2 Timoteo 2:19 - Northern Tepehuan Bible

¹⁹ Dïï gia tomaxi oidaga odami ix makïdï aatagai ixtumaxi maiti ïr soiñi bïïxkïrï Diuxi ñokidï gia ïr buaboi dai mai ïmapïbuayi. Ïmo simiento dukai kïï kabakami Diuxi ñokidï gïr buaboidaraga bïïtarï. Diuxi ñokidïkïdï tudu kïï kabakami kïïka go buaboidaragai ix makïdï gïr maa Diuxi. Dai ami Diuxi ñokidïrï ikaiti sai, —Diuxi maatï xorai ïr maamaradï— Dai, —Odami ix makïdï pokaitadagi sai buaboitudai Diuxi gï agai ix gajiadïrï biagi go soimaaxkami— ikaiti Diuxi ñokidï.

Tepehuan Northern: Diuusi ñiooquidʌ utuducami oodamicʌdʌ

¹⁹ Dʌmos Diuusi ñiooquidʌ vʌʌscʌrʌ ʌrʌgai vaa. Dai Diuusi ñiooquidʌrʌ pocaiti: “Cʌʌ maatʌ Diuusi gʌmaamara”, dai pocaiti ʌʌpʌ: “Vʌʌscatai ismaacʌ vaavoitudai Cristo gʌaagai isgajiaadʌrʌ vipiaadagi vʌʌsi soimaascami”.

2 Timoteo 2:19 Referans Kwoze

VUAANA 10:14

Dïï aanï gia ïr go paxturu bamioma kïï tuigakïdï. Ix xïï kïïga gïr ïïmadai aanï ïmadï gin Oga pokaxi kïïga gïr ïïmadai aanï ïmadï ix makïdï gin buaboitudai ïpï dai aanï kïïga nukadakana ïgai tomaxi maatï aanï sai muatuda iñagai nukadakatai kïïga.

1 Korintios 8:3

Dïï gia Diuxi kïïga ïïmadai odami ix makïdï oigïdai Diuxi. Dai gobai gïïpi ïr soiñi ïpï.

Lukas 13:27

Dïï gia Diuxi pobai gïn tïdamu aidï, —Kaxi aant gïn aagidi ansai mai maatï xajadïrï óídakami aapimï. Iimibïrai aapimï tabhiadïrï. Soimaaxi ibuadami aapimï di— gïn tïdamu Diuxi.

Galatas 4:9

Dïï xibi gia kïïga maatï aapimï Diuxi, xiïpï bamioma kïïgadu ix tïiyagi aanï sai Diuxi ïgai dai kïïga gïn maatï bhaiyoma. Kaxkïdï ¿ix tuixidï ïpamu buaboituda ïrhidi aapimï sai bamioma kïïga gïn nïijadamu Diuxi ïïgiditai aapimï naana maaxi sïïrhikami dai ïïgiditai naana maaxi tïgibudagai ïkidadï ix makïdï maiti ïr soiñi?

Apokalipsis 3:8

Kïï maatï aanï bïïxi ixtumaxi ibuayi aapimï. Daiñi, tomaxi mai xii gupuka aapimï bïïxkïrï kïïga ïïgidi aapimï gin ñoki dai mai ïxto xi gin buaboitudai. Kaxkïdï gïn maa aanï oigaragai sai aagada aapimï gin ñoki dai mai tipu xorai gïn sobhidagi.

Apokalipsis 22:4

dai asta nïijadamu buibasodï. Dai Diuxi tïtiaragadï ojixikamu kokobadïrï buaboitudadami.

Efesios 4:30

Maiti abïr soi ïrhiatuldada Diuxi Ibhïadï gïn oidakaragakïdï tudu. Diuxi Ibhïadï ïr Diuxi tïpakarudï dukai ix makïdï gïn daxi Diuxi bai gï maatïkana kïïga xi ayimu ixtuigako buiya ragai bïïxi ixtumaxi gïr aagidi Diuxi sai gïr maaki agai kïïgakïrï bubuakïkai aatïmï. Kaxkïdï abïr mai soi ïrhiatulda ïgai.

1 Korintios 1:2

Idi ojai ïr gïn bïitarï aapimï buaboitudadami Korintoïrï óídakami. Aapimï gïn bïïtarï tudu ix makïdï ka ïkobai gïn darai Diuxi bïïna darakatai aapimï Suxi Kristo. Ïko darasadï aapimï Diuxi gïn bapaidakai ïgai ïmadï bïïxi go gaa buaboitudadami ïpï ix makïdï bïïxi aipakoga daanïiña Suxi Kristo. Suxi Kristo tudu ïgai daidi ïr Tïanïdamigadï bïïxkatai aatïmï buaboitudadami.

