Apokalipsis 21:27 - Northern Tepehuan Bible

²⁷ Dïï gia mai bakimu ami tomarhi ïmo ixtumaxi soimaaxkami dai tomarhi ïmo odami ix makïdï tukurhimagi ibhïadï soimaaxi ibuadatai xiïpï yaatagïitai. Ïgai tomarhi ïmo imidagai mai bapakimu ami. Mosïkaxi odami ix makïdï ojixi librogadïrï go Arhi Kañiru tïgidukïdï xako ojixi xorai bïïxkïrï bïïtarï óídaka agai. Ïgai gia bia oigaragai ix bapakïdagi ami.

Tepehuan Northern: Diuusi ñiooquidʌ utuducami oodamicʌdʌ

²⁷ Dai tomali ʌmo istumaasi soimaascami maivapaacʌdʌmu. Dai tomali ʌmo soimaasi ivuaadami tomali ʌyaatavogami maivapaacʌdamu. Mosʌcaasi ʌgai ismaacʌdʌ oojisi tʌtʌaragadʌ ʌliivrugadʌrʌ ʌgai mʌsmaacʌdʌ Cañiiru aagaiña. Ʌliivruʌrʌ oojisi tʌtʌaragadʌ ʌgai ismaacʌdʌ viaa ibʌdagai utudui dai tomastuigaco oidaca agai Diuusi ʌʌmadu.

Apokalipsis 21:27 Referans Kwoze

Apokalipsis 3:5

Xorai maitiagi go soimaaxkami bui gï aadatika agai yukuxi totoakami tudu. Dai mai maigobai dasamu aanï tïtiaradï go libroañdïrï xako ojixi go odami ix makïdï kïïgakïrï óídaka agai bïïxkïrï bïïtarï ïpï. Dai bhaiyoma mïï gin Oga buitapi dai tïtïañikarudï buitapi ïpï aagamu aanï sai ix makïdï maitï go soimaaxkami bui kïïgakïrï ïr gin aaduñi.

Mataibo 13:41

Amaxi aanï ix makïdï ïr otosadï Diuxi dai ïmo kïïrhi busai, aanï otosamu gin tïtïañikaruga bïïxi aipakoga xako ukami gatïanïi aanï dai abhiadïrï ïmapidamu ïgai bïïxkatai go odami ix makïdï ïr soimaaxi ibuadami dai ix makïdï gabapaidi jaa sai soimaaxi ibuadana ïpï.

Efesios 5:5

Ïïmo óídakami ïmadï boona jaa ix makïdï maiti ïr kunadï tomarhi oñigadï dai ïgamutïrïga ïgai ïpï. Ix makïdï pomaaxi ibuayi bamioma namïga ïrhidi ixtumaxi biaka ïrhiada ïgai dai Diuxi gia mai namïga ïrhidi ïgai. Ix makïdï pomaaxi ibuayi xadïrï gïn aïna xi gïn tïanïdagi Diuxi dai Suxi Kristo. ¡Mai ïmadï darakamu ïgai tomarhi ïmo imidagai di! Gobai kïïga maatiga maaxi.

Apokalipsis 21:8

Dïï jaa gia surhigimu aanï go gïï taiyïrï ix makïdï mïmïjïi asufrekïdï. Taiyïrï surhigimu aanï bïïxkatai ix makïdï dagito xi maitiagi duadimudagai tudu dai ix makïdï mai buaboitudai dai ix makïdï tukurhimagi ïïgi ibhïadï soimaaxi ibuadatai. Surhigimu aanï ix makïdï ïr gakodadami ïpï dai ix makïdï ïmadï bopoyiña jaa aipakoga dai taapïgami dai ix makïdï xadutudai uubixi dai ix makïdï ïr yaatabogami. Bïïxkatai ïgai gïn ajiagai xi go gïï taiyïrï surhigiagi. Gobai ïr go kugadïrï mukigami agaikïdï tudu— in tïtïdai Diuxi.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.

