2 Pedro 2:3 - Northern Tepehuan Bible

³ Koimudadï tutiaka agai go tïtïïgiadami ñoki ïgai tudu dai gïn bupuirumadamu ïgai muidutai aapimï aatagidïkïdï gïn popoida ïrhiditai gïn tuminxiga. Dïï gia ka aagai Diuxi ïïki sai gïgïbitulda agai ïgai dai otoma ayimu gïgïbidaradï.

Tepehuan Northern: Diuusi ñiooquidʌ utuducami oodamicʌdʌ

³ Ʌgai coimudadʌ tuutiacamu cascʌdʌ gʌntaanʌdamu tumiñsi gʌnvupuiirumadaitai gʌnmamaatʌtulditai yaatagi. Diuusi ʌʌqui abiaadʌrʌ aagai sai soimaasi taatatulda agai ʌgai dai sʌʌlicʌdʌ soimaasi taatatuldamu ʌgai.

2 Pedro 2:3 Referans Kwoze

2 Korintios 2:17

Diuxi ïgai dai gïr maa ïmo sïïrhikami tudu. Dai kaxkïdï Diuxi gubukarhigadïkïdï aatabuayi aatïmï dai kïïga sïïrhi ñokai aatïmï ojotosadïkatai aatïmï Suxi Kristo. Dai mai xu xi tuminxikïdï gaatabuayi aatïmï gatïtïïgiditai Diuxi ñokidï aipakoga. Jaa gia go ïï tuminxikïdï gatïtïïgidiña ñoki dïï aatïmï gia cho. Kïïga maatï aatïmï sai Diuxi bïïxi nïidi ixtuma ibuadagi aatïmï kaxkïdï.

1Tesalonicenses 2:5

Kïï sïïrhi gïn aatagidi aatïmï tudu dai mai xu ix mos xigian dukai gïn aatagidi ipïrhiditai ix gïr maakiagi aapimï tuminxi. Maiti gïn aatagidi aatïmï mosïkaxi ix dukatai bhai ïrhiadagi aapimï tudu. Dai tomaxi mai kïïgakïrï gïr nïijadagi aapimï xiïpï jaa kaïkatai gïr aatagi bïïxkïrï sïïrhi ñokaiña aatïmï. Daiñi, aatïmï ïr ojotosadï Suxi Kristo dai kïïga bia aatïmï oigaragai ix kabami gïn tïanïdagi.

Romanos 16:18

Ix makïdï pomaaxi gamamaakai aatagi maiti ibuayi Kristo Gïr Nukadakami aaduindadï tudu. Dai bhaiyoma ïïgi ibuayi ixtumaxi bhai ïrhidi ïgai. Xigian dukai aatagaiña ïgai dai aagai ïïgi ix ixtumaxi kaïka ïrhiadagi óídakami. Podukai buirumadai ïgai mui ix makïdï maiti gïn nukadatai óídaga.

Udaxi 1:15

—Daiñi, Diuxi maatï bïïxi go soimaaxkami ix makïdï ibuadana go odami ix makïdï mai ïïgidi Diuxi. Dai maatï ïgai xïxkadï galnaxi ñoki aagagi ïgai buidïrï Diuxi ïpï. Dai ka dibiakai aagada agai Diuxi ixtuma gïgïbidaragai aji agai bïïxkatai ïgai— ikaiti go Enok ïïki.

Tito 1:11

Dai pomaaxi aatagikïdï maitïkïiña ïgai tuminxi dai gobai maiti ïr sïïrhi. Gï agai xi daidagi xi ka mai pomaaxi aatagaiña. Kaxkïdï tudu ix makïdï ïïgiadagi aatagidï koidamako imïiña buaboidaradï. Dai ami Kretana mui gadïïdïdï ïmadï modukai maamaradï ïïgidiña dai xia buimi ïïgi buaboidaradï.

1 Tomoteo 6:5

Otoma sasayutïrïi ïgai. Gajiadïrï bipiayi ïgai ix makïdï ïr buaboi dai podukai ïïgi gïn bupuirutudai ïgai. Ka maiti ïr soiñikana tïgibudadï tudu. Pobïnïrhidiña sai oiditai buaboidaradï kïïga gïn bidakamu ïgai dïï maiti ïr buaboi.

2 Pedro 2:9

Diuxi kïïgakïrï busaitu ïgai tudu dai bhodïrï bïïxi naato xia dodai ïgai go soimaaxi ibuadami. Kaxkïdï gï maatï sai Diuxi kïïga ixtutuidikïi xi kïïgakïrï bubiadagi odami ix makïdï ïr kïïga ibuadami sai mai soimaaxi taatamaiña ïgai. Dai kïïga ixtutuidikïi xi apia soimaaxi taataturhiadagi soimaaxi buadami ïpï asta go kugatïrï tasïrï ukami xïxkadï aagada agai Diuxi ixtuma gïgïbidaragai aji agai ïgai.

2 Pedro 2:1

Ka agai aatïmï go ñiñokituldiadamigadï Diuxi ix makïdï óídakatadai ïïki saagida go Israelitas. Ïgai gatïtïïgidiña mosïkaxi ixtumaxi ïr buaboi. Dïï gia oidakatadai jaa ix makïdï ñokituldiadamigadï Diuxi gïn aagaiña ïïgi dïï maiti ïr ñiñokituldiadamigadï ïgai Diuxi. