3 Juan 1:5 - Northern Tepehuan Bible

⁵ Aapi Gaiyo, kajioma aanï sai kïïga soikïiña aapi gïr aaduñi Diuxi amadïrï ix makïdï aipako gatïtïïgidi Diuxi ñokidï. Sai soikïiña aapi xïïxkadï ami dïgabuskïdagi ïgai xako oidaga aapi dai sai asta soikïiña aapi ix makïdï mai maatïkatadai aapi ïpï. Kïïga ibuayi aapi Diuxi bïïtarï tudu soikïitai gïr aaduñi podukai.

Tepehuan Northern: Diuusi ñiooquidʌ utuducami oodamicʌdʌ

⁵ Giñaduñi Gaayo aliʌsi gʌoigʌdai aanʌ. Aapi aliʌ cʌʌga ivueeyi soicʌitai vʌʌsi gʌraaduñi vaavoitudadami tomasi ʌʌmoco maimaatʌ aapi.

3 Juan 1:5 Referans Kwoze

Galatas 6:10

Gin aaduñi, xibi kia oidaga oigaragai xi kïï buidadagi aatïmï jaa kia oidigi daama óídakatai aatïmï. Kaxkïdï gï agai aatïmï xi kïï buidadagi bïïxi óídakami ibuadatai ixtumaxi ïr soiñikagi ïgai bïïtarï dai bamioma bïïtarï ix makïdï ïr ïmo xïgïmï duu gïr ïmadï. Ix makïdï bia ï galbaaxi buaboidaragai ix makïdï bia aatïmï tudu.

Kolosenses 3:17

Dai bïïxkïrï xïxkadï ñokadagi aapimï xiïpï xïxkadï ibuadagi aapimï ixtumaxi abïr Suxi Kristo bïïtarï ibuada ka urabakatai aapimï ïgai. Dai gïn tïgitobïrai ïpï sai Suxi Kristo ka bhai dui gïn bïïtarï sai biakana aapimï oigaragai xi Diuxiatanamïidana tïdagi Diuxi gïr Oga kaxkïdï dudatai abïr potïda ïgai.

Lukas 12:42

Dai Suxi potïtïdai, —Go ñoki gobai ïr toma xorai bïïtarï ix makïdï ïr pipioñikagi duu kïïga ïïgidarakan tuigakami dai biakami kïïga tïgibudagai. Daiñi, ïmo ga amu ix makïdï muidukagi pipioñigadï xïxkadï xibhï imi agadagi gaagaiña ïmo pioñigadï ix makïdï kïïga ïïgidarakagi dai ix makïdï kïïgadu tïgibudadï. Dai tïïgakai ïgai ïmoko pomaaxkami nukaturhiña ïgai go gaa pipioñi sai nukadakana ïgai dai sai bhibhidiña xïïxkadï gï agadagi— itïtïdai.

Mataibo 24:45

—Daiñi— itïtïdai. —Ïmo ga amu ix makïdï muidukagi pipioñigadï xïxkadï xibhï imi agadagi gaagaiña ïmo pioñigadï ix makïdï kïïga ïïgidaragakagi dai ix makïdï kïïga tïtïitorïi. Dai tïïgakai ïgai ïmoko pomaaxkami nukaturhiña ïgai go gaa pipioñi sai nukadakana ïgai dai bhibhidiña xïïxkadï gï agadagi— itïtïdai.

Hechos 1:15

Daidi ïmo imidagai gïn ïmpaidakai ïmo ciento dan ïmo kobhai buaboitudadami bai go Piduru gasaagida kïkiba. Daidi go Piduru potïtïdai,

Romanos 12:13

Kïïga abïr oida soiñi gïn aaduñi Diuxiamadïrï ix makïdï tïgitokagi daidi abïr kïïga miadïgida gïn kiikiïrï dadidakami ix makïdï ïr buaboitudadami xibhïadïrï óídakami.

Hebreos 13:2

Gï agai tudu xi bhai dukai miadïgiadagi gïn dadidakamiga tomaxi mai maatïkagi aapimï. Maiti gï maatï xi bhai maiti ïr tïtïañikarudï ïgai Diuxi kaxkïdï. Ïïmo óídakami ka miadïgidiña tïtïañikarudï Diuxi podukai, mai maatïkatai tudu.

3 Juan 1:3

Aapi Gaiyo, gin maara dukai gï nïidi aanï Diuxi amadïrï dai kaxkïdï kïïga bhai gïn ïrhidi aanï dadakai gïr aaduñi amïkadïrï xako daja aapi. Gin aagidi ïgai sai apia kïïga sïïrhi aatabuayi aapi dai sai apia kïïga oidiña aapi ixtumaxi ïr buaboi. Kïïga bhai ïrhiaraga gobai gin bïïtarï. Xïïxkadï gin maamara Diuxi amadïrï kïïga oijadagi ixtumaxi ïr buaboi gobai sïïrhikïdï ïr ïmo bhai ïrhiaragai gin bïïtarï. Mai tipu gïdukamioma bhai ïrhiaragai gin bïïtarï tudu.

3 Juan 1:10

Dai kaxkïdï xïïxkadï amïka dibiagi aanï maaxiko aagamu aanï buitapi go gaa ix mai kïï ibuayi go Diotrefe. Soi gïr buididiña ïgai gïpiïrï gïr bupaitai dai aagaitai naana maaxi buirudagai gïr buidïrï tudu. Dai ïkobïrakoga maiti ipïrhidi ïgai xi miadïgidagi go buaboitudadami ix makïdï aipako gatïtïïgidi Diuxi ñokidï. Daidiña ïgai go buaboitudadami ami ix miadïgidagi go buaboitudadami xibhïadïrï óídakami ïpï. Dai daidiña ïgai ix makïdï soikïdagi go xibhïadïrï óídakami ïpï dai asta daidiña ix makïdï soikïdagi ix urabagi go buaboitudadami ïmpaiñdaradïrï. Sïïrhikïdï soimaaxi ibuayi go kïïrhi Diotrefe tudu.

Mataibo 25:16

Dai go pioñi ix makïdï bhïitadai taama mirhi tuminxi otoma jii dai mïï aaduinturhi go tuminxi dai ïgaikïdï maitïturhi ïgai ïpï taama mirhi daamioma.