Galatas 1:13 - Northern Tepehuan Bible

¹³ Gïn aagidamu aanï ix dukatai gin ayi go aatagi sai maatïkana aapimï sai Diuxiañdïrï dibia gobai. Daiñi, kïï maatï aapimï ixdukatai oidakana aanï ïkioma oiditai go judidiu buaboidaradï. Kïï maatï aapimï sai kïïdaiña aanï go buaboitudadamigadï Suxi Kristo. Kïïdaiña aanï Diuxi maamaradï tudu dai sïïrhikïdï omarhigakana buidïrï ïgai. Kabami gin aajagïiña aanï gaagaitai ixdukatai naato ugitotudagi ïgai tudu.

Tepehuan Northern: Diuusi ñiooquidʌ utuducami oodamicʌdʌ

¹³ Aapimʌ camaatʌ isducatai ivuaadana aanʌ ʌʌquioma aidʌsi ʌʌgidiña aanʌ ʌjudidíu vaavoidaragadʌ. Camaatʌ aapimʌ isaliʌ soimaasi taatamituldiña aanʌ ʌgai ismaacʌdʌ vaavoitudaiña Suusi Cristo. Aanʌ vʌʌsi coodai iñʌliditadai.

Galatas 1:13 Referans Kwoze

Hechos 8:3

Dïï go Saulo apia soi buadatadai go buaboitudadami tomaxi aipako ijitadai ïgai. Kiikidïrï bapaakïiña ïgai dai tïrhiusumaitai bubaidiña kïkïïrhi ïmadï oki daidi gamaamaixaiña.

1 Korintios 15:9

Bhaitoma podukai pogïdui gin ïmadï aidïxi todian dukai otosadï gin dáí Suxi. Aidïpïrï tomarhi ïmadutai poïrhiditadai ix aanï otosadïka iñagaitadai Suxi. Kabami soi buididitadai aanï go buaboitudadami aidï di. Dai kaxkïdï bïïxi go gaa ojotosadï Suxi bamioma bia sïïrhikami ix tïanïdagi ix aanï dai aanï mai bia sïïrhikami tomarhi ix ïmo otosadï Suxi gin aagagi odami. Kabami soi buididiña aanï go buaboitudadami ïkioma kaxkïdï.

Hechos 9:26

Dai aïkai go Saulo Jerusalenïrï uraba ïrhiditadai ïgai go buaboitudadami, dïï ïgai ïbhïidiña go Saulo. Mai buaboitudaiña ïgai xi go Saulo ïr buaboitudadami kïïgakïrï.

Hechos 9:21

Dai bïïxkatai ix makïdï kaï mai tïtïgaitadai ixdukatai gïn tïtïgitoagi daidi ikaiti, —¿Maiti ix ïr gobai ïgai dai aimïraiña Jerusalenïrï dai gaagaiña go buaboitudadami dai soi buadana? Xibi ka tami dibia gobai dai bukia agai buaboitudadami maamaixapikami ïrhi aanï dai mïïka tïïgida agai go bhaitï gukakamigadï dadaxdadami judidiu mïï Jerusalenïrï— ikaitiña odami.

Filipenses 3:6

Kabami gin aajagïiña aanï ipïrhiditai ix ibuadagi ixtumaxi bhai ïrhidi Diuxi. Dai asta soi buididiña aanï go buaboitudadami aipakoga ïmpaidadami po iñïrhiditai sai gobai bhai ïrhidi Diuxi ïpï. Kïïga ïïgidiña aanï bïïxi ixtumaxi gïr biturhi go Moiseskaru dai podukai mai tipukana ixtukïdï gïpiïrï gin bupadagi jaa. Kaxkïdï aanï bamioma biakatadai ixtukïdï buaboitudagi ixtumaxi ibuadana aanï xi bhai xi toma xorai. Dïï bïïxkïrï maiti gï agai xi buaboitudada aanï gobai.

Hechos 8:1

Daidi go Saulo ami dajatadai ïpï aidïxi gï muatu go Tibañi dai bhai aa mïx muagi. Dai gokiïrï dada kïkïïrhi kïïga xadutuadadami Diuxi dai yaasa tukugadï Tibañi. Kabami susuanïitadai ïgai soi gïn ïrhiditai. Dai aidï tasïrï aidïxi gï muatu go Tibañi go Jerusalenïrï óídakami bui surhi go gaa buaboitudadami ïpï dai soimaaxi taataturhimitadai. Dai go buaboitudadami aipako iji abhiadïrï. Jaa iji Judeamu dai jaa Samariamu. Mosïkaxi Suxi ojotosadï anaaxi bii Jerusalenïrï.

1 Korintios 10:32

Maiti gï agai tudu ix ibuadagi ixtumaxi sobhikïdagi jaa ix buaboitudagi tomaxi ïr judidiukagi ïgai ix jaa ïpï, ix ka uraba daraka ïgai Diuxi buaboitudakai ix cho ïpï.

1 Tomoteo 1:14

¡Xïï kïï tuiga Gïr Nukadakami aanïkïdï tudu! Daiñi, xibi bïïna dakatai aanï Suxi Kristo gin maa ïgai gubukarhigai ix kïïga buaboitudada aanï dai ix kïïga oigïdada aanï jaa.