Apokalipsis 4:10 - Northern Tepehuan Bible

¹⁰ Daidi go ïmokobhai dan maakoba bhaitï gukakami tootonakïdï gukaiña buidïrï ïgai ix makïdï tomaxtuigako oidaga. Dai ami buidïrï darasaiña bïïxkatai ïgai kororonadï xadutudaitai daidi ikaitiña,

Tepehuan Northern: Diuusi ñiooquidʌ utuducami oodamicʌdʌ

¹⁰ aidʌ gia ʌʌmo coobai dan maacova cʌcʌʌliodami gʌntootonacʌdʌ guguucaiña ʌgai vuidʌrʌ ismaacʌdʌ tomastuigaco oidaga dai siaa duutudaiña ʌgai. Dai ʌgai vuidʌrʌ daraasaiña gʌncooronaiga dai pocaiti:

Apokalipsis 4:10 Referans Kwoze

Apokalipsis 5:8

Dai bhïkai ïgai go libro bai go maakoba duduakakami ixtumaxi ïmadï go ïmokobhai dan maakoba bhaitï gukakami bïïxkatai buidïrï kuiki xadutudaitai. Bïïxkatai daagïka ibakarui harpa tïgidukami ixtukïdï ibadagi. Dai daagïi oro ajasokorhi ïpï susudakami kubhimadarhi xigian ubadami ix makïdï ajïi Diuxi buitapi ïpïan dukai xi buaboitudadami daanïdaradï ajïi Diuxi buitapi ïpï. Podukai go kubhimadarhi ïr ïpïan dukami go daañigai ix makïdï aïjïiña Diuxi.

Apokalipsis 19:4

Dai go ïmokobhai dan maakoba bhaitï gukakami ïmadï go maakoba duduakakami ixtumaxi totonakïdï gukatadai buidïrï mïï xako daja Diuxi go gïï daikaruana daidi ikaiti ïgai, —Ïjï— ikaiti. —Buaboi gobai— ikaiti. —Gia gï agai xi aagadagi aatïmï sai gia ïr gïdukami gïr Diuxiga— ikaiti xadutudaitai Diuxi.

Apokalipsis 11:16

Daidi go ïmokobhai dan maakoba bhaitï gukakami ix makïdï Diuxi buitapi daraja bïïxkatai xadutudai Diuxi buidïrï kuikïskïitai.

Apokalipsis 4:4

Dai ami go gïï daikarui xikorhi gukatadai ïpï jaa daraikarui. Ïmokobhai dan maakoadu ïgai dai daama daraka go kaaki bhaitï gukakami totoaja yukusukami. Dai bïïxkatai gïn aadaka korona oro duñixikami.

Apokalipsis 7:11

Dai nïidi aanï bïïxi go Diuxi tïtïañikaru ix makïdï ami xikorhi guka xako darakatadai go bhaitï gukakami ïmadï go maakoba duduakakami ixtumaxi, nïidi aanï go tïtïañikaru xi bïïxkatai kuiki ami go gïï daikarui buidïrï xadutudaitai Diuxi.

Apokalipsis 5:14

Daidi go maakoba duduakakami ixtumaxi ikaitiña, —Ïjï, sai pogïduna gobai— ikaitiña ïgai. Dai go bhaitï gukakami totonakïdï gukiba buidïrï go Arhi Kañiru tïgidukïdï dai xadutugi.

Apokalipsis 15:4

Gïr Nukadakami, bïïxi óídakami xagïdutuadamu dai aagamu xïïxi ïr gïdukami aapi Mosïkaxi aapi ïkobai daja soimaaxkamiañdïrï tudu Dai bïïxi óídakami gï xadutuadamu, maaxitudakai aapi saidi ïr sïïrhi bïïxi ixtumaxi ibuadagi aapi— ikaiti nïidadï.

Apokalipsis 4:9

Dai kïïga ñokaiña ïgai bïïtarï go ix makïdï go gïï daikaruana daja. Kïïga ñokaiña ïgai bïïtarï ix makïdï ïïki abhiadïrï oidakana dai tomax tuigako oidaka agai tudu. Xadutudaiña ïgai dai aagaiña xïïxi ïr gïdukami ïgai dai aagidiña xïï bhai gïn ïrhidi ïgaikïdï. Po buadana go maakoba duduakakami ixtumaxi tudu.

Mataibo 2:11

Daidi ka bapakïkai ïgai ami kiiyïrï tïï ïgai go arhi odami ïmadï dïïdï ix makïdï Maria tïgidu. Dai go mamaatïkami kuiki ami go arhi odami buidïrï dai kïïga xadutugi. Dai kupioka ïgai kajojoño ix makïdï bukatikatadai ïgai dai bubaitu ïgai oidaragai go arhi odami bïïtarï. Oi ïgai oro dai kubhimadarhi dai mira. Gobai oi ïgai go arhi odami tudu xadutudaitai.

Lukas 24:52

Dai go mamaatïrdamigadï ami iduñi ïmo xadutudaragai Suxi bïïtarï dai bhodïrï aa surhi ïgai Jerusalenamu dai kïïga bhai gïn ïrhiatugai ïgai.

1 Korintios 15:10

Sïïrhikïdï kïï tuiga Diuxi gin bïïtarï tudu ix kaxkïdï otosadï gin dáí ïgai. Dai kïïga ibuayi soiñi xi otosadï gin dáí Diuxi kaxkïdï tudu gin maakai ïgai gubukarhigai sai ibuadana aanï naana maaxi aaduindagai. Dai asta kabamioma gin aaga aanï ix bhai go gaa ojotosadï Suxi. Dïï mai xu ix ïïgi gin gubukarhigakïdï ibuayi aanï go aaduindagai. Diuxi ïgai dai aatabuayi aanïkïdï bhaiyoma kïï tuigakatai ïgai gin bïïtarï.

Apokalipsis 4:2

Dai mos potïi ïgai bai gin ayi gubukarhigadï Diuxi Ibhïadï. Dai Diuxi Ibhïadï gubukarhigadïkïdï tïï aanï ix tïbagiïrï kïïka ïmo gïï daikarui dai ami daikaruana daja Diuxi.

Apokalipsis 15:7

Daidi ïmadutai go maakoba duduakakami ixtumaxi ix makïdï Diuxi sonoana guka maa kubarakami oro ajasokorhi go Diuxi tïtïañikarudï. Maa ïgai ïïmo asokorhi ïïmoko. Dai go ajasokorhi susudaga gïgïbidaragai ix makïdï surhiga agai Diuxi oidigi daama bhamukatai dai gïgïbitulda agai óídakami. Susudaga gobai bhamudadï Diuxi ix makïdï bïïxkïrï oidaga tudu.