Exodo 1:8 - Northern Tepehuan Bible

⁸ Go gïï Rey ix makïdï dunukamiïrï dáí go Jose ami Ejipituana kïï oigïdai go Jose dai kïï soikïiña ïgai Jose aaduñdï. Dïï gokiïrï aidïxi ka mutadai ïgai Rey ïmadï go Jose abhiadïrï mui umigikïdï baa ïmai Rey utudukami ami Ejipituana dai ïgai mai soi aaduñdï go Josekaru. Dai go Rey ïgai itïtïdai aaduñdï ix makïdï tïanïi ïgai,

Exodo 1:8 Referans Kwoze

Hechos 7:18

Dai aidïpïrï ugidagai go Faraon ix makïdï kïï ïmadakatadai go Jose dai bhodïrï baa ïmai Faraon mobai Ejiptuïrï dai ïgai mai maatïkatadai go Jose.

Hechos 7:19

Dai idi Faraon naana dukai bupuirumada ïrhiditadai gïr aduñi dai sïïrhikïdï soimaaxi buididitadai. Gatïjai ïgai gïr aaduñi xi ïgai kiidana dagitona gïn maamara sai ïgai kona, ix makïdï ïr kïkïïrhi utudama bubuakiadï— ikaiti Tibañi.

Exodo 3:7

Daidi Gïr Nukadakami apia ñokidimi daidi itïtïdai, —Kïï maatï nïidi aanï xïïxi soi dukai óídaga gin aaduñi Ejiptuïrï. Kaïkana aanï xïïxi aijiïgïiña ïgai xudu soi buadagi tïtïanïdamigadï. Daidi kïï maatï aanï xïïxi bia ïgai soi ïrhiaragai abhana— ikaiti.

Exodo 3:9

—Kaïkana aanï xïïxi aijiïgïiña go Israelitas. Dai bïïxi maatï nïidi aanï xïïxi soi buayi go Ejipituana óídakami.

Exodo 3:16

Daidi Diuxi Gïr Nukadakami kia aatagaimi ïmadï Moises daidi itïtïdai, —Ïmpaidamu aapi go Israelitas bhaitï gukakamigadï aïkai aapi Ejipituana daidi aagidamu aapi xi gï buidïrï maaxitu aanï ix makïdï gïn piipixara buaboitudaiña ïïki. Ix makïdï Abraam dai Isaak dai Jakobo buaboitudaiña tudu. Aagidamu aapi xi gï buidïrï gin maaxitu aanï dai xi aanï gï aagidi xi nïidi aanï xïï soi dukai gïn aaduintuldimi go Ejiptuïrï óídakami— tïdamu aapi go Israelitas bhaitï gukamigadï.

Jue 2:10

Dai tïbïpikïdï koi go gaa bhaitï gukakami ïpï ix makïdï ïpïan ïxi ïr kïkïrhiodami ïmadï Josue. Dai abhiadïrï bhaitiakoga go Israelitas ka dagitoimi Gïr Nukadakami. Go utu iimïdami mai maatïkana ix tuiga Gïr Nukadakami dai tomarhi mai maatï ïgai ix maaxi idui ïgai soiñi abhana go Israelitas.