Efesios 5:15 - Northern Tepehuan Bible

¹⁵ Kaxkïdï abïr kïïga gïn tïgito nïida mïx dukatai óídaga. Maiti abïr ïpïan dukai óídaka pupuirugami ix makïdï mai maatï tomarhi ïmo ixtumaxi tudu. Bhaiyoma abïr óídaka kïïga sïïrhiñikami biakatai gïn tïgibudaga.

Tepehuan Northern: Diuusi ñiooquidʌ utuducami oodamicʌdʌ

¹⁵ Cascʌdʌ cʌʌgacʌrʌ avʌr oidaca. Maitavʌr ʌpan duucai oidaca ismaacʌdʌ maimaatʌ Diuusi ñiooquidʌ baiyomavʌr oidaca ʌpan duucai sastuducami ismaacʌdʌ maatʌ Diuusi ñiooquidʌ.

Efesios 5:15 Referans Kwoze

Kolosenses 4:5

Kïïga abïr gïn tïgito nïijada ix dukatai ibuayi aapimï buidïrï go óídakami ix makïdï mai kia buaboitudai. Xibi kia bia aapimï oigaragai xi ibuadagi ixtumaxi ïr soiñi ïgai bïïtarï tudu dai kaxkïdï abïr kabami gïn aaga dai mai dagito ix mos dïgabuskïdagi tasai.

Santiago 3:13

Gin aaduñi, ¿Po gïn ïrhidi mïxi sai kïïgadu gïn tïgibudaga dai sai maatï aapimï ix dukatai kïïga óídakagi? Aidï gia ix kïïgadukagi gïn tïgibudaga abïr ibuada ixtumaxi ïr kïïga dai podukai maaxituda saidi ïr buaboi sai kïïgadu gïn tïgibudaga. Kïïga abïr ibuada tudu dai maiti abïr gïgïrdukïdï gïn ïrhiada aapimï. Podukai ibuayi odami ix makïdï mai kïïgadu tïgibudadï kaxkïdï.

Filipenses 1:27

Dïï gia gïn aagidamu aanï ixtumaxi bamioma gï agai. Bamioma gï agai xi kïïga bhai dukai óídakagi aapimï ixdukatai aagai go bhai ïrhiaragai aatagi. Go aatagi aagaitai Suxi Kristo tudu. Ix apia ïïgiada aapimï go bhai ïrhiaragai aatagi aidï gia kïïgakïrï óídakamu aapimï. Dai aidï gia tomax dukai ix gïn dibidagi aanï xiïpï ix mos kajiomakagi aanï ix maaxi daraka aapimï mïkaxi dakatai aanï tomax dukai maatïkamu aanï sai mo ïxi kïïgakïrï óídaga aapimï mos ïmo tïgibudagai biakatai aapimï bïïxkatai. Dai maatïkamu aanï sai mai duadikoi aapimï ix makïdï gïn buidïrï bïïtï ïpï. Dai maatïkamu aanï ïpï sai maiti gïn daadagitoi aapimï xi gïn maitiagi go naana maaxi aatagi ix makïdï maiti ïr go bhai ïrhiaragai aatagi kïïgakïrï. Podukai mai duduadikuitai maaxituldamu aapimï ïgai ix makïdï gïn buidïrï bïïtï sai ïgai mai kïïgakïrï bubuaki agai dai aapimï gia. Diuxi tudu ïgai dai ibuayi bïïxi ixtumaxi gïn aagidimi aanï.

1 Korintios 14:20

Gin susukurhi, gï agai ix gïgïr odami tïgibudagai biakagi aapimï kïïga gïn tïgitokatai. Dïï gia go soimaaxkamikïdï gia gï agai xi xixïñi dukai ibuadagi maiti ibuadatai soimaaxi.

