Exodo 25:9 - Northern Tepehuan Bible

⁹ Kïïga abïr gïn tïgito nïida dai ïïgi ix dukatai gïn aagidagi aanï podukai abïr duñi go baaki ïmadï bïïxi ix makïdï ïrana daraja agai.

Exodo 25:9 Referans Kwoze

Hebreos 8:5

Dïï gia go dadaxdamigadï go judidiu ibuayi aaduindadï ïmo kiupiïrï ix makïdï mos ïr ïmo maaxidaragai dukai bïïtarï go buaboikïdï kiupai ix makïdï tïbagiana kïïka. Kaxkïdï aidïxi kaxi iduña agaitadai Moises go kiupai amïï oidigana Diuxi sïïrhi ñokidi daidi potïtïdai, Aapi Moises, xïxkadï iduñagi aapi go kiupai ix makïdï gï tïjai aanï kïïga gï tïgito nïida dai kïïga iduñi ixdukatai gï aagidi aanï amïï tubidakana, itïtïdai. Go kiupai ix makïdï ibuadatadai go Moises ïr ïmo maaxidaragai dukamikatadai bïïtarï go tïbagiana kiupai tudu. Kaxkïdï gï agaitadai xi kïïga iduñagi ïgai ixdukatai Diuxi aagiditadai aidïxi maa ïgai ñoki amïï Sinaí tubidakana.

Hechos 7:44

Dai bhodïrï Tibañi oi aatagadï daidi ikaiti, —Gïr aaduñikaru kusu ajiopaiña ïmo ikuxi kiupai oidigana xako ajiopaiña ïgai dai ami kiupiïrï didibaiña Diuxi. Diuxi tïïgi go Moises ixdukatai duñagi go ikuxi kiupai dai mos podukai idui ïgai.

Hebreos 9:9

Dïï gia bïïxi gobai ix makïdï aagai go ïïkidadï sïïrhikami gobai mos ïr ïmo maaxidaragai dukai aagaitai go aaduindagai ix makïdï idui Suxi Kristo. Daiñi, go dadaxdadami ix makïdï oidiña go ïïkidadï sïïrhikami ibuayi aaduindadï ïmo kiupiïrï ix makïdï tami oidigi daama kïïga dai ïgai maiti ixtutuidikïi xi kïïgakïrï bubiadagi óídakami. Dïï gia Suxi Kristo gia baa go kiupiana ix makïdï tïbagiana kïïga dai ïgai gia ixtutuidikïi xi kïïgakïrï bubiadagi óídakami. Bïïxi go oidaragai ïmadï daxdaragai ix makïdï buapaiña go óídakami go kiupiïrï ïïgiditai ïgai go ïïkidadï sïïrhikami, bïïxi gobai mai bhaigakatadai xi kïïgakïrï buañixikami biagi iibhïadï go odami ix makïdï buapaiña tudu.

Hebreos 8:2

Ami ibuayi ïgai aaduindadï bhaitï kïakami dadaxdadamikatai ïgai. Ibuayi ïgai aaduindadï go gïï kiupiana tïbagiana ix makïdï kïïgakïrï ïr Diuxi kiupaigadï tudu dai ix makïdï Diuxi idui dai maiti ïr odami duñidï gobai kiupai toma lïïchi.

Hebreos 9:2

Ami kiupiïrï gokadukatadai tutukabi. Go ïpïgadï tukabiïrï kïakatadai ïmo tutusakaru kukudagi dai ïmo mesa. Dai ami mesa daama bïïtïkatadai go pan ix makïdï gï dadaxdi Diuxi.

Exodo 39:42

Dai ka ayi ix tuigako ka naato idui go Israelitas ix makïdï gïn tïañitu ïgai. Ïïgi ix dukai tïjai Gïr Nukadakami podukai idui ïgai. Idui ïgai go ikuxi baaki ix makïdï Gïr Nukadakami tïjai go Moises.

Exodo 39:43

Dai go Moises nïidi xi ka naato ïgai bïïxi go aa aaduindagai dai bhodïrï aagai ïgai ïmo bhai ïrhiaragai go Israelitas bïïtarï.