Efesios 1:20 - Northern Tepehuan Bible

²⁰ ixtukïdï Diuxi duakaturhi Suxi Kristo koidadïañdïrï. Dai idi baaxi gubukarhigaikïdï ïïgi gï sïïrhixapadïrï dáí ïgai go Suxi tïbagiïrï ïpï. Gobai tudu ïr go gubukarhigai ixtukïdï aatabuayi Diuxi aatïmïrï.

Tepehuan Northern: Diuusi ñiooquidʌ utuducami oodamicʌdʌ

²⁰ Diuusi duaacali Cristo coidadʌ saagidiaiñdʌrʌ dai gʌabaana sʌʌlisa padʌrʌ daí tʌvaagiʌrʌ.

Efesios 1:20 Referans Kwoze

Hebreos 10:12

Dïï Suxi Kristo gia mos arhi ïmo imidagai idui ïmo daxdaragai ïïgi gï dasakai ïgai. Dai gokïdï bïïxkïrï bïïtarï bhai dui ïgai gïr soimaaxkamiga bïïtarï. Podui ïgai dai bhodïrï sïïrhixapadïrï daiba ïgai Diuxi xako bia ïgai ïmo gïdukami xadutudaragai.

Markos 16:19

Daidi bhodïrï ka naato aagakai Suxi Gïr Nukadakami aatagidï bai Diuxi baidaja ïgai tïbagiïrï. Dai ami Diuxi maa ïmo gïïdukami sïïrhikami dai maa xi gï sïïrhixapadïrï daibana go Suxi.

Hebreos 1:3

Diuxi Maradï kïïga ïmadugan tuiga Diuxi ïmadï dai maatïkatai aatïmï Diuxi Maradï podukai máí aatïmï xïï gïïdu dai xïï xigiamaaxi Diuxi. Dai ñokidï Diuxi Maradï sïïrhikïdï gubuka. Go ïïgi ñokidïkïdï gatïanïi ïgai bïïxi ixtumaxi dai nukadai ïpï sai mai xia gï buadagi. Ïgai tudu bhai dui ix dukatai gï buanadagi gïr soimaaxkamiga gïr ibhïdagïrï. Dai bhodïrï kaxi gïr buanakai jii ïgai tïbagiamu dai ami daiba sïïrhixapadïrï Diuxi ix makïdï bïïxi adaama gubuka.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

Kolosenses 3:1

Gin aaduñi, bïïna daraka aapimï Suxi Kristo dai kaxkïdï kaxi gïn duakaturhi Diuxi ïmo utudui oidaragai bïïtarï. Dai kaxkïdï bïïna dakatai aapimï ïgai abïr biaka ïrhiada ixtumaxi oidaga amïka xako daja ïgai. Tïbagiana daja Suxi Kristo tudu sïïrhixapadïrï Diuxi xakoga kabami bia ïgai xadutudaragai.

Filipenses 3:10

Gin aaduñi, kïïga biaka in ïrhidi bamioma urabaragai Suxi Kristo ïmadï. Taata in ïrhidi sai kïïga gubuakami dukai gaatabuadagi ïgai gin ïmadï ïpïan dukai ix dukatai gubuakami aatadui Diuxi go Suxi ïmadï aidïxi duakaturhi ïgai. Biaka in ïrhidi urabaragai Suxi ïmadï soimaaxi taatakai aanï ïpïan dukai xi taata ïgai. Ïpïan tuigaka in ïrhidi aanï Suxi Kristo asta xako ukami bhai gin dukagi ix mukiagi ïpïan dukai ïgai.

Romanos 8:34

Dai Suxi Kristo ïgai dai muu gïr bïïtarï ïpï dai gï duakatu ïpamu dai Diuxi sïïrhixapadïrï daja ïgai xibi. Ami gadaanïi ïgai Diuxi gïr bïïtarï. ¿Xorai potïdana aidï saidi gïr ajïga gïgïbidaragai ami dajatai Suxi dai daanïitai ïgai gïr bïïtarï? ¡Tipu xorai!

Hechos 5:31

Dai Diuxi baidi jii go Suxi tïbagiamu dai sïïrhixapadïrï dáí saidi ïgai ïr gatïanïdamikana daidi ïr kïïgakïrï gïr bubiadamikana. Podukai idui Diuxi sai ïma dukai gïn tïtïgitona aapimï judidiu baidi podukai gïn oigïldana Diuxi gïn soimaaxkamiga.

Markos 14:62

Dai Suxi potïtïdai, —Ïjï, kïï aagai aapi. Aanï ïr Diuxi otosadï ix makïdï aagai Diuxi ïïki. Ayimu ixtuigako gin tïïgimu aapimï sai sïïrhixapadïrï Diuxi daibamu aanï. Diuxi bïïxi adama ïr gubukadagai biakami tudu, dai ïgai gin maaki agai sïïrhikami xi ami daibamu aanï. Dai gin tïïgimu aapimï ïpï xudu tïbagiañdïrï daibuña aanï iikomai saagida— itïtïdai.

Mataibo 26:64

Dai Suxi potïtïdai, —Ïjï, kïï aagai aapi. Aanï ïr Diuxi otosadï ix makïdï ïmo kïïrhi busai— itïtïdai. —Dai ayimu ixtuigako saidi gin nïijadamu aapimï sai sïïrhixapadïrï daibamu aanï Diuxi. Ïgai bïïxi adama ïr Tïanïdami tudu, dai ïgai gin maakimu sïïrhikami xi ami daibamu aanï. Dai gin nïijadamu aapimï ïpï xïïxkadï tïbagiañdïrï dibiagi aanï iikomai saagida— itïtïdai.

