Apokalipsis 12:3 - Northern Tepehuan Bible

³ Dai bhodïrï tïbagiana gï maaxitu ïpï ïmo ixtumaxi ix makïdï odami tomarhi ïmo imidagai mai nïidiña. Gï maaxitu ïmo gïï kïixi omarhigami dai bïgikami tudu kubarakami momoakami. Momodïrï gï kïïsaka ïgai kubarakami arhi korona dai bia bhaibuxtama aagadï ïpï.

Tepehuan Northern: Diuusi ñiooquidʌ utuducami oodamicʌdʌ

³ Amaasi gʌmaasitu ʌʌpʌ ʌmoco istumaasi ismaacʌdʌcʌdʌ gʌmaatʌcatadai isʌpʌduñia agai ʌʌpʌ ʌmo istumaasi soimaascami. Ʌgai ismaacʌdʌ gʌmasitu ʌrʌmo gʌʌ cʌisi omaligami vʌgicami. Daidʌ cuvaracami moomo dai baivustaamadu aagadʌ dai ʌʌmo cooronai vʌʌsi moomodʌrʌ.

Apokalipsis 12:3 Referans Kwoze

Apokalipsis 17:12

—Dai go aagaikïdï ix makïdï tïï aapi bhaibuxtama ïr ïmo maaxidaragai aagaitai bhaibuxtama gïgïrï dudunukami. Mai kia buiyi ïgai sïïrhikami dïï gia gokiïrioma gatïanïda agai ïgai. Ïmapi buimu ïgai sïïrhikami ïmadï go kïixi ix makïdï sudagiañdïrï busai dai ïmo gïï dunukami dukaikamu. Dïï gia tomarhi ïmadutai go gaa bhaibuxtama mai tïbïpi gatïanïda agai.

Apokalipsis 12:9

Daidi Diuxi maigo surhi go gïï kïixi tïbagiañdïrï modukai tïtïañikarudï. Podukai bhaigobai oidigi daama surhi go kïixi ix makïdï diabora tïgidu dai satanás tïgidu ïpï. Ïgai tudu ïr go gïï kooyi agaikïdï ix makïdï ïki abhiadïrï ajiopaiña tami oidigi daama dai bupuirumadaiña óídakami. Tami oidigi daama gï surhitu ïgai tudu ïmadï modukai tïtïañikarudï maitïkai Diuxi tïtïañikarudï ïgai bui.

Apokalipsis 17:7

Daidi go Diuxi tïañikarudï pobai in tïtïdai, —¿Tuipïxi mai tïtïgai aapi ixtumaxi gï tïgitoagi nïiditai gobai? Daiñi, odami mai maatï ix tïiya ïrhidi gobai ix makïdï nïidi aapi. Mai maatï ïgai ix tuma bïïtarï go oki tudu ix makïdï daama daitugai go gïï kïixi kubarakami momokami dai biakami bhaibuxtama aagadï. Dïï gia xibi gï aagidamu aanï ix tuma bïïtarï gobai— in tïtïdai.

Apokalipsis 20:2

Dai bhïiyi ïgai go gïï kooyi maaxkami kïixi ix makïdï ïïki abhiadïrï oidaga, go diabora tudu. Bhïiyi dai gia kadenakïdï dai ka maiti gï upasdamu ïgai ïmo mirhi umigi.

Apokalipsis 12:4

Dai nïidi aanï xi bhajidïkïdï bui ïgai bhaitoma tajukami go xixabugai tïbagiana dai oidigi daama surhi. Dai bhodïrï buidïrï kïkiba ïgai go oki nonoakïdï. Nïnïraka ix busiagi go arhi odami dai ugiagai.

Apokalipsis 12:1

Dai bhodïrï tïï aanï xi tïbagiana gï maaxitu ixtumaxi ix makïdï odami mai nïidiña. Gï maaxitu ïmo oki nonoakami dai masadai daama kïïka dai go tasa gï bhixaka ïgai yukuxidï dukai. Dai gï kïïsaka ïgai ïmo korona ix makïdï bia bhaibuxtama dan goka xixabugai. Dai gïgïrï aijiïgïi ïgai kokokatai karhioga buapa agaitai ïmo arhi odami.