2 Pedro 3:14

Gobai nïnïraka aapimï tudu gin aaduñi. Dai kaxkïdï abïr kabami gïn aga dai buañixikami dukai óídaka sai mai tipukagi ixtukïdï gïpiïrï gïn bupadagi jaa. Podukai abïr ibuada saidi kïïga xioma uraban dukai óídakana aapimï buitapi Diuxi.

2 Korintios 7:1

Aapimï gin aaduñi ix makïdï kïïga oigïdai aanï, kaxi gïr aagidi Diuxi saidi gïr saagida oidaka agai ïgai. Kaxkïdï tïtai maigobai dasa bïïxi aïkatai go soimaaxkami ix makïdï gïr tukurhimadagi gïr tukuga ïmadï gïr ibhïdaga. Tïtai ïkobai óídaka bïïxi go soimaaxkamiañdïrï tudu dai go ïïgi Diuxi bïïtarï óídaka kïïga xadutudaitai aatïmï.

Apokalipsis 2:13

dai maatï aanï sai go diabora ïgai dai gatïanïi ami go gïï kiikiïrï xako óídaga aapimï. Dai maatï aanï sai tomaxi tïanïi ïgai ami aapimï bïïxkïrï apia gin buaboitudai. Mai dagito aapimï gïn buaboidaraga tudu tomaxi ami xako óídaga aapimï gï muatu go kïïrhi Antipas tïgidukïdï ix makïdï sïïrhi ñokaiña gin bïïtarï aagaitai ixtumaxi ïr buaboi. Maiti gin dagito aapimï tomaxi ami gïn kiikiïrï oidaga go diabora tudu.

Mataibo 7:23

Dïï gia potïdamu aanï aidï sai, Maiti ïr gin aaduñi aapimï. Tomarhi ïmo imidagai maiti ïr gin aaduñikatadai aapimï tudu. Ka maiti gïn nïijada in ïrhidi soimaaxi ibuadamikatai aapimï. Potïdamu aanï tomaxi dudatai Tïanïdami gin aagaiña ïgai— itïtïdai Suxi go odami.

Efesios 3:15

Ïgai tudu ïr kïsakami oidigi dai tïbagi ïmadï bïïxi aïkatai ixtumaxi oidaga.

Romanos 15:20

Bïïxkïrï gaagaiña aanï ix dukatai aituldagi go bhai ïrhiaragai aatagi xako go óídakami mai kia kajiomakana xorai ïr Suxi Kristo. Ïpïan dukai aatabuayi aanï ïmo kïïsadami baaki ix makïdï mai ojoidi xi daama aatabuadagi cimientogadï ïmai.

Hechos 15:17

Poduñimu aanï bai go gaa odami ïpï oidigi daama óídakami ix makïdï maiti ïr judidiu biakagi ixdukatai gaagagi urabaragai gin ïmadï ïpï, ikaiti.

Mataibo 7:25

Go baaki gobai kïï kabakami kïakamu. Mai gïïximu gobai tomaxi kabami dudukiagi xiïpï xi kabami ïbïrdagi ïpï— itïtïdai.

1 Juan 2:19

Go odami ix makïdï ïr buidïrï bïïtïkamigadï Suxi ix makïdï aagai aanï xibi ïgai gïr urapïkïiña ïkioma dïï gia gïr dagito ïgai dai ïkobai iji. Kaxkïdï gï maatï ix maiti ïr gïr aaduñi ïgai. Ix gïr aaduñikamudai ïgai kïïgakïrï aidï gia gïr urabakamudai ïgai kia. Podukai gïn mamaaxidi ïgai ix maiti ïr gïr aaduñi kïïgakïrï tudu gïr dagitokai ïgai.

Romanos 12:9

Gï agai xi kïïgakïrï gïn oigïada aapimï. Gajiadïrï abïr bia gobai ix makïdï ïr soimaaxkami daidi abïr kabami bhïiyi ix makïdï gia ïr kïïga.

Markos 13:22

—Dai dadimu jaa ïpï daidi tïimu saidi ïr Diuxi otosadï daidi ïr gïn bhaitï kïakamiga. Dai jaa tïimu saidi ïr aituldadami Diuxi ñokidï odami buitapi ïpï. Naana maaxi iduñimu ïgai ix makïdï odami ïïgi xadïrï ixtuidana dai podukai maaxituda agai xïï gupuka ïgai. Podukai buirumada agai mui odami. Dai asta go ix makïdï Diuxi ïko bubaitu katoma buaboituda agai ïpï dïï ïgai gia xadïrï gïn buirumadana go yaatabogami.

