Galatas 4:11 - Northern Tepehuan Bible

¹¹ Daiñi, gobai ïr go buaboidaragai ix makïdï biakana aapimï ïkioma dai pipioñi dukai gïn aaduinturhiña gobai. Kaxkïdï duadikui aanï ix gïn daibuñagi oiditai aapimï gïn ïïkidadï buaboidaragai ïpamu. Xïduñada ka maiti gïn soi go aaduindagai ix makïdï idui aanï gïn saagida tudu.

Tepehuan Northern: Diuusi ñiooquidʌ utuducami oodamicʌdʌ

¹¹ Aanʌ poʌlidi sai giñaa duiñdaga maitʌnsoi.

Galatas 4:11 Referans Kwoze

1Tesalonicenses 3:5

Dai pobai gin ïrhidiña aanï sai maiti gï agai xi gokïdï gïpiïrï gïn surhigidagi go Diabora gïn aagiditai ix dagitoagi aapimï gïn buaboidaraga. Daiñi,ix dagitomudai aapimï gïn buaboidaragai aidï gia mos ïr ïïgikïdïkamudai gïr aaduindaga ix makïdï idui aatïmï gïn aagiditai go bhai ïrhiaragai aatagi. Gobai gin tïgitokatadai aanï tudu. Dai ka maiti ixtui aanï ix bamioma nïnïrakagi dai kaxkïdï otoi aanï go Timoteo sai nïidana sa maaxi daraka aapimï gïn buaboidaragakïdï.

2 Juan 1:8

Maiti abïr gïn dagito sai gïn bupuirumadagi ïgai tudu. Daiñi, kabami gïr aajagïiña aatïmï gïn soiña ïrhiditai saidi bïï sudakami bhïiyagi aapimï gïn maitïki ix makïdï gïn maaki ïrhidi Diuxi oiditai aapimï ixtumaxi ïr buaboi. Dïï gia xi gïn dagitoagi aapimï xi gïn bupuirumadagi go yaatabogami ïgai aidï gia ka mai bïï sudakami bhïiyi antaada aapimï gïn maitïki. Gïn nukadabïrai tudu saidi bïï sudakami bhïna aapimï gïn maitïki.

Galatas 4:20

Gia gïn ïmadï daka in ïrhidi aapimï gin aaduñi. Aidï gia bhaigakamudai aanï xi kïïga aatagadagi gïn ïmadï. Dïï xibi kia mïkaxi daja aanï dai arhiïxi buamï in ïrhidi aapimïkïdï. Kaxkïdï bia aanï xi gïn ojidagi podukai.

1 Korintios 15:58

Kaxkïdï gin susukurhi abïr mai dagitokai buaboitudada. Daidi abïr kabami gïn aaga iduñi aaduindadï Gïr Nukadakami bïïxi gïn bhai ïrhiarakïdï. Kïïga maatï aapimï tudu sai duduakamu aapimï ïpamu bïïna darakatai aapimï Gïr Nukadakami dai kaxkïdï ïpï kïï maatï aapimï sai mai mos ïïgikïdï ibuayi aapimï gïn aaduindaga.

Hechos 16:6

Go Pabora ïmadï go gaa imia ïrhiditadai xako Asia tïgidu oidigi dai ami aagadagi Diuxi ñokidï ïpï dïï Diuxi Ibhïadï mai dagito xi kaxkïdï bhaiyoma sïïrhi dïgabusai ïgai xako Frijia dai Galasia tïtïïgidu oidigi.

Galatas 4:10

Bamioma xadutudai aapimï ïïmo tasai dai ibuayi bagimi poïrhiditai sai podukai kïïgakïrï gïn nïijadamu Diuxi tudu.

Galatas 4:12

Gin aaduñi, kïï maatï aapimï sai aanï ïr ïmo judiu dïï gia ka mai buaboitudai aanï sai gubuakïdï bia aanï xi ïïgiadagi go sïïrhikami bai kïïgakïrï gin nïijadagi Diuxi. Gajiadïrï bia aanï bïïxi gobai dai kaxi gïn ïpïan dukai oidaga aanï aapimï ix makïdï maiti ïr judidiu. Aapimï ix makïdï maiti ïr judidiu mai buaboitudai sai gubuakïdï bia xi ïïgiadagi go Moises sïïrhikamigadï sai kïïgakïrï gïn nïijada Diuxi tudu. Dai xibi gïn daanïi aanï sai apia dukai óídakagi aapimï mai gubuakïdï gïn tïanïitai go sïïrhikami. Gin aaduñi, gïn tïgitobïrai xïï kïïga gin miadïgidi aapimï aidïxi tukamïrï gïn dibiji aanï. Mai soi dukai gin nïidiña aapimï aidï tomaxi ïr kokoadïkatadai aanï. Kïï maatï aapimï tudu saidi ïr kokoadïkatadai aanï dai kaxkïdï ami bii aanï gïn ïmadï. Kaxkïdï ami bii aanï dai gïn aatagidï go bhai ïrhiaragai aatagi.