Apokalipsis 16:4 - Northern Tepehuan Bible

⁴ Dai bhodïrï ïpï ïmai tïañikarudï Diuxi aaxi ixtumaxi asokorhiïrï biakatadai ïpï. Bïïxi go akiïrï aaxi ïgai dai bapabikiïrï xajadïrï busanïi sudagi bai ami ïpï ïrai gï naato go sudagi.

Tepehuan Northern: Diuusi ñiooquidʌ utuducami oodamicʌdʌ

⁴ Dai ʌmai Diuusi tʌaañicarudʌ aasi istumaasi viaacatadai gʌaasocoliʌrʌ ajaaquiʌrʌ dai siaaco vusanʌi suudagi taidʌ ʌsuudagi ʌʌrai gʌnaato.

Apokalipsis 16:4 Referans Kwoze

Apokalipsis 16:5

Daidi go Diuxi tïañikarudï ix makïdï tïanïi go sudagi potïtïdai Diuxi, —Aa gia sïïrhi aatabuayi aapi Diuxi. Mosïkaxi aapi tudu ïkobai daja soimaaxkamiañdïrï. Go oidigi daama óídakami aaxtaiña ïradï go buaboitudadami tudu ïmadï ix makïdï ïr gï ñokituldiadamiga. Dai xibi ka aa noraidi aapi go óídakami pomaaxi ibuadatai ïgai dai ïrai naatorhi aapi sudagi sai gobai yïïdagi ïgai xibi. Kïïga gïn ajïga ïgai xi podukai gïgïbituldagi aapi tudu. Gia sïïrhi aatabuayi aapi Diuxi— itïtïdai.

Apokalipsis 14:7

Dai gïgïrï ñokimi aagaitai sai, —Xadutuadabïrai Diuxi mos ïï gïdukatai ïgai. Dai abïr aagada xïïxi ïr gïdukami ïpï. Karhioga ayi ix tuigako Diuxi maakiagai gïgïbidaragai soimaaxi ibuadami tudu. Dai kaxkïdï abïr oigïda ñokada Diuxi bui aagaitai xïï kïï tuiga. Ïgai tudu idui tïbagi dai oidigi dai go gïgïrï susudagi dai asta bïïxi go bapabiki xajadïrï busanïi go sudagi. Bïïxi aïkatai idui ïgai tudu kaxkïdï gï agai xi odami xadutuadagi ïgai— ikaitimi go Diuxi tïañikarudï.

Exodo 8:5

Bhodïrï Gïr Nukadakami potïtïdai Moises, —Aagidañi go Aaron sai sïïrhiñana uxiaradï gïïgïr aki dama dai dïdïkagiana dama ïpï. Bïïxi xako kaatïkagi susudagi Ejipituana sai abhiadïrï bubuakïna bhaabhadai bïïxi aipakoga Ejipituana— itïtïdai.

Apokalipsis 11:6

Dai ix xïï tïbïpi ñokadagi ïgai Diuxi bïïtarï po kaxi tïbïpi biakamu ïgai gubukarhigai ix sobhidagi duki xi mai dudukiagi oidigi. Dai biakamu ïgai gubukarhigai ïpï xi tïanïdagi sudagi sai ïrai gï natona. Dai bhaigakamu ïgai xi naana dukai soi maaxi taataturhiadagi tomax makïdï óídakami xïïxkadï ipïrhiadagi ïgai.