Romanos 9:11

Dai mai kia bubuakïkai ïgai Diuxi aagidi go Rebeka sai ix makïdï ïr gasukurhi ka agai tïanïda agai ix makïdï ïr gaxïgi. Jakobo tïgidu aidï ix makïdï ïr gasukurhi dai Esau tïgidu ix makïdï ïr gaxïgi. Aidïpïrï mai kia ïr dukamikatadai ïgai ixtumaxi tomarhi kïïgadukami tomarhi soimaaxkami. ¡Mai kia bubuakatadai ïgai di! Diuxi ïko busaitu dai báí ix makïdï ïr gasukurhi tudu, ix makïdï Jakobo tïgidu. Ïïgi podukai ipïrhi Diuxi kaxkïdï. Podukai gï tïgito Diuxi kaxkïdï potïtïdai ïgai go Rebeka. Mai xu ïr kïïga idukamikatadai go Jakobo xi kaxkïdï Diuxi ïko busaitu. Dai go Esau ïpï maiti ïr idukamikatadai ixtumaxi kia ïpï tomarhi kïïgadukami tomarhi soimaaxkami.

1 Tomoteo 6:19

Xi pobuadagi ïgai aidï gia kïïgakïrï óídakamu ïgai. Suxi Kristo maakimu ïgai gïïpi maitïki tïbagiana. Ïpïan dukamu gobai xi gïïpi bhai tuatadai ïgai maitïki tïbagiana ix makïdï mai ugiti agai.

Romanos 8:28

Kïï maatï aatïmï sai Diuxi bïïxi aïkatïrï aatabuayi dai kïïga ibuayi aatïmï gïr bïïtarï ix makïdï oigïdai Diuxi. Aatïmï gïr bïïtarï tudu ix makïdï Diuxi ïkobai gïr báí xi aatïmïkïdï gï ibuadagi ix tumaxi ïgai ipïrhidi.

Hechos 9:14

Dai xibi ka dibia gobai tami dai go bhaitï kïakamigadï dadaxdadami judidiu as maa gubukadagai bïïxi xi maamaixapikami gïr bukia agai bïïxkatai ix makïdï gï buaboitudai— ikaiti Ananias.

VUAANA 13:18

Dai bhodïrï Suxi oi gï aatagi daidi ikaiti, —Gin aaduñi, aanï kïï maatï ix tutuiga aapimï ix makïdï ïko bubaitu aanï dai maatï aanï sai go bamioma muidukïdï aapimï kïïga buimu ïmo bhai ïrhiaragai dïï gia oidaga ïmoko gïn saagida ix makïdï mai bhïiyi agai go bhai ïrhiaragai. Daiñi, Diuxi ojadïrï ikaiti sai, —Gin bui gïi ïmoko gin aaduñi ix makïdï gin ïmadï gakuadatadai— ikaiti go ojai. Dai buaboi busaimu gobai— itïtïdai.

Mataibo 24:24

—Dai dadimu jaa ïpï daidi potïimu saidi ïgai ïr go otosadï Diuxi ix makïdï nïnïraka go judidiu dai jaa potïimu ïpï saidi ïr ñokituldiadamigadï Diuxi. Naana maaxi buirumadaragai iduñimu ïgai ix makïdï odami ïïgi maiti ixtutuidiña xi ibuadagi dai podukai maaxituda agai xïï gupuka ïgai. Podukai bupuirumada agai ïgai mui odami. Dai asta ix makïdï Diuxi ka ïko bubaitu katoma buaboituda agai ïpï— itïtïdai.

Efesios 2:20

Dai aatïmï aaduñdï Diuxi ïr Diuxi kiidï dukai ix makïdï gï kïïsatu ïmo kïï kabakami simiento daama. Suxi Kristo ojotosadï ïmadï go aagadami Diuxi ñokidï ïr go simiento dukai xako daama guka aatïmï. Dai Suxi Kristo ïr go kïïgadukïdioma odai dukai ix makïdï baaki xixodïrï daja. Ïgaiñdïrï tudu daagïkan guka aatïmï ix makïdï ïr Diuxi kiidï.

