Efesios 4:30 - Northern Tepehuan Bible

³⁰ Maiti abïr soi ïrhiatuldada Diuxi Ibhïadï gïn oidakaragakïdï tudu. Diuxi Ibhïadï ïr Diuxi tïpakarudï dukai ix makïdï gïn daxi Diuxi bai gï maatïkana kïïga xi ayimu ixtuigako buiya ragai bïïxi ixtumaxi gïr aagidi Diuxi sai gïr maaki agai kïïgakïrï bubuakïkai aatïmï. Kaxkïdï abïr mai soi ïrhiatulda ïgai.

Tepehuan Northern: Diuusi ñiooquidʌ utuducami oodamicʌdʌ

³⁰ Dai poduucai maisoiʌliatudai aapimʌ Diuusi Ibʌadʌ. Ducami isdaasamudai Diuusi Ibʌadʌ gʌtʌpacaru vai poduucai gʌmaatʌ isʌmo imidagai iimi agai aapimʌ tʌvaagiamu dai tomastuigaco Diuusi ʌʌmadu daraajamu.

Efesios 4:30 Referans Kwoze

1Tesalonicenses 5:19

Maiti abïr sobhikïda Diuxi Ibhïgadï xïïxkadï gïn saagida gaatabuadagi ïgai.

Genesis 6:6

Dai soigamu Gïr Nukadakami nïiditai odami ix makïdï idui dai pobï ïrhi ïgai, —Tukamïrï maiti iduñimudai aanï mai soi gin ïrhiadamudai nïiditai podukai odami— gï ïrhidi ïgai.

Hechos 7:51

Daidi go Tibañi apia ñokidi go bhaitï gukakami judidiu daidi itïtïdai, —Gia mai tïtïkaidaga aapimï. Ïpïan dukami aapimï odami ix makïdï mai buaboitudai Diuxi. Axñiñitu gïn dukami aapimï dai ïpïan tutuiga aapimï gïn aaduñikaru. Mos buidïrï bïïtïkana aapimï Diuxi Ibhïadï tudu.

Romanos 8:23

Dai aatïmï aijiïgïi ïpï tomaxi ka bia aatïmï xibi go ïpïgadadï oidaragai ix makïdï gïr maakai Diuxi. Diuxi Ibhïadï tudu ïr ïpïgadadï oidaragai ix makïdï Diuxi gïr maakai. Dïï tomaxi ïgai gïr ïmadï daja aatïmï mos nïnïraka kia xi Diuxi aagagi bïïxkatai buitapi xi aatïmï ïr maamaradï ïgai. Aidïpïrï buimu aatïmï utudui tukugai. Gobai nïnïraka aatïmï kia dai mos aijiïgïi gïr ïrabiadïrï.

Romanos 8:11

Daiñi, Diuxi ïgai dai duakaturhi go Suxi Diuxi Ibhïadï gubukadadïkïdï. Dai xibi Diuxi Ibhïadï gïn ïrana daja. Kaxkïdï maatï aatïmï sai Diuxi duakatuda agai gïn tukuga ïpï mukukai aapimï. Gïn duakatudamu Diuxi Ibhïadï gubukarhigadïkïdï ix makïdï gïn ïrana daja.

Markos 3:5

Baidi go Suxi kabami nïnïidi bhaamudakïdï dai soi gï ïrhi nïiditai xïï ïr kaapakami iibïadï ïgai. Dai potïtïdai ïgai go kokoadï aidï, —Sïïrhiñañi gï ïka— itïtïdai. Tai ïgai sïïrhi dai ka duadixikami bii.

