Apokalipsis 9:20 - Northern Tepehuan Bible

²⁰ Gïïpi naana maaxi daibusai soimaaxi tudu dai mui óídakami koi dïï modukai mai ïma dukai gïn tïtïgito go odami ix makïdï bitadai kia. Apia xadutudaiña ïgai ixtumaxi ibuadana ïïgi ïgai dukami oro dai plata dai bhronse dai odai dai asta uxi duñixikami uubixi. Xadutudaiña ïgai go diabora tïtïañikarudï tudu pomaaxi xadutudaitai uubixi maaxi ix makïdï mai duduaka. Go maaxi uubixi mai nïayi tudu dai mai kaidaga dai mai bhaiga imidagai ïpï. Dïï bïïxkïrï go odami maiti ipïrhi xi dagitoagi go uubixi dai Diuxi xadutuadagi bhaiyoma.

Tepehuan Northern: Diuusi ñiooquidʌ utuducami oodamicʌdʌ

²⁰ Dʌmos gogaa oodami ismaacʌdʌ maicoi vʌʌsi gomaasicʌdʌ ismaacʌdʌ vusanʌi ʌcaapayu uusudʌaiñdʌrʌ dai baabajidʌ cʌidʌcʌdʌ, maiʌma duucai gʌntʌtʌgito dai camaisoimaasi ivuaadagi. Baiyoma apiasiaa duutudai ʌgai ʌDiaavora tʌtʌaañicarudʌ ʌʌmadu ʌooro momoono daidʌ ʌplata momoono daidʌ ʌbronse momoono daidʌ ʌojoodai momoono daidʌ ʌuusi momoono ismaacʌdʌ maiñʌʌnʌai tomali maitʌtʌʌcaidaga tomali maiajioopai.

Apokalipsis 9:20 Referans Kwoze

Apokalipsis 9:21

Bhaiyoma ipïrhi ïgai xi apia gïn kodadagi aipakoga dai gaatabuidadagi dai gaïmadï bopodagi aipakoga dai gaïxiadagi jaa buxtuidadï. Tomaxi gïïpi soimaaxi daibusai modukai maiti ipïrhi ïgai xi ïma dukai gïn tïtïgitoagi tudu.

1 Tomoteo 4:1

Diuxi Suxi Kristokïdï gïr tïïgi ix tumaxi ïr buaboi tudu. Dïï gia Diuxi Ibhïadï kïïga gïr aagidi ïpï sai xibi tuigako karhioga ugitïkai oidigi sai mui óídakami dagito agai go buaboikïdï buaboidaragai dai bhaiyoma ïïgiadamu tïgibudagai ix makïdï ïr yaatagi. Ïïgiadamu ïgai maakadami aatagi yaatabogami tudu ix makïdï buimu tïgibudadï diabora tïtïañikarudï dai ïgaikïdï gamaakadamu aatagi.

Hechos 19:26

Dai maatï aapimï ïpï sai mui odami ka bhïiyi go Pabora buaboidaradï kaïkai aatagidï dai mai xu mosïkaxi tanai Efesoana. Maigobai aipako xako ukami Asia tïgidu oidigi go óídakami ïïgidimi Pabora ñokidï ïpï. Ïgai pokaiti sai go momono ix makïdï ibuayi odami mai namïga didiuxi dukai.

Hechos 7:41

Daidi bhodïrï idui ïgai ïmo arhi baaka maara maaxkami ubixi, dai kodaiña buxtaki dai bui dadaxdiña go baaka maara ubixi ix makïdï iduitadai ïgai dai diuxigadï aagaiña. Dai bhai gïn ïrhidiña ïgai nïiditai go ubixi ix makïdï ïïgi iduitadai ïïgi gïn noonobikïdï.

2 Korintios 12:21

Aapimï ïr gin maamara dukai dai kaxkïdï buamï in ïrhidi aanï tadu xaïradagi aanï Diuxi buidïrï ix apia kia soimaaxi ibuadagi aapimï xïïxkadï amïka dibiagi aanï. Soigamu antaada aanï ix mai ïmadukai gïn tïtïgitoagi aapimï tudu. Xïïxkadï amïka dibiagi aanï maiti gï agai ix apia ibuada aapimï go tukurakami maaxkami, dukami maiti gï agai ix aipako gaïmadï boopodagi tudu. Gï agai bhaiyoma ix dagitoagi aapimï go soimaaxi tïgibudagai ix makïdï gïn bapaidi xi ibuadagi pomaaxkami soimaaxi. Maiti ipïrhidi aanï xi tïïgiagi gobai xïxkadï amïka dibiagi aanï tudu.

Hechos 17:29

Buaboi aba tudu xi ïr maamaradï aatïmï Diuxi. Kaxkïdï tudu, ¿Dukatai pobïr ïrhiadana aatïmï xi Diuxi ïr ïmo ubixi maaxi ix makïdï odami idui? Ïgai maiti ïr ïmo odami duñidï toma xïï kabami saitudagakagi odami ix makïdï iduña agadagi. Ïgai maiti ïr oro tomarhi plata tomarhi odai ïpï.

Mataibo 21:32

—Go Juan dibia dai gïn tïtïïgidi ix dukatai buañixikami óídakagi aapimï dïï aapimï mai buaboida kaï. Dïï gia muidutai go taanïdami kuota dai kïkïïrhimïrhiakami oki kïïga buaboida kaï. Dai tomaxi nïidi aapimï sai ïgai gia ka buaboida kaï modukai aapimï mai ïma dukai gïn tïtïgito dai maiti ipïrhi xi buaboitudagi— itïtïdai Suxi go dudunukami.

Apokalipsis 16:8

Dai bhodïrï ïpï ïmai tïañikarudï Diuxi aaxi ixtumaxi bia asokorhidïrï ïpï sa bhai ïma dukai gïn tïtïgitoagi odami. Tasiana aaxi ïgai daidi go tasai bhïiyi gubukarhigai ix mïïdagi odami kabami toñikatai.

Apokalipsis 9:19

Kïï gupuka usudï go kapayo tudu dai bhajidï gupuka ïpï. Bhajidï biakana kooyi momodï maaxi kugïrï ixtukïdï kïkïiyiña odami.

Apokalipsis 15:1

Dai bhodïrï tïïtïkiïrï dukai tïï aanï ïpï ïmo gïdukami maaxidaragai tïbagiana dai mai tïtïgaitadai aanï ixtumaxi gin tïgitoagi nïiditai. Tïï aanï kubarakami Diuxi tïtïañikarudï ix makïdï bhïkati go kubarakami gïgïbidaragai ixtukïdï gï kugaida agai oidigi daama óídakami gïgïbidaradï. Xïxkadï ka dïgabuñagi bïïxi gobai ka dodorhi bimu bhamudadï Diuxi dai ka mai surhigi agai bamioma gïgïbidaragai óídakami abhana.