Romanos 11:2

Diuxi mai dagito aaduñdï ix makïdï ïgai ïko bubaitu tudu. ¿Maiti mïx tïgito ix kaiti Diuxi ojadïrï? Ami ikaiti sai go Elias aatagaitadai Diuxi ïmadï dai bui ño ïgai go Israelitas. Go Elias itïtïdai Diuxi aidï,

Lukas 6:48

Ïpïan dukami ïgai ïmo kïkïïsadami baaki ix makïdï kïïga tukabi kokoi dïbïrai dai aiti daama dáí simientogadï. Kïïga kïi ïgai baakidï tudu xi kaxkïdï gokiïrï xïïxkadï todian dukai gïïpi daibuñagi sudagi mai xïbuayi go baki. Pomaaxi odami ix makïdï ïïgida kaïkana gin ñoki tudu— itïtïdai.

Romanos 15:9

Suxi dibia saidi odami ix makïdï maiti ïr judidiu xadutuadana Diuxi ïpï maatïkatai sai Diuxi soi gï ïrhidi gïr nïiditai. Podukai tudu ojixi Diuxi ñokidïrï. Ami ikaiti sai, Gin kaï odami ix makïdï maiti ïr judidiu kaxkïdï oigïda ñokadamu aanï aapi Diuxi gï bui. Dai kaxkïdï ganïyimu aanï ïpï gï xadutudaitai, ikaiti go ojai.

Apokalipsis 21:14

Dai nïidi aanï simientogadï go kurarai ïpï dai bhaibuxtama dan goka ojodaikïdï duñixi. Dai ami ojodiana ojixi go bhaibuxtama dan goka tïtiaradï go Arhi Kañiru ojotosadï. Suxi Kristo ojotosadï tudu.

Hebreos 11:10

Ikuxi bhaabhakiïrï oidakaiña go Abraam tudu nïnïrakatai ïgai ix aiyagi ixtuigako ïmo gïï kiikiïrï oidakagi ïgai. Nïnïrakatadai ïgai go gïï kiiki ix makïdï kïï kabakami kïïka dai ix makïdï Diuxi idui ixdukatai ïgai ipïrhidi. Gobai ïr ïgai ix makïdï nïnïrakatadai go Abraam.

Mataibo 28:19

Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.

Apokalipsis 17:8

—Daiñi— in tïtïdai. —Go kïixi ïr ïgai ix makïdï oidakatadai ïkioma dai xibi ka mai oidaga. Dïï gia xibi bhai otoma duakatumu ïgai ïpamu dai busaimu abhiadïrï xako bii ïgai mukukai. Busaimu ïgai go gïï tukabakami dïgaiñdïrï tudu. Dai busaikai ïgai go odami mai buaboitudadami mai tïïgimu ixtumaxi gïn tïtïgitoagi nïiditai ix duakatu go kïixi ïpamu. Go odami tudu ix makïdï mai ojixi go Arhi Kañiru librogadïrï. Mai ojixikana ïgai ïïki abhiadïrï aidïxi abhiadïrï xi kïkiba oidigi tudu. Dai busaimu go kïixi abhiadïrï go gïï dïgaiñdïrï dïï xibi gia imimu ïgai xako Diuxi gïgïbitulda agai bïïxkïrï bïïtarï— in tïtïdai go Diuxi tïañikarudï.

Hechos 11:26

Dai anaaxi bii ïgai ïmo umigi go buaboitudadami ïmadï dai gamamaatïtuldaiña Diuxi ñokidï. Ami Antiokiïrï óídakami ïgai dai tukamïrï Kristianos tïïtï go buaboitudadami.

VUAANA 3:33

Dïï gia oidaga ïïmoko dai kïïga buaboitudai dai ïgai mos buaboidaitai gamamaaxidi Diuxi ix mai yaatagïi ïgai.

1 Tomoteo 3:15

xïduñada maiti ixtui aanï otoma imiagi. Gï ojidi aanï pai maatïkana ix dukatai gï agai ix óídakagi aatïmï buaboitudadami Diuxi. Buaboitudadami aatïmï Diuxi tudu ix makïdï tomarhi ïmo imidagai mai mumukui. Dai aatïmï ïr nukadakami Diuxi ñokidï ix makïdï kïïgakïrï ïr buaboi.

Markos 12:16

Mïtai buapi Suxi ïmo tuminxi. Dai Suxi potïtïdai, —¿Borï modï dai borï tïtiaradï bia go tuminxi?— itïtïdai. Daidi go gaa potïtïdai aidï, —Go gïï Rey César tïgidukïdï modï bia gobai ïmadï tïtiaradï— itïtïdai.