xako Kanaan tïgidu oidigi xako xïbhïadïrï óídakami dukai óídakaiña ïgai. Aagidi aanï sai ami Kanaanïrï óídaka agai piipixaradï ïgai.

Exodo 32:13

—Gï tïgitoñi gï ñoki ix makïdï ïki aagidi aapi gï soikïdami Abraam ïmadï Isaak dai go Israel. Aidïpïrï gï báí aapi sai ix xïïxi oidaga xixabugai po kakiduka as agai piipixaradï ïgai. Bïïxi gï gubukadakïdï namïatudai aapi gï ñoki ix makïdï aagidi aapi go Abraam ïmadï Isaak dai Israel. Aagidi aapi ïpï sai ix makïdï maa aapi oidagadï piipixaradï ïr tuidadï ka agai tomaxi tuigako. Dai idi Israelitas xibi ïr go piipixaradï ix makïdï agaitadai aapi ïïki. Kaxkïdï gï daanïi aanï pïxi oigïdagi dai mai kodagi ïgai— itïtïdai Moises Gïr Nukadakami.

Deu 34:4

Daidi potïtïdai Gïr Nukadakami go Moises, —Gobai ïr go oidigi ix makïdï aagidi aanï go Abraamkaru dai Isaakaru dai Jakobokaru ix makïdï maakia iñagai sai ami óídakagi piipixaradï— itïtïdai. —Gï tïïgida in ïrhidi aanï pai nïijada aapi tabhiadïrï tomaxi aapi mai baakimu gamoko— itïtïdai.

Genesis 13:17

Imïdañi tudu dai mïï ojoida go dïbïrai sa bïï tïbïdu dai sa buiduru gajiakoga. Xibi kaxi gï maa aanï gobai tudu— itïtïdai Gïr Nukadakami go Abram.