Apokalipsis 18:10 - Northern Tepehuan Bible

¹⁰ Mïkaxdïrï gukakamu ïgai duadimukatai tïïgakai ixdukatai gïgïbiturhi Diuxi go Babiloniïrï óídakami daidi pokaitadamu, —Aiji, sogigi aapimï Babiloniïrï óídakami. Gia ïr gïdukamikatadai gïn kiiki dai aipako gatïanïiña aapimï. Dïï bïïxkïrï xibi todian dukai gïn ayi gïgïbidaragai— ikaitidamu go gïgïr dudunukami.

Tepehuan Northern: Diuusi ñiooquidʌ utuducami oodamicʌdʌ

¹⁰ Ʌgai mʌʌcasdʌrʌ guucaca agai duduaadimucai tʌʌgacai isducatai Diuusi soimaasi taatatuli ʌBabiloniʌrʌ oidacami, dai pocaitiadamu: ―¡Aiji! Soogigi aapimʌ Babiloniʌrʌ oidacami. Aapimʌ sʌʌlicʌdʌ viaa guvucadagai dai Babilonia sʌʌlicʌdʌ ʌrʌmo gʌʌ quii. Dai todian duucai Diuusi soimaasi gʌntaatatuli aapimʌ ―ascaitada agai ʌraraí.

Apokalipsis 18:10 Referans Kwoze

Apokalipsis 18:19

Daidi gïn mataimada agai momodïrï soigamukai dai suanïdamu daidi ikaitadamu, —Aiji, sogigi go gïï kiiki. Ami tudu didibaiña barkos sosoigadï gaagaradami dai go gaagaradami gïn bipidakami bii ami mos ïï tuminxigakatai óídakami. Dïï xibi todian dukai xia tui go gïï kiiki ka maiti bhaigakamu xi gaagaragi ixtumaxi ami— ikaitadamu ïgai.

Apokalipsis 18:8

Aanï Diuxi ïr gïn Tïanïdamiga dai gïgïbitulda iñagai go Babiloniïrï óídakami tudu dai aanï sïïrhikïdï gubuka. Kaxkïdï mos arhi ïmo tasaikïdï aituldamu aanï naana maaxi soi ïrhiaragai go Babiloniïrï óídakami. Ayimu kokodagai dai soigamudagai dai bhiugigai. Bïïxi gobai taatamu ïgai ïmo tasïrï dai gï mïimu go gïï kiiki Babilonia tïgidukïdï ïpï. Kïï gubuka aanï di Diuxikatai aanï. Kaxkïdï mai xijaiga in bïïtarï xi ïmo tasaikïdï aituldagi podukai naana maaxi gïgïbidaragai— ikaiti.

Apokalipsis 14:8

Daidi gokiïrï imïi ïpï ïmai tïañikarudï Diuxi dai idi gïgïrï ñokai ïpï daidi ikaitimi, —Ka xia tui go gïï Babilonia kiiki. Ami óídakami gia pupuirugakana. Sïïrhikïdï ojoidi ïgai xi adaimudagi soimaaxi dai abïnakidiña odami bïïxi apakoga oidigi daama óídakami sai urabana soimaaxi ibuadatai. Ïpïan buadana ïgai ïmo iitïrakami xïxkadï abïnakidada ïgai jaa sai soiña yïïdana iidagai— ikaitimi ïgai.

Apokalipsis 17:12

—Dai go aagaikïdï ix makïdï tïï aapi bhaibuxtama ïr ïmo maaxidaragai aagaitai bhaibuxtama gïgïrï dudunukami. Mai kia buiyi ïgai sïïrhikami dïï gia gokiïrioma gatïanïda agai ïgai. Ïmapi buimu ïgai sïïrhikami ïmadï go kïixi ix makïdï sudagiañdïrï busai dai ïmo gïï dunukami dukaikamu. Dïï gia tomarhi ïmadutai go gaa bhaibuxtama mai tïbïpi gatïanïda agai.

Apokalipsis 11:8

Ami tudu ïr xakoga Sodoma dai Ejipto aagaiña odami mos ïï soimaaxi ibuadamikatai óídakami. Ami Jerusalenïrï gï xixatu kuruxiana Gïr Nukadakami tudu. Dai ami apia dukai kayana bïïtïkamu tukugadï ï goka ojotosadï Diuxi baika tasai dan tajukami.

Apokalipsis 16:19

Dai go gïï kiiki Babilonia tïgidukïdï baikapïrï taatapai dai ïjïkobai bii mos ïï kabami gigiburhikai oidigi. Dai go gïgïrï kiiki aipako oidigi daama gukakïdï bïïxi surhi bhaabhakidï ïpï. Podukai gïgïbiturhi Diuxi go Babiloniïrï óídakami dai dagito ix kïïga taatana ïgai xïï kabami bhamuka Diuxi ïgai bui.

Apokalipsis 18:18

Nïijadamu ïgai go kubhuxi mïïkai gobai daidi ikaitidamu, —Go Babilonia bïïxi aipako gatïanïiña. Mai tipu ïmai gïï kiiki po maaxkami— ikaitadamu.

Apokalipsis 18:21

Daidi ïmo gïï tïañikarudï Diuxi kïï gubuakami bañigi ïmo gïï odai dai go gïï sudagiïrï daitu. Daidi go tïañikarui ikaiti, —Ix duu ka mai tiputa go odai dai odami ka mai nïijadamu gobai ïpamu podukai ïpï mai tiputa agai go Babilonia dai ka mai tïigimu odami ïpamu.