1 Tomoteo 6:9

Daiñi, mui odami gïpiïrï susurhigïiña gïn bipida ïrhiditai. Kaxkïdï tudu ibuada ïrhidiña ïgai naana maaxi soimaaxkami. Pobïnïrhidi sai podukai gïn bipida agai. Gobai ïgai dai gïpiïrï surhitudai dai xia buayi oidakaradï bïïxkïrï bïïtarï.

1 Pedro 1:22

Daiñi gin aaduñi, aapimï ka ïïgidi go buaboi aatagi dai ka buañixikami bii gïn ibhïdaga. Kaxkïdï gï agai sai kïïgakïrï gïn oigïdada aapimï aipakoga bïïxi gïn ibhïdagakïdï.

Mataibo 10:16

Dai apia oi Suxi aatagidï daidi potïtïdai, —Gïn otosamu aanï maigobai go óídakami saagida— itïtïdai. —Dai gï aagadamu xi kïïga gïn nukadakagi aapimï. Go óídakami omarhigaka agai gïn bïïtarï tudu ïpïan ïxi oomarhigaka agai ïgai sïsïïyi buidïrï kañiñiru. Ipïrhiadamu ïgai xi soi gïn buidadagi tudu. Dai kaxkïdï gï agadamu xi kïïga gïn tïgitokagi ixdukatai gïn nukadakagi aapimï. Gï agadamu tudu sai kïïga buañixikami óídakagi aapimï sai mai tïïgiagi jaa ixtukïdï gïpiïrï gïn bupadagi— itïtïdai.

1Tesalonicenses 5:15

Daidi abïr mai soi buidadagi xorai soi gïn buidadagi ïpï. Bhaiyoma abïr ibuada ixtumaxi ïr soiñikagi ïgai bïïtarï tomaxi maiti ïr buaboitudadamikagi ïgai ix ïr buaboitudadamikagi ïpï.

Lukas 24:25

Dai Suxi potïtïdai, —Agia kapaka gïn momo aapimï odami— itïtïdai. —Mai oton buaboitudai aapimï bïïxi ixtumaxi oja ñiñokituldiadamigadï Diuxi ïïki tudu.

Galatas 3:3

Daiñi, aidïxi tukamïrï buaboitu aapimï kïïga oiditadai aapimï gïn buaboidaraga Diuxi Ibhïadï gubukarhigadïkïdï. ¿Dai xibi ix tuixi po gïn ïrhidi aapimï sai ïïgi gïn gubukarhigakïdï bhaigakamu aapimï xi apia kïïga oijadagi gïn buaboidaraga? ¿Dukatai mos ïï bupuirukana aapimï?

Hebreos 12:25

Gin aaduñi, Diuxi gïn maakaimi ñoki xibi. Gïn nukadabïrai tudu, tadu maiti ipïrhiada aapimï xi ïïgiadagi. Tadu ïpïan dui aapimï go Israelitas aidïxi maiti ipïrhi xi ïïgiadagi Diuxi ïïki aidïxi tami oidigi daamïrï ño Diuxi. Diuxi gïgïbiturhi ïgai tudu mai ïïgiditai ïgai. Dai xibi tïbagiañdïrï gïn mamaakai ñoki Diuxi mai xu oidigi daamaiñdïrï dai kaxkïdï xïïxi bamioma gï agai xi ïïgidagi aapimï xibi. Tïbagiañdïrï ñokaitai ïgai tudu. Kaxkïdï xadïrï mai taatana aapimï gïgïbidaragai ix mai ïïgiadagi aapimï Diuxi tïbagiañdïrï ñokaitai ïgai xibi.

Mataibo 27:24

Dai gokïdï ka máí go Pilato sai ka maiti ixtutuidi agai buidïrï go odami mos ïï xigarhi kaititai go odami ijiñakaitai. Dai gatáí ïgai sudagi dai gï iko ami go óídakami buitapi. Podukai maaxituda ïrhiditadai ïgai saidi maiti ïr duñidїka agai xïïxkadï gï muatuda agai go Suxi. Daidi potïtïdai ïgai go óídakami, —Ka maiti ïr gin duñika agai gï aaxtakai ïradï go Suxi gï muatudakai ïgai. Ïïgi aapimï ïr gïn duñika agai gobai— itïtïdai.

