Efesios 4:10 - Northern Tepehuan Bible

¹⁰ Dai gokiïrï xi tïbai Suxi Kristo xako ukami dumarhioma kaatï oidigi saidi gokiïrï tïsai ïgai mïï daana tïbagi daama ïpamu saidi podukai tïanïna ïgai bïïxi aïkatai.

Efesios 4:10 Referans Kwoze

Hebreos 7:26

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.

Hebreos 4:14

Dïï gia Suxi Kristo ïr gabhaitïkïakami dadaxdadami gïr bïïtarï, ïgai tudu ix makïdï ïr Diuxi Maradï. Dai ka ayi ïgai amïka buidïrï Diuxi dai ami bhai dui gïr bïïtarï mai kïï ibuadatai aatïmï. Kaxkïdï gï agai xi mai ugutai aagada aatïmï gïr buaboidaraga aipakoga.

Kolosenses 1:19

Daiñi, Suxi Kristo ïr Diuxi Maradï. Dai Diuxi bhai ïrhi sai Suxi Kristo maaxitudana go óídakami buitapi xorai Diuxi dai kaxkïdï otoi ïgai tami oidigi daama. Suxi Kristo kïïgakïrï ïr Diuxi tudu dai kaxkïdï kïïga maaxiturhi ïgai ix tuiga Diuxi.

Mataibo 24:34

Dai aanï aagai sai odami xibi óídakami mai kia ugiti agai xïïxkadï ka bïïxi po gï duña agai ixtumaxi gïn aagidi aanï. Gobai kïïga ïr buaboi— itïtïdai.

1 Tomoteo 3:16

Kïïga maatï aatïmï sai namïga gïr buaboidaraga buaboidaitai aatïmï Suxi Kristo. Daiñi, ïkioma óídakami mai maatïkana ixtumaxi ïr buaboi dïï gia Diuxi gïr tïïgi ixtumaxi ïr buaboi dibiakai Suxi Kristo. Dai xibi naana maaxikïdï maatï aatïmï saidi ïr buaboi ixtumaxi aagai aatïmï aagaitai Suxi Kristo dai sai namïga gïr buaboidaraga. Daiñi, Suxi Kristo gïr aagidi dai gïr maaxiturhi xorai ïgai dibiakai tami oidigi daama. Dai Diuxi Ibhïadï ïpï kïïga aagaiña saidi ïr buaboi xorai gï aagaiña Suxi Kristo. Dai go Diuxi tïtïañikarudï bïïxi nïidiña go Suxi ïpï dai aipakoga óídakami ayi aatagi xorai ïgai. Dai gokiïrioma mui oidigi daama óídakami bhai aa saidi ïr buaboi ïpï dai buaboitu. Bhodïrï gï baidakatu go Suxi tïbagiamu xako oidakamu gïïpi xadutudaragai ïgai bïïtarï. Xadïrï po gï duñimudai bïïxi gobai ix maiti ïr buaboikamudai gïr buaboidaraga di.

Efesios 3:19

Daiñi, odami tïgibudadï mai ajïi xi maatï kaïkagi xïï kïïga gïr oigïdai Suxi Kristo. Dïï aanï daanïi Diuxi sai gïn soiñana xi kïïga maatïkagi aapimï xïïxi gïr oigïdai ïgai. Aidï gia Diuxiañdïrï biakamu aapimï bïïxi aïkatai ixtuma biïgakagi gïn iibhïdaga bïïtarï.

Hechos 1:9

Dai mos potïi Suxi bai gï baidakatu ïgai tïbagiamu. Dai go ojotoxikami kia tïïgigimi xi ïmo ikomai iiña go Suxi dai ka mai tïï ïgai.

Hebreos 8:1

Kïïga gï maatï tudu gobaikïdï ix makïdï oja aanï tami ukami sai aatïmï gïr bïïtarï Suxi Kristo ïr go bhaitï kïakami dadaxdadami. Dai gï maatï ïpï sai bamioma namïga ïgai xi bhai bïïxi go ïïkidadï bhaitï gukakamigadï dadaxdadami. Ka daiba ïgai sïïrhixapadïrï xakoga dakatai gatïanïi Diuxi amïï tïbagiana. Ami tudu kabami xadutudikami bii Suxi.

