Exodo 25:17 - Northern Tepehuan Bible

¹⁷ Go ïï orokïdï iduñi go kajoñi iñaparadï ïmo metro dan bhaibuxtama centimetros iduñi tïbïakoga dai baikobhai dan taama centimetros gajiakoga.

Exodo 25:17 Referans Kwoze

Hebreos 9:5

Dai ami go kajoñi daama gukatadai goka uubixi ix makïdï ïpïamaaxi tïtïañikarudï Diuxi. Ïmo maaxidaragai dukai bïïtarï ïgai xako daja Diuxi. Dai ajana ïgai. Dai ami go kajoñi iñaparadï daama tarañdi ïgai ajaanadï. Ami go kajoñi iñaparadï daama tudu ïr xako bhai gï buadana soimaaxkamigadï óídakami Diuxi ïmadï. Ami ukami gïn aagidamu aanï xibi bïïtarï ix maaxkatadai gobai.

Hebreos 4:16

Dai kaxkïdï ïpï gï agai xi mai duduadikoitai daanïda aatïmï Diuxi kïïga ïïmadan dukai. Kïï tuiga ïgai gïr bïïtarï tudu dai daanïkai aatïmï gïr tïïgidamu ïgai xïï soi gï ïrhidi ïgai gïr bïïtarï gïr soikïitai xïïxkadï tïgitokagi aatïmï.

Romanos 3:25

Mukukai Suxi Kristo kuruxiana Diuxi gïr tïtïgidi ixtuma gïgïbidaragai gïr ajïakatadai soimaaxi buadatai aatïmï. Ami kuruxiana Suxi aaxi ïradï bai oigïrhixikami biïna bïïxi buaboitudadami. Dai Diuxi gïr tïtïïgidi xïï sïïrhi aatabuadana ïgai ïïki abhiadïrï ïpï dai mai otoma bhamukuitai ïgai nïiditai soimaaxkami ix makïdï ibuadana óídakami ïkioma dai mai otoma gïgïbituldatai ïpï.

1 Juan 2:2

Suxi Kristo muu gïr bïïtarï ïmo daxdaragai dukai dai bhai dui gïr bïïtarï Diuxi ïmadï soimaaxi ibuadamikatai aatïmï. Dai mai xu xi mosïkaxi aatïmï gïr soimaaxkamiga bïïtarï bhai dui ïgai. Bhai dui ïgai bïïxi go gaa oidigi daama óídakami soimaaxkamigadï bïïtarï ïpï.

Exodo 25:18

Bïï goka padïrï go iñaparagai gï agai xi tutusagi goka Diuxi tïtïañikaru maaxkami ix makïdï ajana. Martiokïdï sosona go oro dai bhobai baaxi iñaparana iduñi go tïtïañikaru xi mos ïmo aaduindagaikagi ïgai ïmadï go iñaparagai.