Apokalipsis 19:10

Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.

Mataibo 8:4

Daidi bhodïrï Suxi potïtïdai, —Maiti aagida tomarhi ïmadutai ix ka duayi aapi— itïtïdai. —Mos sai imi aapi go gïï kiupiana bhaiyoma dai ami gï tïïgida buidïrï go dadaxdadami sai ïgai aagana ix ka duayi aapi. Dai bhodïrï ami go dadaxdadami buidïrï tïïgida go daxdaragai ix makïdï ojixi go Moises sïïrhikamigadïrï, ix makïdï gï agai xi ibuadagi odami xïïxkadï ka dagitoagi go lepra kokodagai tudu. Podukai maatïkamu go gaa odami ix ka duadixikami gï aa go dadaxdadami tudu— itïtïdai Suxi go kïïrhi.

Efesios 5:33

Dïï go ñoki mai xu mosïkaxi aagadankaiti Suxi Kristo ïmadï aatïmï buaboitudadami. Aagadankaiti gobai aapimï kïkïïrhi ïpï dai gïr maatïturhi gobai sai gï agai xi oigïada aapimï gïn oñiga ïpïan dukai xi gïn oigïdai ïïgi aapimï. Dai podukai aapimï oki ïpï gï agai xi xadutuadagi gïn kukuna ïpï.

Kolosenses 1:9

Dai aidï abhiadïrï xi kaï aatïmï ix makïdï gïr aagidi Epafro gïn aagaitai aapimï, aidï abhiadïrï gïn daanturhiña aatïmï. Mai dagitokai gïn daanturhiña aatïmï tudu. Daanïiña aatïmï Diuxi sai gïn soikïiña sai kïïga biakana aapimï bïïxi go tïgibudagai ix makïdï ïr soiñi. Dai daanïiña aatïmï sai kïïga maatï nïijadana aapimï ix dukatai ibuadagi tomax tuma daibuñagi. Podukai gïn daanturhiña aatïmï sai bïïxi aïkatïrï ixtumaxiïrï kïïga maatïkana aapimï ix dukatai ipïrhidi Diuxi sai ibuada aapimï tudu.

Galatas 3:1

Aapimï gin aaduñi Galasiïrï óídakami, sïïrhikïdï mai kïïgadu gïn tïgibudaga. Gïn bupuirumagi ïrhi aanï ixtumaxi. ¿Xorai ïgai dai gïn bupuirumagi tudu? ¿Mai ix kïïga gïn tïtïgidi aatïmï ix tuma bïïtarï muu Suxi Kristo kuruxiana?

Mataibo 27:4

Dai potïtïdai ïgai go dudunukami, —Agia soimaaxi idui aanï gatïïgidakai aanï go Suxi maiti ïr soimaaxi idukamikatai ïgai— itïtïdai. Daidi go dudunukami potïtïdai, —Aatïmï gïr bïïtarï maiti ïr ixtumaxi gobai. Ïïgi aapi ïr gï duñi gobai— itïtïdai.

Mataibo 25:2

Dai taamatai go aarhi oki mai kïïga gïn tïgito dai mai bhïkai asaiti kukudakarudï bïïtarï.

Efesios 5:2

Kïïga abïr oigïada jaa aidï. Daiñi, Suxi Kristo gïr oigïdai kaxkïdï ïïgi gï dagito ïgai sai gï muatudana ïmo daxdaragai dukai. Podukai bhai dui ïgai gïr bïïtarï soimaaxi idunakai aatïmï. Dai Diuxi kïï bhai ïlda tïï Suxi Kristo daxdaradï. Kïï xigian dukai ubagi ïgai.