2 Timoteo 3:15 - Northern Tepehuan Bible

¹⁵ Dai arhidukatai abhiadïrï mamaatïrïiña aapi Diuxi ñokidï dai gobai gï maakai tïgibudagai ix makïdï kïïga ïr soiñi. Go tïgibudagai ix makïdï gamaakai Diuxi ñokidï gï soi tudu sai buaboitudaiña aapi Suxi Kristo dai sai kïïgakïrï busaiña aapi.

Tepehuan Northern: Diuusi ñiooquidʌ utuducami oodamicʌdʌ

¹⁵ Dai aapi aliducatai abiaadʌrʌ maatʌ Diuusi ñiooquidʌ. Diuusi ñiooquidʌrʌ mamaatʌrai aapi isducatai cʌʌgacʌrʌ vusiagi vaavoitudaitai Suusi Cristo.

2 Timoteo 3:15 Referans Kwoze

Lukas 24:27

Dai bhodïrï Suxi gï aaga tïtïgidi ñoki ï goka kïkïïrhi. Aagidi ix tïiya ïrhidi ojadï go ñokituldiadamigadï Diuxi xako aagai ïgai go Suxi. Go Moises ojadïkïdï gï aaga ïgai dai bhodïrï aagidi ix tïiya ïrhidi ojadï bïïxi go gaa ñokituldiadamigadï Diuxi ïpï xako aagai ïgai go Suxi.

Mataibo 22:29

Daidi Suxi potïtïdai, —Aapimï Saduseo mai kïïga gïn tïtïitoi mai maatïkatai aapimï ix kaiti Diuxi ñokidï. Dai mai maatï aapimï xïïxi bia Diuxi gubukarhigai ïpï— itïtïdai.

2 Timoteo 1:5

Maatï aanï sai kïïga buaboitudai aapi tudu ïpïandukai ix gï daada ïmadï gï urhi buaboidaiña ïpï.

Lukas 2:40

Daidi go arhi gïrhi kïï gubuakami gïïrhimi ami dai bhïjimi tïgibudagai dai Diuxi kïïgakïrï nïidiña.

Romanos 16:26

Dïï xibi gia mos nïiditai aatïmï ojadï go aagadami Diuxi ñokidï ka máí aatïmï gobai ix makïdï ïxtokikana ïkioma. Podukai tudu tïjai Diuxi dai ïgai bïïxkïrï mo maaxkana. Dai xibi kaxi bïïxi aipako óídakami buitapi ayi go bhai ïrhiaragai aatagi bai podukai buaboidaitai ïïgiadagi ïgai.

Romanos 1:2

Ïki ka poduu aagai Diuxi ñokidï sai Diuxi gïr maaki agaitadai go bhai ïrhiaraga aatagi. Aidï abhiadïrï xi go aagadami Diuxi ñokidï utudami ojatadai Diuxi ñokidï ka poduu agaitadai gobai.

Hechos 10:43

Kaxi ïkioñdïrï abhiadïrï bïïxkatai ïgai ix makïdï ïr ñokituldiadamigadїkatadai Diuxi kaxi aagaiña go Suxi. Ïgai aagaiña sai Suxi gubukadadïkïdï oigïrhixikami bipiïyiña bïïxi soimaaxkamigadï odami ix makïdï buaboitudagi go Suxi— itïtïdai Piduru.

Lukas 24:32

Baidi go kïkïïrhi pobai gïn tïtïdai ïïgi aipakoga, —Agia mïmïïda antaadakana gïr ibhïdaga bhai ïrhiarakïdï gïr aagiditai ïgai ix tïiya ïrhidi Diuxi ñokidï boiyïrï iimïitai aatïmï ¿aba?— ikaitimi.

Hechos 17:2

Podukai ibuadana ïgai bïïxi go gïïgïr kiikiïrï xako ajïiña ïgai. Baika ibhïxtaragai tasïrï baa ïgai ami kiupiïrï dai aataga ïmadï odami. Pabora mos gamaakaiña aatagi Diuxi ñokidïañdïrï buaboitulda ïrhiditai go odami.

Apokalipsis 19:10

Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.

Hechos 13:29

Bïïxi iduñi ïgai go Suxi ix dukatai ojixi Diuxi ñokidïrï dai bhodïrï tïbañi ïgai go Suxi tukugadï kuruxiañdïrï dai yaasa ka mukiadïkatai ïgai.