Apokalipsis 1:17

Dai tïïgakai aanï ïmo mukiadï duu gïi ïïkasodï abhana. Dïï mos gin daama dáí ïgai ïkadï sïïrhixapadïrï dai pobai gin tïtïdai, —Maiti duadikuda. Aanï ïgai dai ka ïkioñdïrï oidakatadai mai kia kïkibakai oidigi dai mai ugitimu aanï tomarhi ïmo imidagai.

1 Pedro 1:3

Gin aaduñi, gï agai sai kïïga ñokada aatïmï Diuxi bïïtarï. Gï agai sai kïïga ñokada aatïmï bïïtarï ïgai ix makïdï ïr Diuxigadï Gïr Nukadakami Suxi Kristo tudu. Soi ïlda gïr tïï ïgai kaxkïdï daidi gïr maa ïmo utudui oidakaragai. Gï duakatu Suxi Kristo ïpamu tudu gokiïrï xi mutadai ïgai dai kaxkïdï bia aatïmï ïmo kïïgadukami nïnïraragai xibi. Dai kïïga gupuka antaadakana aatïmï gïr utudui oidakaragai bïïtarï maatïkatai sai bia aatïmï go kïïgadukami nïnïraragai gobai.

Hebreos 13:20

Gin aaduñi Diuxi amadïrï, kïïga maatï aapimï sai Diuxi ïgai daidi gïr maakai ibhïxtaragai. Ïgai tudu duakaturhi go Suxi ix makïdï ïr gïr Nukadakami kïï tuigakami. Dai Diuxi ïr ïgai ix makïdï bïïxkïrï bïïtarï namïaturhi go utudui sïïrhikami ix makïdï bhai dui ïgai gïr bïïtarï mukukai Suxi Kristo dai aaxtakai ïradï.

Hebreos 2:9

Dïï gia Suxi gia ka bhïiyi sïïrhikami dai kaxi gatïanïi ix dukai aagai go ojai. Baasïkioma chïki tasai dumarhioma bii ïgai xi go tïtïañikarudï Diuxi aidïxi ïmo kïïrhi busai ïgai. Dai taata ïgai go mukigami bïïxi óídakami bïïtarï. Po dui ïgai mos ïï kïï tuigakatai Diuxi gïr bïïtarï. Dïï gia xibi ka bhïiyi Suxi gïdukami xadutudaragai ïmo gïï gatïanïdamikatai xibi ix dukai aagai go ojai.

Efesios 1:3

Gï agai xi oigïda ñokadagi aatïmï Diuxi bïïtarï. Ïgai ïr Diuxigadï Suxi Kristo Gïr Nukadakami dai ïr Ogadï ïpï. Diuxi gïr maa bïïxi aïkatai bhai ïrhiaragai ix makïdï oidaga tïbagiana gïr ibhïdaga bïïtarï. Diuxi gïr maa idi bhai ïrhiaragai mos bïïnakai aatïmï Suxi Kristo.

Romanos 1:4

Diuxi Ibhïadï gubukadadïkïdï duakatu Suxi Kristo ïpamu gokiïrï xi muu dai podukai gïr maaxitu Diuxi sai gia ïr Diuxi maradï ïgai. Ïgai tudu ïr Gïr Nukadakami.

Hechos 26:8

Dai bhodïrï Pabora ñokidi go judidiu daidi itïtïdai, —¿Ix tuixidï aapimï judidiu pokaiti sai mai buaboitudai aapimï ix Diuxi duakaldana koidadï?— ikaiti Pabora.

Hechos 10:40

Dïï bhobai baika tasaikïdï Diuxi duakaturhi ïgai ïpamu, dai gïr dagito ix nïijada aatïmï.

Hechos 4:10

Dai xibi aanï maaxiko aagai tami gïn buitapi dai bïïxi Israelïrï oidakami buitapi ïpï sai Suxi Kristo gubukadadïkïdï duayi idi kïïrhi ix makïdï tami kïïka gïn buitapi. Go Suxi ïr ïgai baaxi Nasaretañdïrï oidakami ix makïdï xixa aapimï kuruxiana dai mua dai ix makïdï Diuxi duakatu.

VUAANA 10:30

Dai mos ïr ïmo odami aanï ïmadï gin oga— itïtïdai.

VUAANA 10:18

Dai mai xu ipïldakai odami gin muamu ïgai dai bhaiyoma ïïgi gin dagitomu aanï. Ïïgi aanï bhai aagai ix podukai gin duñagi kaxkïdï gin dagitomu aanï. ¡Ix aanï maiti gin dagitoagi xadïrï gin muana odami di! Ka podukai gin tïjai Gin Oga tudu kaxkïdï bia aanï sïïrhikami ix gin dagitoagi. Dai bia aanï gubukarhigai ïpï ix gin duakatudagi ïpamu gokiïrï— itïtïdai Suxi.

Kolosenses 1:16

Suxi tudu bïïxi idui ixtúmaxi. Bïïxi idui ïgai ixtumaxi oidaga tïbagiana dai tami oidigi daama ïpï. Idui ïgai ixtúmaxi maaxkana odami bïïtarï dai ïpï ixtumaxi mai maaxi. Idui ïgai asta go tïtïanïdami dai go dudunukami dai go gupudagai bipiakami bïïxi. Suxi Kristokïdï idui Diuxi bïïxi aïkatai tudu dai Suxi Kristo bïïtarï idui gobai.