Genesis 6:3

Dai go maamaradï Diuxi bui aarhi oki dai onta dai abhiadïrï gïïgïrdukami kïkïïrhi maamara ïgai. Mui umigi óídakatadai go gïïgïr kïkïïrhi ïgai oidigi dama. Sïïrhikïdï oomarhigakana ïgai xi kaxkïdï arhiï aatagaiña óídakami ïki. Daidi Gïr Nukadakami itïi, —Gin tïgibudaga mai xu mos apia bïïxkïrï maakadamu ñoki odami. Ka mos ïr ïï soimaaxkami tïgibudadï ïgai di. Ka mos arhi ïmo ciento dan ïmokobhai umigi dagitomu aanï ix óídaka óídakami oidigi dama kia— itïi ïgai.

Hebreos 3:10

Dai kaxkïdï bhamukana aanï ïgai buidïrï daidi ikaitiña aanï sai, Idi odami dudatai gin daadagitoi buaboituda ïrhiditai ïma maaxi ixtumaxi dai maiti ipïrhidi xi gin ïïgiadagi.

1 Korintios 1:30

Daiñi, mos ïïgi Diuxi gubukarhigadïkïdï bïïna daraja aatïmï Suxi Kristo. Aatïmï maiti idui tomarhi ïmo ixtumaxi. Suxi Kristokïdï tudu gïr maa Diuxi ïïgi tïgibudadï dai Suxi Kristokïdï ïpï bhai dui Diuxi sai kïïgakïrï gïr nïidiña ïgai ïpï. Suxi Kristo ïgai ix makïdï ïkobai gïr bubaitu sai mos ïïgi Diuxi bïïtarïkana aatïmï dai ïgai aa namïki gïr buatuldaraga ïpï sai kïïgakïrï bubuakïna aatïmï.

Hebreos 3:17

¿Dai maiti ix tudu ïgai dai gokobhai umigi aïkami bhamutudakana Diuxi? Soimaaxi ibuadana ïgai oidigana tudu dai kaxkïdï amaxi oidigana bïtïkatadai tutukugadï ka kokai ïgai.

1 Korintios 15:54

Xïïxkadï ka biakagi aatïmï gïr tukuga utudui aidï ka buaboi busaimu go ojai xakoga ikaiti sai, Diuxi ka maitï go mukigami bui.

Lukas 21:28

Daiñi— itïtïdai. —Xïxkadï utudama pobuimi bïïxi ixtumaxi gïn aagidi aanï gobai itïiya ïrhidi sai ka miadaimi ix kïïgakïrï bubuakiagi aapimï. Kaxkïdï xïxkadï po gï duñagi gobai aapimï ix makïdï ïr gin mamaatïtuldiadamiga abïr kabakan dukai gukada dai abïr bhai gïn ïrhiada— itïtïdai.

VUAANA 3:33

Dïï gia oidaga ïïmoko dai kïïga buaboitudai dai ïgai mos buaboidaitai gamamaaxidi Diuxi ix mai yaatagïi ïgai.

Hebreos 10:29

Podukai gïgïbiturhiña ïgai ix makïdï mai ïïgiadagi go Moises sïïrhikamigadï tudu. Dai go utudui sïïrhikamigadï Suxi Kristo gobai gïïpi bamioma namïga xi bhai go Moises sïïrhikamigadï. Kaxkïdï gï maatï sai bamioma soi taadakamu ix makïdï mai buaboitudagi Suxi Kristo dai gajiadïrï dukai biagi. Gobai ïr ïpïan dukami xi ïmo tukuragai dukai nïijadagi ïgai Diuxi Maradï dai kïixonagi. Tukurakami dukai nïidi ïgai go aaduindagai ix makïdï idui Suxi Kristo aidïxi aaxi ïgai ïradï tudu. Dai Suxi Kristo ïradï ïgai dai namïaturhi go utudui sïïrhikami ixtukïdï ïkobai darakami bipiïyi aatïmï Diuxi bïïtarï. Daiñi, Diuxi Ibhïadï kïï tuiga gïr bïïtarï. Dai xi mai buaboituda ïrhiada ïmoko Suxi Kristo gobai ïr ïmo gïdukami parunaragai gï dukami Diuxi Ibhïadï buidïrï.