2 Pedro 3:16

Dai bïïxi ojadïrï go Pabora aagaiña ïgai ixdukatai gï agai sai óídakagi buaboitudadami nïnïrakatai aatïmï ix dibiagi Suxi Kristo ïpamu. Dïï gia ïïmo ojadï xijiakan kaiti dai jaa odami ix makïdï mai maatï ixtumaxi ïr buaboi dai mai kabaka buaboidaradï mai kïï sïïrhi tïtïïgidiña gobai mai maatï kaïkatai. Dai pobuayi ïgai bïïxi go Diuxi ñokidïkïdï ïpï, gajiadïrï imïiña aatagidï gatïtïïgiditai ïgai. Ïïgi xia gïn dodai ïgai pobuadatai tudu. Diuxi gïgïbitulda agai kaxkïdï.

VUAANA 5:47

Dïï gia mai buaboitudai aapimï ixtumaxi oja go Moises ïïki gin aagaitai gobai, kaxkïdï dukatai gin buaboitudana aapimï aanï xibi— itïtïdai Suxi.

Hechos 16:1

Daidi go Pabora ayi xako Derbiïrï dai Listrana tïtïïgidu kiiki. Ami tïï ïgai ïmo buaboitudadami Timoteo tïgidukami. Ïgai ïr maradïkatadai ïmo oki judiu buaboitudadami ïpï dai ogadï ïr griego ñokadami dai maiti ïr judiu.

Hechos 26:24

Mos potïkai Pabora ïïgi gï soiña ïrhiditai baidi go Festo gïgïrï ño daidi ikaiti, —Kaxi pïtiki buirutu aapi Pabora. Ka bhaibitukami nïnïidi aapi ojai dai kaxkïdï gï buirutu ïrhi aanï— ikaiti Festo.

Romanos 2:27

Daiñi, aapimï judidiu mai kïïgakïrï ïïgidi go sïïrhikami tomaxi ojixikami bia aapimï. Kaxkïdï odami ix makïdï maiti ïr judidiu dai ïïgidi go sïïrhikami mos ïïgiditai maaxitudamu sai aapimï ïr soimaaxi buadami, tomaxi ïgai maiti gïn circuncido dai aapimï gia.

1 Korintios 1:21

Dïï gia Diuxi tïgibudadï gia saitudaga. Dai ïgai podukai gï tïgito dai podukai dáí sai odami tïgibudadïkïdï mai kïïga maatïkana odami Diuxi. Diuxi bhai ïrhi bhaiyoma sai mosïkaxi odami ix makïdï buaboitudagi go bhai ïrhiaragai aatagi gia kïïgakïrï bubuakïna. Dïï óídakami mos buirudagai dukai kaïkana go bhai ïrhiaragai aatagi dai mai buaboitudai.

Efesios 6:4

Dai aapimï kïkïïrhi abïr mai bhakoitudada gïn maamara ïpï. Bhaiyoma abïr kïïga nunukada ïgai dai gïgïbitulda oigïdaitai aapimï. Dai abïr kïïga maakada ñoki bai podukai gïrhiagi ïgai ixdukatai ipïrhidi Suxi Kristo.

1 Tomoteo 4:13

Gï dibidamu aanï amïka dïï asta xïxkadï aiyagi aanï gï agai xi gïn ïmpaidagi aapimï. Dai ami gïn ïmpaiñdaragïrï gï agai xi nïñiada aapi Diuxi ñokidï aagaitai go gaa buitapi ix kaiti gobai sai go gaa kaïkana. Gï agai xi podukai abïnakidada aapi go gaa dai tïtïïgiadagi ñoki.

2 Timoteo 1:1

Bhaiga Timoteo. Aanï ïr Pabora dai gï otoxdi aanï idi ojai otosadïkatai aanï Suxi Kristo. Diuxi ïgai daidi ipïrhidi xi ïr otosadïkana aanï Suxi Kristo tudu dai ïgai gin otoi an sai aagana go utudui oidakaragai ix makïdï bia bïïxkatai aatïmï ix makïdï bïïna daraka Suxi Kristo. Aapi Timoteo, gin maara dukai gï nïidi aanï kïïga gï oigïdaitai aanï dai daanïi aanï Diuxi gïr Oga ïmadï Suxi Kristo Gïr Nukadakami gï bïïtarï. Daanïi aanï sai apia kïï tuigakana ïgai gï bïïtarï dai sai soi gï ïlda gï nïijadana ïgai dai sai gï maakana ibhïxtaragai gï ibhïdagïrï.