Hebreos 12:14

Kabami abïr gïn aaga gaagaitai ix dukatai xioma oidakagi jaa óídakami ïmadï kïïgakïrï gïn nïiditai aipakoga. Dai kabami abïr gïn aaga ïpï oidakatai ix dukatai gï agai xi oidakagi odami ix makïdï ïkobai daraka go soimaaxkamiañdïrï. Kaxkïdï tudu xorai mai ïkobai dakagi soimaaxkamiañdïrï mai biakamu oigaragai ix aiyagi Diuxi Gïr Nukadakami buitapi.

Apokalipsis 20:12

Dai bhodïrï nïidi aanï xi ami go gïï daikarui tojakami buidïrï gukatadai bïïxi koidadï. Ami gukatadai ix makïdï ïr gatïtïanïdamikatadai dai modukai ix makïdï mai gatïanïitadai toma lïïchi ïpï. Bïïxi koidadï ami gukatadai tudu. Ami gukatadai asta ix makïdï go gïï sudagiïrï koitadai ïmadï bïïxkatai ix makïdï Hadeana darakatadai xako bipiïyi bïïxi koidadï. Ami gukatadai ïgai go gïï daikarui buidïrï. Mïtai kupioka go lilibro xakoga ojixi ix tuma dui óídakami dai kupioka ïgai ïmai libro ïpï xako ojixi odami ix makïdï kïïgakïrï ïr duduakakami dai bïïxkïrï bïïtarï óídaka agai. Dai Diuxi aa bïïxi go koidadï bïïtarï ixtumaxi ajiagai ïïmoko nïiditai go lilibroïrï xako ojixi ixtuma dui ïgai.

Filipenses 4:3

Dai aapi kïïrhi ix makïdï kïïgakïrï gin soikïiña aaduindagïrï, aapi kïï maatï xorai aapi. Ipïrhidi aanï sai soiñana aapi go Eubodia ïmadï go Síntike sai gïn oigïdada ïgai ïpamu. Ïgai bïï gokatai ïr maamaradï Diuxi tudu dai gin ïmadï gaatabuadaiña ïpï aipakoga gaaiturhitai go bhai ïrhiaragai aatagi. Uurapïkïiña ïgai go Klemente ïmadï go gaa buaboitudadami ïpï ix makïdï gin soikïiña. Ga soikïiña ix makïdï tïtiaradï ojixi go libroana xako ojixi ix makïdï bïïxkïrï bïïtarï óídaka agai. Ipïrhidi aanï sai aapi kïïrhi soiñana sai bhai buada ïgai ñoki tudu saidi gïn oigïdada ïgai ïpamu.

Markos 7:2

Dai gïn tïgito tïï ïgai xi ïïmo mamaatïrdamigadï Suxi maiti gïn iikomaiña ix dukai gïn biturhi ïgai xudu gaugia aagadagi.

Lukas 10:20

dïï gia maiti gï agai xi gobai ïr gïn bhai ïrhiaragakagi. Gï agai bhaiyoma xi bhai gïn ïrhiadagi ka ojixikatai gïn tïtiaraga tïbagiana— itïtïdai Suxi ojotosadï.

1 Tomoteo 1:10

Maaxi bupai gobai ix makïdï abhan bopoiña ix makïdï mai kïïgadu. Dukami kïkïïrhi ix makïdï abhan bopoiña jaa kïkïïrhi oki dukai. Dai ix makïdï gasecuestrandoagi jaa ïpï. Dai ix makïdï yaataboga. Dai ix makïdï yaatagikïdï gïpiïrï bupai jaa dudunukamiïrï. Go Moises sïïrhikamigadï maaxi bupai bïïxkatai ix makïdï ïr bui bïïtïkami go buaboikïdï aatagi. Pomaaxi bïïtarï go Moises sïïrhikamigadï tudu. Maaxi bupai soimaaxi ibuadami. Dai gï aagai xi odami maatïkagi ix tuma bïïtarï gobai.

2 Pedro 3:13

Po gï duñimu tudu. Dïï gia aatïmï nïnïraka ixtuigako iduña agai Diuxi ïmai tïbagi utudui ïmadï ïmo oidigi utudui ïpï ix dukai aagai Diuxi ïïki. Amaxi kaxi idunakai gobai bïïxi óídakami ibuadamu mosïkaxi ixtumaxi ïr sïïrhi ix dukai Diuxi ipïrhidi.