Efesios 3:11 - Northern Tepehuan Bible

¹¹ Podukai tudu gï tïgito Diuxi ïki abhiadïrï mai kia kïkibakai go oidigi. Dai xibi Suxi Kristo Gïr Nukadakami kïïga idui bïïxi ixdukatai Diuxi gï tïgito ïïki.

Tepehuan Northern: Diuusi ñiooquidʌ utuducami oodamicʌdʌ

¹¹ Vʌʌsi gomaasi ʌpʌdui poduucai isduucai ʌgai tʌtʌgitoiña tomastuigaco daidʌ idui ʌgai isducatai aagai ootosacai Suusi Cristo oidigi daama.

Efesios 3:11 Referans Kwoze

2 Timoteo 1:9

Daiñi, Diuxi kïïgakïrï gïr bubaitu dai gïr báí saidi ïr ïko darasadïkana aatïmï. Dai mai xu ix kïïga idui aatïmï xi kaxkïdï ïkobai gïr bubaitu ïgai dai bhaiyoma kïï tuiga dai ïgai podukai gï tïgito ïïki mai kia tipukatai oidigi. Kaxkïdï kïïgakïrï gïr bubaitu ïgai.

Efesios 1:11

Ïkobai gïr bubaitu Diuxi bïïnakai aatïmï Suxi Kristo tudu. Tukamidïrï abhiadïrï ïïgi podukai gï tïgitokatadai Diuxi xi aatïmï ix makïdï bïïna daraja Suxi Kristo ïr ïko bubaidadïkana. Podukai dáí ïgai saidi ïpï gï duna ixdukatai ïgai ipïrhidi. Bïïxkïrï ibuayi ïgai ixdukatai gï tïgitokagi kaxkïdï.

Efesios 1:4

Daiñi, ïïki, mai kia kïkibakai oidigi, Diuxi gïr darai sai aatïmï ïr ïko bubaidadïkana bïïna darakatai aatïmï Suxi Kristo. Aidïpïrï ïkiaxdïrï kaxi ïko gïr bubaitutadai Diuxi saidi aatïmï ïr ïko darasadïkana daidi sai mai tipukana soimaaxi gïr abhana ixtumaxi gïpiïrï gïr daitudagi ixtumaxi Diuxi buitapi.

Romanos 9:11

Dai mai kia bubuakïkai ïgai Diuxi aagidi go Rebeka sai ix makïdï ïr gasukurhi ka agai tïanïda agai ix makïdï ïr gaxïgi. Jakobo tïgidu aidï ix makïdï ïr gasukurhi dai Esau tïgidu ix makïdï ïr gaxïgi. Aidïpïrï mai kia ïr dukamikatadai ïgai ixtumaxi tomarhi kïïgadukami tomarhi soimaaxkami. ¡Mai kia bubuakatadai ïgai di! Diuxi ïko busaitu dai báí ix makïdï ïr gasukurhi tudu, ix makïdï Jakobo tïgidu. Ïïgi podukai ipïrhi Diuxi kaxkïdï. Podukai gï tïgito Diuxi kaxkïdï potïtïdai ïgai go Rebeka. Mai xu ïr kïïga idukamikatadai go Jakobo xi kaxkïdï Diuxi ïko busaitu. Dai go Esau ïpï maiti ïr idukamikatadai ixtumaxi kia ïpï tomarhi kïïgadukami tomarhi soimaaxkami.

Efesios 1:9

Daiñi, Diuxi gïr tïtïgidi tïgibudadï ix makïdï ïkioma ïxtokikana. Kaxi ïkiaxdïrï podukai gï tïgitokana ïgai xi Suxi Kristokïdï pobï gï duñagi ixtumaxi ïgai ipïrhidi tudu.

Galatas 5:24

Daiñi, aatïmï ka bïïna daraka Suxi Kristo xibi dai ka ïkobai bii aatïmï gïr ïïkidadï tïgibudagaiñdïrï. Aatïmï gïr bïïtarï ka kuruxiana xixapikan dukai biyan dui gïr ïïkidadï tïgibudagai tudu dai kaxkïdï ka mai bia aatïmï xi ïïgiadagi gobai xïïxkadï gïr aagidagi sai iduña rïrhidi ixtumaxi.

Efesios 3:1

Aanï Pabora maixapi xibi mos ïïgiditai aanï Suxi Kristo. Aagaiña aanï go bhai ïrhiaragai aatagi gïn buitapi aapimï ix makïdï maiti ïr judidiu kaxkïdï maixapi aanï xibi.