Exodo 14:8 - Northern Tepehuan Bible

⁸ Gïr Nukadakami ïgai dai mai dagito go Rey xi ïma dukai bhïiyagi tïgibudagai bai ïgai mos apia mai ïïgidaraga dai aadaji ïgai go Israelitas tomaxi gïïpi gubukadakïdï bubuajatadai ïgai abhiadïrï. Dïï bïïxkïrï Gïr Nukadakami nukatugai go Israelitas.

Exodo 14:8 Referans Kwoze

Hechos 13:17

Aatïmï Israelïrï óídakami Diuxigadï ïkobai bubaitu gïr aaduñi ïïki dai muidaturhi aidïxi kia Ejiptuïrï óídakatadai ïgai. Mïïkaxdïrï óídakami dukai óídakatadai ïgai aidï. Dai gokiïrï bubaitu ïgai ami Ejiptuañdïrï gï gubukadakïdï— ikaiti.

Exodo 14:4

Dai Aanï ïpamu mai ïïgidaratudamu go Ejipituana Rey xi ïgai gïn tïgitomu dai gïn gokiïrï gïn aadaimu. Dai bhodïrï aanï bui kïkibamu go Rey ïmadï sandadarugadï dai gokiïrï go Ejipituana oidakami nïijadamu xïï gubuka aanï. Dai nïijadamu xi aanï ïr Nukadakami— itïtïdai. Dai aa surhi go Israelitas daidi idui ix dukatai agaitadai Diuxi.

Exodo 6:1

Bhodïrï Gïr Nukadakami itïtïdai go Moises —Xibi gia nïijadamu aapi xi duñimu aanï go Ejiptuïrï Rey. Tomaxi maiti ipïrhidi gobai bïïxkïrï bhïimu ïgai ïmadukai tïgibudagai dai dagitomu gin aaduñi. Nïijadamu aapi xi go gïï Rey ïïgi otosamu go Israelitas tabhiadïrï— itïtïdai.

Exodo 4:21

Daidi Diuxi itïtïdai, —Aapi Moises gï agai pïxi kïïga gï tïgito nïijadagi aïkai Ejipituana dai bïïxi ibuadagi go maaxidaragai go Rey buidïrï ix makïdï gï maa aanï gubukadagai pïx ibuadagi. Podukai gï maakimu go Rey oigaragai xi aatagada aapi buidïrï. Dïï mai dagitomu aanï go Rey xi ïma dukai bhïiyagi tïgibudagai bai ïgai mos apia mai ïïgidaraga ka agai. Tomaxi ibuada aapi naana maaxi maaxidaragai buidïrï ïgai, bïïxkïrï ïgai mai dagitomu go Israelitas xi iimiagi abhiadïrï. Kaxkïdï aanï kabami gïgïbituldamu ïgai— itïtïdai Diuxi.

Exodo 14:7

Bhïkai ïgai naadan ciento karetas ix makïdï ïr kïïkïgadukïdioma. Dai ïkobïrako go gupudagai bipiakami bhïkai bïïxi go gaa karetas ix makïdï Ejipituana oidaga dai aadaji go Israelitas ïpï.

Exodo 14:17

—Aanï maakimu tïgibudagai go Ejipituana sandadaru xi ïgai mos aapia gïn adiadamu. Dai aidï gia naato xia duadamu aanï go Ejipituana Rey ïmadï sandadarugadï dai sosoigadï dai nïidamu aapimï xïï gubuka aanï— itïtïdai. —Aidï gia bïïxi go Ejipituana óídakami maatïkamu xi aanï ïr Nukadakami— itïtïdai Gïr Nukadakami Moises.