Galatas 3:9 - Northern Tepehuan Bible

⁹ Daiñi, Go Abraamkaru biatu ïmo bhai ïrhiaragai ïïki mos buaboitudakai ïgai dai podukai ïpï bïïxi óídakami biakana ïmo bhai ïrhiaragai ïpï mos buaboitudakai ïgai ïpï ïpïan dukai go Abraamkaru. Podukai kïïgakïrï bipiïyi ïgai Diuxi ïmadï tudu. Gobai ïr go bhai ïrhiaragai ix makïdï ïr bïïxi óídakami bïïtarï.

Tepehuan Northern: Diuusi ñiooquidʌ utuducami oodamicʌdʌ

⁹ Poduucai Diuusi baiʌʌliatudai sioorʌ vaavoitudai Suusi Cristo poduucai isduucai Diuusi baiʌʌliatu Avraañicaru vaavoitudacai ʌgai Diuusi.

Galatas 3:9 Referans Kwoze

Romanos 4:16

Kaxkïdï gï agai xi buaboitudagi aatïmï Diuxi. Buaboitudakai aatïmï kïï maatï sai biakamu aatïmï ixtumaxi gïr aagidi Diuxi mos ïï kïï tuigakatai ïgai gïr bïïtarï. Kïï tuiga ïgai aatïmï gïr bïïtarï ix makïdï ïr piipixaradï go Abraamkaru tudu. Dai mai mosïkaxi Abraamkaru piipixaradï bïïtarï gobai ix makïdï aagai Diuxi tomaxi bia ïgai Diuxi sïïrhikamigadï. Bhaiyoma gobai ïr bïïtarï bïïxkatai ix makïdï buaboitudai ix dukatai buaboidaitadai Abraamkaru. Go Abraamkaru ïr ogadï bïïxkatai aatïmï ix makïdï buaboitudai tudu.

Galatas 3:29

Dai bïïna darakatai aapimï Suxi Kristo gobai itïiya ïrhidi saidi ïr piipixaradï aapimï go Abraamkaru dai gïn ajïga xi gïn aiyagi go bhai ïrhiaragai ix makïdï aagidi Diuxi go Abraam. Gobai ix makïdï aagidi ïgai saidi iduña agai piipixaradï bïïtarï tudu.

Romanos 4:24

Aatïmï gïr bïïtarï ojixi gobai ïpï. Daiñi, Diuxi kïïgakïrï gïr nïijadamu ïpï buaboidakai aatïmï ïgai ix makïdï duakaturhi go Suxi Gïr Nukadakami mukukai ïgai. Buaboidakai aatïmï Diuxi tudu.

Romanos 4:11

Go Abraamkaru buaboitu dai aidïpïrï Diuxi kïïgakïrï tïï mai kia gï circuncidadukatai ïgai. Gokiïrï Diuxi tïjai sai gï circuncidandoagi xi gï maaxitudagi sai Diuxi ka kïïgakïrï tïïtadai mos buaboidakai ïgai. Kaxkïdï go Abraamkaru ogadï dukai bii bïïxi buaboitudadami bïïtarï ix makïdï Diuxi kïïgakïrï nïidi tomaxi maiti ïr circuncidadugami ïgai.

Galatas 3:14

Xibi ka taata Suxi go gïgïbidaragai gïr bïïtarï xi kaxkïdï xibi Diuxi gamaakai ïmo gïdukami bhai ïrhiaragai go odami ix makïdï maiti ïr judidiu. Kïïgakïrï nïidi ïgai mos buaboitudakai ïgai tudu. Xibi asta go odami ix makïdï maiti ïr judidiu biatu ï galbaaxi bhai ïrhiaragai ix makïdï maa Diuxi go Abraamkaru ïïki ka bïïna darakatai ïgai Suxi Kristo. Dai xibi aïjïi Diuxi Ibhïadï bïïxkatai aatïmï gïr ïmadï mos buaboitudakai aatïmï xi ïr judidiukagi xi maiti ïr judidiukagi aatïmï ïpï.