Exodo 40:34 - Northern Tepehuan Bible

³⁴ Dai ami daiba go kubhuxi ix makïdï imïiña go Israelitas bhaitïki dai iña go ikuxi baaki xako didibai Gïr Nukadakami dai ïrana mos kabami kudidikana Diuxi kudaigadï.

Exodo 40:34 Referans Kwoze

Apokalipsis 15:8

Dai aidïxi bui go Diuxi tïtïañikarudï go ajasokorhi bai kabami kubhuxitu ami kiupiïrï. Dai gobai gï maaxidi xi Diuxi ïr gubuakami. Dai ka maiti ixtui tomarhi ïmadutai ix bakiagi ami asta xïïxkadï ka bïïxi naato surhi go Diuxi tïtïañikaru go kubarakami gïgïbidaragai ix makïdï ami ajasokorhiïrï imïi.

Exodo 14:24

Xarhimodï sudagi ïrana iimïitadai ïgai tai Gïr Nukadakami kubhuxi ïrana daja dai nïidi dai mai mamaatïturhi xako sïïrhi iimiagi go Ejipituana sandadaru xi ïgai ïïgi gïn bupuidïrï gugukigi duduadimukïitai.

Lebitiko 16:2

Dai bhodïrï Gïr Nukadakami aataga ïmadï Moises daidi itïtïdai, —Aagidañi gï xïgi Aaron sai maiti agai xi mos ipïldakai baakiagi ïgai go gïï nagiïkïdï ikuxi ïbhïgidiïrï dai buidïrï go kajoñi iñaparadï xako gï boixidai ïrai bai ïgaikïdï oigïlda nïidagi aanï odami soi maaxkamigadï. Ami bïïxi adama ïr xadutudikamiïrï tudu. Xi mos ïgikïdï baakiagi ïgai mukian taada ïgai gin maaxitukai aanï kubhuxi saagida bhobai kajoñi iñaparadï dama.

Apokalipsis 21:3

Dai gïgïrï ño ixtumaxi mïï go gïï daikaruañdïrï daidi ikaiti, —Xibi gia odami saagida daja Diuxi kiidï. Xibi odami saagida oidaka agai ïgai dai kïïgakïrï ïr Diuxigadïka agai ïmadï dakatai.

Exodo 25:8

Ipïrhidi aanï xi gin duiñdagi go Israelitas ïmo xadutudikami kii xako oidakagi aanï gïn saagida.

Romanos 9:4

Go gin aaduñi judidiu ïr piipixaradï Israelkaru dai Diuxi dáí sai ïgai ïr maamaradïkana. Diuxi gïn saagida oidatu dai tïtïgidiña xïïxi ïr gïdukami ïgai dai bhai dui ñoki gïn ïmadï. Go gin aaduñi judidiu bia Diuxi sïïrhikamigadï dai Diuxi aagidi ix dukatai xadutuadagi Diuxi. Dai aagidi ïpï saidi iduñi agai naana maaxi ixtumaxi go judidiu bïïtarï.