Apokalipsis 12:4 - Northern Tepehuan Bible

⁴ Dai nïidi aanï xi bhajidïkïdï bui ïgai bhaitoma tajukami go xixabugai tïbagiana dai oidigi daama surhi. Dai bhodïrï buidïrï kïkiba ïgai go oki nonoakïdï. Nïnïraka ix busiagi go arhi odami dai ugiagai.

Tepehuan Northern: Diuusi ñiooquidʌ utuducami oodamicʌdʌ

⁴ Dai gʌbajicʌdʌ tʌvaimʌ ʌgai baitoma tajucami sisiaavugai ismaacʌdʌ tʌvaagiʌrʌ daraaja dai oidigi daama suuli. Daidʌ ʌcʌisi vuidʌrʌ cʌquiva ʌooqui ismaacʌdʌ maraata agaitadai dai ugia agaitadai ʌali siʌʌñi mosaivusaicai ʌgai.

Apokalipsis 12:4 Referans Kwoze

Apokalipsis 12:9

Daidi Diuxi maigo surhi go gïï kïixi tïbagiañdïrï modukai tïtïañikarudï. Podukai bhaigobai oidigi daama surhi go kïixi ix makïdï diabora tïgidu dai satanás tïgidu ïpï. Ïgai tudu ïr go gïï kooyi agaikïdï ix makïdï ïki abhiadïrï ajiopaiña tami oidigi daama dai bupuirumadaiña óídakami. Tami oidigi daama gï surhitu ïgai tudu ïmadï modukai tïtïañikarudï maitïkai Diuxi tïtïañikarudï ïgai bui.

VUAANA 8:44

Aapimï ïr maamaradï go diabora di— itïtïdai. —Dai ojoidi aapimï ix buadagi ixtumaxi ïgai ipïrhidi. Ïgai tukamïrï abhiadïrï mos ïr gamuakamikana dai buidïrï kaatïkamikana ïgai ixtumaxi ïr buaboi. Ïïgi pomaaxi tuigakami ïgai ix kaxkïdï yaatagïi ïgai. Ïgaiñdïrï tudu daibïi bïïxi go yaatagi— itïtïdai.

Apokalipsis 9:19

Kïï gupuka usudï go kapayo tudu dai bhajidï gupuka ïpï. Bhajidï biakana kooyi momodï maaxi kugïrï ixtukïdï kïkïiyiña odami.

Apokalipsis 9:10

Bhajidï go soosoyi naakasorai maaxi dai bia sïïxikarui ïpïan dukai naakasorai ïpï. Dai taama masadai ukami biakatadai ïgai oigaragai xi kïiyagi odami bhajidïkïdï dai kokotudagi.

Apokalipsis 8:7

Dai gaiiba go tukamidïrï tïañikarui daidi oidigi daama surhi tïayi dai táí saagida ïrai bai mïji bhaitoma tajukami go oidigi. Bhaitoma tajukami mïji gobai go uxi oidigi daama gukakïdï. Dai go basoi, gobai gia bïïxi naato mïji gobai.

1 Pedro 5:8

Gin aaduñi, kïïga abïr gïn tïtïgitoda daidi abïr gïn nukadaka. Bia aapimï gïn buidïrï kaatïkamiga tudu ix makïdï ïr go diabora dai aipakoga aimïrai ïgai xia duada ïrhiditai xorai tïïgiagi ïgai.

Exodo 1:16

—Mïx xudu soikïda agadagi go Hebreo oki abïr tïgito nïida ixtuma maarai ïgai. Xi arhi okikagi ïgai abïr dagito. Xi ïr kïïrhikagi abïr koda— itïtïdai.

Apokalipsis 8:8

Dai bhodïrï gaiiba ï gokatïrï tïañikarudï Diuxi mïtai go gïï sudagiïrï daitu ïmo ixtumaxi ïpïamaaxi ïmo tubidaki mïïkami dai ïrai gï naato bhaitoma tajukami go gïï sudagi.

Apokalipsis 8:9

Dai gokïdï koi bhaitoma tajukami go sudaïrï óídakami dai bhaitoma tajukami dudupi go barkos sudaïrï iimïdami ïpï.

Apokalipsis 8:10

Dai bhodïrï gaiiba ïpï ïmo Diuxi tïañikarudï trompetagadï bai tïbagiañdïrï gïi ïmo gïï xabugai ix makïdï Xibukïdï Xabugai tïgidu. Mïjïi gobai ïpïan dukai ïmo kudakarui dai gïsïkai ayi bhaitoma tajukami go ajaki dai bapabiki oidigi daama. Dai xako ayi gobai xibuturhi go sudagi bai mui koi óídakami yïïkai go sudagi xibukami.

Apokalipsis 8:12

Dai bhodïrï gaiiba ïpï ïmai tïañikarudï Diuxi daidi bhaitoma tajukami xia tui go tasai ïmadï go masadai dai podukai ïpï go xixabugai. Gïn tukutu ïgai bai mai kïï tonorïkana tasïrï dai bamioma tukamugakana tukarï ïpï.

Apokalipsis 12:7

Dai bhodïrï oidatu ïmo kokodi tïbagiana. Go Diuxi tïañikarudï Migirhi tïgidukïdï ïmadï jaa mui Diuxi tïtïañikarudï bui surhi go gïï kïixi omarhigami dai modukai tïtïañikarudï ïpï.

Apokalipsis 13:2

Ïmo dïdïbïrhi maaxi go kïixi dai taataradï ïpïamaaxi boji taataradï dai usudï ïpïamaaxi mabidi. Gubuakami dukai gatïanïiña ïgai aipakoga dai go gïmai kïixi ix makïdï gïï kooyi maaxi namïaturhi sïïrhikamigadï dai mamaakaiña gubukarhigai ixtukïdï gatïanïda ïgai.

Apokalipsis 13:4

Dai xadutudaiña ïgai go gïmai kïixi ïpï ix makïdï kooyi maaxi maakakai ïgai mos ïxi gubukarhigai go kubarakami momokami. Pokaitiña ïgai sai, —Xorai ixtutuidïna idi kïixi bui— ikaitiña. —Mai tipu xorai ïpïan ïxi gubuakagi— ikaitiña aagaitai go gïï kooyi maaxkami kïixi.

Apokalipsis 16:13

Dai tïï aanï baika diabora tïtïañikarudï ïpï dai arhiï galnaaxi ïgai. Ïpïamaaxi bhaabhadai. Dai bubuaka ïgai tïñidïañdïrï go gïï kooyi maaxkïdï kïixi dai tïñidïañdïrï go gïmai kïixi ïpï ix makïdï ïr bupuirumadami odami dai dïbïraiñdïrï busaitadai.

Apokalipsis 20:2

Dai bhïiyi ïgai go gïï kooyi maaxkami kïixi ix makïdï ïïki abhiadïrï oidaga, go diabora tudu. Bhïiyi dai gia kadenakïdï dai ka maiti gï upasdamu ïgai ïmo mirhi umigi.