Apokalipsis 11:10 - Northern Tepehuan Bible

¹⁰ Kabami soi maaxi taatamiturhiña go Diuxi ojotosadï go óídakami ix makïdï mai buaboitudai xi kaxkïdï bhai gïn ïjïldamu óídakami kokai ïgai dai ibuadamu bagimi dai asta gïn oidada agai oidaragai aipakoga bhai gïn ïrhiditai.

Tepehuan Northern: Diuusi ñiooquidʌ utuducami oodamicʌdʌ

¹⁰ Dai oodami vʌʌsi oidigi daama oidacami iduuñimu vagimi coocai ʌgooca Diuusi ñiñiooquituldiadamiga. Dai aipacoga gʌnoidamu naana maasi istumaasi baigʌnʌldiacai. Idi gooca Diuusi ñiñiooquituldiadamigadʌ sʌʌlicʌdʌ soimaasi taatamituldiña ʌoodami cascʌdʌ baigʌnʌli ʌoodami coocai ʌgai.

Apokalipsis 11:10 Referans Kwoze

Apokalipsis 3:10

Kaxi gïn aagidi aanï mïsai gïn kabakadana xïïxkadï soimaaxi taatagi dai kïïga gin ïïgidi aapimï. Kïïga gïn kabakadai aapimï tudu. Dai kaxkïdï gïn nukadakamu aanï xi maiti gïn aiyagi ix soimaaxi taatagi xïïxkadï kabami soimaaxi taatagi bïïxi go gaa óídakami. Ayimu tudu ixtuigako soimaaxi taatamitulda iñagai bïïxi óídakami nïidana sa bhai mai ïma dukai gïn tïtïgitona ïgai. Dïï aapimï maiti gïn ayimu gobai gïn nukadatai aanï.

Hechos 5:33

Daidi go bhaitï gukakami kabami bhakoi kaïkai aatagidï go Piduru dai koda ïrhiditadai ïgai ïmadï bïïxi go gaa ojotoxikami.

VUAANA 7:7

—Mai tipu tudu ixtukïdï gïn kïïdadagi odami dïï aanï gia gin kïïdai ïgai. Maaxi aagaiña aanï xïïxi ïr soimaaxi ibuadami ïgai dai kaxkïdï gin kïïdai— itïtïdai Suxi.

Mataibo 10:22

Bïïxi óídakami gïn kïïdada agai gin urabakatai aapimï tudu. Dïï gia aanï agai sai xorai gï kabakadagi go soi ïrhiaragai buidïrï dai kïïga gin buaboitudadagi asta xïxkadï ukami oidakagi ïgai tami oidigi daama, ïgai gia kïïgakïrï bubuaki agai— itïtïdai Suxi.

Apokalipsis 13:14

Diuxi maa ïgai oigaragai saidi ibuadana maaxidaragai podukai dai bupuirumadaiña ïgai bïïxi oidigi daama óídakami ibuadatai naana maaxi maaxidaragai ami buitapi go kïixi ix makïdï ka duayi. Dai tïjai ïgai óídakami saidi ibuadana ïmo ubixi ïpïamaaxkami go kïixi ix makïdï gï muragi dai duayi. Po buadana ïgai ipïrhiditai xi odami xadutuadagi ïgai.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.

1 Korintios 13:6

Ix makïdï kïïga oigïdai jaa mai bhai gïn ïrhidiña xïïxkadï soimaaxi ibuadagi ïmai dai bhaiyoma bhai gïn ïrhidiña adaimïitai ixtumaxi ïr buaboi.

VUAANA 16:20

Kïïga abïr gïn tïgito kaïka idi ñoki tudu. Daiñi, aapimï soi gïn ïrhiadamu dai suanïdamu imïkai aanï dïï go gaa ix makïdï adaimïi ïïgi tïgibudadï gia bhai gïn ïjïldamu. Mosïkaxi tukamïrï gia kabami soi gïn ïrhiadamu aapimï dïï gokiïrï gia gïn ayimu bhai ïrhiaragai.

Apokalipsis 16:10

Dai bhodïrï ïpï ïmai tïañikarudï Diuxi aaxi ixtumaxi biakatadai asokorhiïrï. Dai aaxi ïgai go daikaruana xako dakatai gatïanïiña go gïï kïixi ix makïdï sudagiañdïrï busai. Daidi tukamutu bïïxi aipakoga xako gatïanïi ïgai dai kabami kokotu go óídakami ix makïdï gatïanïi ïgai ïpï. Oidi iipoidagai kabami daidi go odami ïïgi gïn kïkïiyiña nïnïdï mos ïï kabami kokokatai. Dai bhakoi ïgai Diuxi bui go kokodagaikïdï dai xigarhi kaitiña ïgai bui aagaitai buirudagai. Mai ïma dukai gïn tïtïgito ïgai toma lïïchi dai bhaiyoma apia ïxi oidi soimaaxkamigadï. Dai gokïdï kaxi taamadu go tïtïañikaru ix makïdï daitutadai gïgïbidaragai.

Apokalipsis 12:13

Dai aidïxi maatï tïï go gïï kïixi omarhikïdï sai Diuxi ka daitutadai oidigi daama sai bhodïrï aadaji ïgai go oki ix makïdï maaratadai ïmo arhi gïrhi.