Hechos 3:18

Ïïki ka podukai ojixikami bia bïïxkatai go Diuxi ñokituldiadami. Dai xibi ka buaboi busai gobai dai soimaaxi taata Diuxi Otosadï Gïr Bhaitï Kïakamiga.

Hechos 2:33

Diuxi baidaja go Suxi tïbagiamu sai sonoana daakana dai maa ïmo gïïdukami sïïrhikami. Dai Diuxi maa ïïgi ibhïadï go Suxi ix dukatai aagiditadai ïgai. Dai xibi Suxi gïr maa Diuxi Ibhïadï ïpï dai ix makïdï nïidi aapimï dai kaï xibi abïr ïgai duñidï.

Hechos 1:11

—Aapimï kïkïïrhi Galileana oidakami, ¿Tui mïxi mos gukakatai tïbagiamu nïayi? Daiñi, ïgai baa Suxi ix makïdï tïsai aapimï gïn saagidañdïrï ïpamu dibimu podukai ixdukatai tïï aapimï ix jii— itïtïdai ïgai.

VUAANA 19:36

Buaboi aagai aanï sai tomarhi ïmo odï mai omi go Suxi. Podukai buaboi busai go ïïkidadï ojai xako ikaiti sai, Maiti gï omi tomarhi ïmo odï go OtosadïDiuxi, ikaiti go ojai ïïkidadï.

VUAANA 19:28

Dai bhodïrï Suxi maatïkatadai sai kaxi bïïxi naatorhikatadai ix tumaxi biakatadai ïgai ix iduñagi. Dai kïïga iduña ïrhiditadai ix dukatai ojixi ïïki abhiadïrï Diuxi ñokidïrï daidi po tïi, —Tonomoka aanï— itïi ïgai. Podukai ojixikatadai ïïki abhiadïrï ix potïiya agai kaxkïdï potïi ïgai.

VUAANA 19:24

Daidi potïi go sandadaru nïiditai go manta, —Maiti gï agai tïxi sarañagi gobai. Bhaiyoma gï agai tïxi tïtïïbiagi ïmo bolado dukai nïida as xorai aïna gobai— ikaiti go sandadaru. Podukai pobï dui ix dukai ojixi ïïki Diuxi ñokidïrï. Ami ikaiti, Gïn takogi ïgai gin yukuxi ïïgi gïn bïïtarï dai bhodïrï gin mantaga gatïki ïgai ïmo boladoïrï dukai, ikaiti go ojai. Ka podukai ojixikatadai tudu ix kaxkïdï pomaaxi idui go sandadaru.

VUAANA 1:16

Dai go Diuxi Ñokidï tïgidukïdï kïïga bia bïïxi aïkatai ixtumaxi gïr biïgakana. Sïïrhikïdï kïï tuiga ïgai gïr bïïtarï dai dudatai gïr urhiñdi naana maaxi soiñi.

Lukas 24:44

Dai bhodïrï soi Suxi tïgibudadï go mamaatïrdamigadï sai maatï kaïkana ïgai Diuxi ñokidï. Daidi potïtïdai ïgai, —Gïn tïgitobïrai aidïxi gïn aagidiña aanï sai bïïxi gï agaitadai xi po gï duñagi ix dukatai ojixi go Moises ojadïrï dai go Salmo librogadïrï dai go ojadïrï bïïxi go ñiñokituldiadamigadï Diuxi.

2 Korintios 12:2

Daiñi, maiti ipïrhidi aanï xi aapimï ïmo gïdukami dukai gin nïijadagi ixtumaxikïdï ix makïdï gïn aagida iñagai xibi. Dïï gia gï agai sai maatïkagi aapimï saidi ïmo imidagai gin baidakatu aanï maigo daana tïbagiamu xako tïkabioma bipiïyi tïbagiana. Kaxi ïpïdui bhaibuxtama dan maakoba umigi.