Exodo 5:1 - Northern Tepehuan Bible

¹ Bhodïrï go Moises ïmadï Aaron amïï dibiji Rey Ejipituana daidi itïtïdai, —Kaïkañi ix kaiti Diuxi Gïr Nukadakami ix makïdï aatïmï Israelitas buaboitudai. Ïgai ikaiti sai dagitona aapi gin aadundï bai iimïna ïgai oidigamu dai amïïka bagimitudagi ïgai dai xadutuadagi,— ikaiti Gïr Nukadakami itïtïdai Moises ïmadï Aaron go Rey.

Exodo 5:1 Referans Kwoze

Hechos 4:29

Dai aapi Diuxi kïïga nïidi ix gïr bui bhakokorïi go dudunukami. Aatïmï ïr gï pipioñi kaxkïdï gïr maakañi gubukadagai xi mai duadimudagaikïdï aatagada gï ñoki— ikaiti go buaboitudadami gadaanïitai Diuxi.

Exodo 3:18

—Go bhaitï gukakamigadï Israelitas gï ïïgida kaimu. Dai bhodïrï oidamu aapi go bhaitï gukakami daidi mïï Ejiptuïrï Rey buidïrï kïkibamu aapi dai atagidamu. Daidi tïdamu aapi go Rey sai, —Diuxi Gïr Nukadakami ix makïdï aatïmï Israelitas buaboitudai ïgai daidi gïr buidïrï gï maaxitu dai gïr aagidi sai mïï oidigana daaxida aatïmï buxtaki. Ïgai gin otoi naidi gï tanïna aanï oigaragai xi dagitoagi aapi gin aaduñi xi baidakagi aanï baika tasai imidagai oidigamu. Mïï koditulda ïragai aatïmï buxtaki Diuxi Gïr Nukadakami. Potïdamu aapi go Rey— itïtïdai Diuxi go Moises.

1 Korintios 5:8

Gï agai tudu ix gabagimaitai dukai óídaka aatïmï ix dukai ibuayi go judidiu go Kïïgakïrï Bubaidaragai Bagimi. Maiti gï aagai ix soi buidadagi aatïmï jaa tomarhi ix ibuadagi ïma maaxi soimaaxkami. Gï aagai bhaiyoma xi kïï sïïrhi ibuada aatïmï ixtumaxi dai aagagi mosïkaxi ixtumaxi ïr buaboi.

Mataibo 10:28

—Gin aaduñi— itïtïdai. —Odami ixtutuidi xi mosïkaxi muagi gïn tukuga dïï gia gïn ibhïdaga maiti ixtutuidi ïgai ix muagi. Kaxkïdï maiti gï agai xi ïbhiadagi aapimï. Gï agai bhaiyoma xi ïbhiadagi aapimï Diuxi. Ïgai gia kïïga ixtutuidi xi xia duadiagi odami tukugadï ïmadï modukai ibhïgadï daitudakai ïgai go ibhïadï go gïï taiyïrï. Pokaxi gubuka ïgai tudu— itïtïdai.

Mataibo 10:18

Baan gïn tutusamu go óídakami go gïgïr tïtïanïdami buidïrï tudu, dukami gïgïr Reyes buidïrï. Po gïn duñimu ïgai gin buaboitudaitai aapimï. Dai podukai biakamu aapimï oigaragai xi ñokadagi gin bïïtarï mui tïtïanïdami buitapi. Buitapi go judidiu tïtïanïdamigadï tudu dai saagida ix makïdï maiti ïr judidiu ïpï— itïtïdai.

Exodo 4:23

—Tomaxi aanï aagidagi go Rey xi dagitona ïgai gin aaduñi xi iimiagi bïïxkïrï ïgai maiti ipïldamu. Kaxkïdï aapi Moises adukai tïdamu go Rey, —Aapi Rey ka mai dagito aapi maradï Gïr Nukadakami sai imiagi dai mïï koditudagi buxtaki dai daxdagi. Kaxkïdï Gïr Nukadakami mua agai aapi gï maara gïdukïdioma tïdamu aapi. Podukai aituldamu aapi gin ñoki go Rey buidïrï— itïtïdai Gïr Nukadakami go Moises. Potïtïdai Diuxi go Moises Ejiptuamajako imïdamikatai ïgai tudu.

Exodo 8:20

Bhodïrï Gïr Nukadakami itïtïdai go Moises, —Baañiñi xoroko ïïki dai mïï nïida go Ejiptuïrï Rey. Mïï gïï akiana tïïgimu aapi gï baïtïbïitai ïgai. Dai ka tïïgakai aagidañi sai, —Pokaiti Gïr Nukadakami, dagitona pïsa aaduñdï saidi oidigana kodagi buxtaki dai daxdagi daxdakaruïrï.

Exodo 7:2

Ïïgi ix dukatai gï aagidagi aanï podukai aagidamu aapi go Aaron xi ïgai utioma atagidamu go Ejiptuïrï Rey dai aagidamu sai dagitona ïgai go Israelitas xi iimiagi Ejiptuañdïrï.

Exodo 8:16

Dai bhodïrï potïtïdai Diuxi go Moises, —Aagidañi go Aaron sai gïgïna dïbïrai kubhiadï uxiaradïkïdï xi go dïbïrai kubhiadï aarhi nunubarhi gï naatona dai sudana Ejipituana— itïtïdai.

Exodo 8:17

Podui ïgai. Go Aaron gïïgï dïbïrai kubhiadï uxiaradïkïdï tai todian dukai oidatu aarhi nunubarhi tomaxako Ejipituana. Tai kabami kïkïi ïgai óídakami ïmadï sosoigadï.