Galatas 5:16 - Northern Tepehuan Bible

¹⁶ Gin aaduñi, bïïxi óídakami bia tïgibudagai ix makïdï ïïgi ibhïadïañdïrï imïi dai ix makïdï mai ïïgiada ïrhidi Diuxi. Kaxkïdï gïr ajïi tïgibudagai xi ibuada aatïmï naana maaxi soimaaxi. Dïï gia abïr oijada Diuxi Ibhïadï dai aidï gia ka maiti ibuadamu aapimï ixtumaxi ibuada ïrhidiña ïïgi gïn tïgibudagakïdï.

Tepehuan Northern: Diuusi ñiooquidʌ utuducami oodamicʌdʌ

¹⁶ Dʌmos aanʌ angʌnaagidi mʌsai ivuaadana vʌʌsi istumaasi Diuusi Ibʌadʌ ipʌlidi dai maisiu mosʌcaasi istumaasi aapimʌ ʌʌgi ipʌliadagi.

Galatas 5:16 Referans Kwoze

Galatas 6:8

Daiñi, xorai soimaaxi ibuadagi ïïgiditai ïïgi tïgibudadï ïgai ka ïxiandui soimaaxkami dai go ïï soimaaxkami yoobamu ïpï ïmadï go mukigami. Dïï gia xorai kïïga ibuadagi ïïgiditai Diuxi Ibhïadï ïgai gia gaïïxian dui ixtumaxi kïïgadukami dai go kïïgakïrï oidakaragai ix makïdï ïr bïïxkïrï bïïtarï gobai ïr yoobaradïka agai.

1 Pedro 2:11

Gin aaduñi, xibi gïn aagidamu aanï ïmo ñoki gïn oigïdatai aanï. Daiñi, aatïmï xibhïadïrï óídakami dukai óídaga tami oidigi daama. Idi oidigi mai kïïgakïrï ïr gïr kii tudu dai bhaiyoma go tïbagi ïr gïr kii. Kaxkïdï kïïga abïr gïn tïgitoka dai mai ïïgiada go soimaaxi ix makïdï gïn tanïdagi gïn tukuga xibi kia gïn tukugïrï óídakatai aapimï. Go soimaaxkami ix makïdï gïn tanïdagi gïn tukuga ïr buidïrï kaatïkami dukai gïn ibhïdaga tudu dai soi duada ïrhidi gobai gïn ibhïdaga.

2 Korintios 7:1

Aapimï gin aaduñi ix makïdï kïïga oigïdai aanï, kaxi gïr aagidi Diuxi saidi gïr saagida oidaka agai ïgai. Kaxkïdï tïtai maigobai dasa bïïxi aïkatai go soimaaxkami ix makïdï gïr tukurhimadagi gïr tukuga ïmadï gïr ibhïdaga. Tïtai ïkobai óídaka bïïxi go soimaaxkamiañdïrï tudu dai go ïïgi Diuxi bïïtarï óídaka kïïga xadutudaitai aatïmï.

Romanos 6:12

Kaxkïdï abïr mai dagito xi gïn tïanïdagi go soimaaxkami tami oidigi daama óídakatai aapimï bai mai ïïgiadagi aapimï gïn soimaaxi tïgibudagai.

Efesios 2:3

Bïïxkatai aatïmï buaboitudadami pomaaxi óídakaiña ïkioma ïpï. Ïïgidiña aatïmï ïïgi gïr tïgibudaga soimaaxkïdï. Mos ibuadana aatïmï bïïxi go soimaaxkami ix makïdï bhai ïrhidiña gïr tukuga ïmadï gïr tïgibudaga ïkidadï. Ïïgi pomaaxkatadai aatïmï tudu. Ajïakamikatadai aatïmï xi gïr bui bhamukagi Diuxi dai xi taatagi aatïmï gïgïbidaragai ïmadï bïïxi go gaa óídakami.