Apokalipsis 16:13

Dai tïï aanï baika diabora tïtïañikarudï ïpï dai arhiï galnaaxi ïgai. Ïpïamaaxi bhaabhadai. Dai bubuaka ïgai tïñidïañdïrï go gïï kooyi maaxkïdï kïixi dai tïñidïañdïrï go gïmai kïixi ïpï ix makïdï ïr bupuirumadami odami dai dïbïraiñdïrï busaitadai.

Apokalipsis 19:12

Tai maaxi bupuidï dai modïana tutustugai mui korona. Kobadïrï ojixi ïmo tïtiaradï dïï mosïkaxi ïgai maatï ix kaiti go ojai.

Apokalipsis 12:17

Xi kaxkïdï bamioma bhamu go kooyi mai aïkai go oki dai jii dai kokoda agai maamaradï go oki. Maamaradï go oki ïr go odami ix makïdï ïïgidi Diuxi dai mai daadagitoi Suxi Kristo ñokidï. Ïgai buidïrï tudu kokoda agai go gïï kooyi.

Apokalipsis 12:7

Dai bhodïrï oidatu ïmo kokodi tïbagiana. Go Diuxi tïañikarudï Migirhi tïgidukïdï ïmadï jaa mui Diuxi tïtïañikarudï bui surhi go gïï kïixi omarhigami dai modukai tïtïañikarudï ïpï.

Apokalipsis 12:13

Dai aidïxi maatï tïï go gïï kïixi omarhikïdï sai Diuxi ka daitutadai oidigi daama sai bhodïrï aadaji ïgai go oki ix makïdï maaratadai ïmo arhi gïrhi.

Apokalipsis 13:1

Dai bhodïrï tïïtïkiïrï dukai tïï aanï ïpï ïmo ixtumaxi. Tïï aanï xi go gïï sudagiañdïrï busai ïmo gïï kïixi kubarakami momokami dai bhaibuxtama aagakami. Dai gï kïsaka ïgai ïïmo arhi korona bïïxi bhaibuxtama aagadïrï. Dai momodïrï ojixi kubarakami tïtiaradï dai go tïtiaradï ïr parunaragai Diuxi bui.

Apokalipsis 13:2

Ïmo dïdïbïrhi maaxi go kïixi dai taataradï ïpïamaaxi boji taataradï dai usudï ïpïamaaxi mabidi. Gubuakami dukai gatïanïiña ïgai aipakoga dai go gïmai kïixi ix makïdï gïï kooyi maaxi namïaturhi sïïrhikamigadï dai mamaakaiña gubukarhigai ixtukïdï gatïanïda ïgai.

Apokalipsis 13:4

Dai xadutudaiña ïgai go gïmai kïixi ïpï ix makïdï kooyi maaxi maakakai ïgai mos ïxi gubukarhigai go kubarakami momokami. Pokaitiña ïgai sai, —Xorai ixtutuidïna idi kïixi bui— ikaitiña. —Mai tipu xorai ïpïan ïxi gubuakagi— ikaitiña aagaitai go gïï kooyi maaxkami kïixi.

Apokalipsis 15:1

Dai bhodïrï tïïtïkiïrï dukai tïï aanï ïpï ïmo gïdukami maaxidaragai tïbagiana dai mai tïtïgaitadai aanï ixtumaxi gin tïgitoagi nïiditai. Tïï aanï kubarakami Diuxi tïtïañikarudï ix makïdï bhïkati go kubarakami gïgïbidaragai ixtukïdï gï kugaida agai oidigi daama óídakami gïgïbidaradï. Xïxkadï ka dïgabuñagi bïïxi gobai ka dodorhi bimu bhamudadï Diuxi dai ka mai surhigi agai bamioma gïgïbidaragai óídakami abhana.