Apokalipsis 17:13 - Northern Tepehuan Bible

¹³ Ka bhai dui ïgai ñoki tudu dai otoma tïïgida agai gïn sïïrhikamiga go gïï kïixi xi ïgai buiyi agai. Go gïï kïixi bïïtarï tudu gaataduña agai go bhaibuxtama dudunukami ïgai— in tïtïdai.

Tepehuan Northern: Diuusi ñiooquidʌ utuducami oodamicʌdʌ

¹³ Ʌbaivustaama raraí cabaiduu gʌnñiooqui dai tʌʌgida agai ʌgai gʌnsʌʌlicamiga ʌʌmadu gʌnguvucadaga ʌcʌisi.

Apokalipsis 17:13 Referans Kwoze

Filipenses 2:2

Ïmo tïgibudagai abïr bhïiyi bïïxkatai aapimï dai bïïxkatai aipakoga abïr gïn oigïdada ïmo xïgïmï dukai. Ïmo odami dukai abïr mosïkaxi ïmo ixtumaxikïdï buamï gïn ïrhiada dai mai xu xi ïjïkobai gïn tïtïgitoda aapimï. Mosïkaxi ïmo ixtumaxi abïr oijada bïïxkatai aapimï tudu. Ix pobuadagi aapimï aidï gia kïïgakïrï bhai gin ïrhiatudamu aapimï.

Filipenses 1:27

Dïï gia gïn aagidamu aanï ixtumaxi bamioma gï agai. Bamioma gï agai xi kïïga bhai dukai óídakagi aapimï ixdukatai aagai go bhai ïrhiaragai aatagi. Go aatagi aagaitai Suxi Kristo tudu. Ix apia ïïgiada aapimï go bhai ïrhiaragai aatagi aidï gia kïïgakïrï óídakamu aapimï. Dai aidï gia tomax dukai ix gïn dibidagi aanï xiïpï ix mos kajiomakagi aanï ix maaxi daraka aapimï mïkaxi dakatai aanï tomax dukai maatïkamu aanï sai mo ïxi kïïgakïrï óídaga aapimï mos ïmo tïgibudagai biakatai aapimï bïïxkatai. Dai maatïkamu aanï sai mai duadikoi aapimï ix makïdï gïn buidïrï bïïtï ïpï. Dai maatïkamu aanï ïpï sai maiti gïn daadagitoi aapimï xi gïn maitiagi go naana maaxi aatagi ix makïdï maiti ïr go bhai ïrhiaragai aatagi kïïgakïrï. Podukai mai duduadikuitai maaxituldamu aapimï ïgai ix makïdï gïn buidïrï bïïtï sai ïgai mai kïïgakïrï bubuaki agai dai aapimï gia. Diuxi tudu ïgai dai ibuayi bïïxi ixtumaxi gïn aagidimi aanï.

Hechos 4:28

Go dudunukami idui ix makïdï aapi Diuxi ka ïkiaxdïrï gï tïgitotadai xi ïpïduñagi.

Apokalipsis 17:14

—Daidi go bhaibuxtama gïgïrï dudunukami ïmadï go gïï sudagiañdïrï busaikïdï kïixi bui surhigi agai go Arhi Kañiru xi go Arhi Kañiru maitïmu. Ïgai tudu ïr adaama Tïanïdami dai adaama ïr Rey. Kaxkïdï maitïmu ïgai go bhaibuxtama gïgïrï dudunukami dai go kïixi. Dai odami ix makïdï Diuxi báí dai ïko darai dai ix makïdï mai dagitokai buaboitudai, uraba darakamu go Arhi Kañiru aidï kokodiïrï— in tïtïdai go Diuxi tïañikarudï.