1 Pedro 1:14

Daiñi, ïkioma aidïxi mai kia maatïkatadai aapimï ixtumaxi ïr buaboi dai ïïgidiña aapimï ïïgi gïn tïgibudaga, aidï biaka ïrhiditadai aapimï naana maaxi ix makïdï mai kïkïïgadu. Ka maiti abïr podukai óídaka xibi tudu. Ïïgiadabïrai Diuxi gïr Oga bhaiyoma aarhi maamaradïkatai aapimï.

1 Pedro 4:6

Bïïxi oidigi daama óídakami mumukui tudu. Gobai ïr go gïgïbidaragai ix makïdï ajïi bïïxi óídakami. Dïï gia Diuxi ipïrhidi sai bïïxkïrï bïïtarï óídakagi iibhïadï óídakami. Kaxkïdï aiturhi Suxi Kristo go bhai ïrhiaragai aatagi go óídakami iibhïadï ix makïdï ka koi tukugadï.

1 Pedro 1:22

Daiñi gin aaduñi, aapimï ka ïïgidi go buaboi aatagi dai ka buañixikami bii gïn ibhïdaga. Kaxkïdï gï agai sai kïïgakïrï gïn oigïdada aapimï aipakoga bïïxi gïn ibhïdagakïdï.

Kolosenses 2:11

Daiñi, aidïxi bïïnakami bii aapimï Suxi Kristo ka circuncidadugami duu bii aapimï. Dïï gia mai xu xi ïmo odami gïn ikitï dai maigobai dáí lïïchi gïn tukuga ogidï aidï dai bhaiyoma Suxi Kristo ïgai dai maigobai dáí gïn tïgibudaga ïkidadï dai soimaaxkïdï. Podukai gïn circuncido ïgai gïn ibhïdagïrï.

Galatas 3:17

Dai gokiïrï 430 umigi abhiadïrï xi bhai duitadai Diuxi go ñoki go Abraamkaru ïmadï aidï bhai dui ïgai ïmo ñoki go Moiseskaru ïmadï ïpï maakakai go sïïrhikami. Dïï mai xu xi ka mai namïakami bii go ñoki ix makïdï bhai duitadai ïgai go Abraamkaru ïmadï tukamïrï. Bïï goka ñoki namïakatadai tudu. Diuxi mai gajiadïrï biayi ñokidï kaxkïdï. Bïïxkïrï ibuayi ïgai bïïxi ixtumaxi aagadagi.

Romanos 8:1

Aa gia ïr buaboi gobai ix makïdï gïn aagidi aanï. Kaxkïdï xibi ka mai tipu gïgïbidaragai odami bïïtarï ix makïdï bïïnakami bii Suxi Kristo.

1 Korintios 7:29

Gin aaduñi, gïn aagidamu aanï ix tïiya ïrhidi go ñoki ix makïdï gïn maa aanï. Daiñi, ka mai xii mui tasai gïr bii tami idi oidigi daama ix kaxkïdï gï agai ix kïïga gïr urabakatai óídakagi Diuxi Gïr Nukadakami ïmadï. Ix makïdï ïmadï daja aduñdï maiti gï agai ix otïrhioma urabagi Diuxi kabami tïgito aimïraitai aduñdï tudu.

Genesis 6:3

Dai go maamaradï Diuxi bui aarhi oki dai onta dai abhiadïrï gïïgïrdukami kïkïïrhi maamara ïgai. Mui umigi óídakatadai go gïïgïr kïkïïrhi ïgai oidigi dama. Sïïrhikïdï oomarhigakana ïgai xi kaxkïdï arhiï aatagaiña óídakami ïki. Daidi Gïr Nukadakami itïi, —Gin tïgibudaga mai xu mos apia bïïxkïrï maakadamu ñoki odami. Ka mos ïr ïï soimaaxkami tïgibudadï ïgai di. Ka mos arhi ïmo ciento dan ïmokobhai umigi dagitomu aanï ix óídaka óídakami oidigi dama kia— itïi ïgai.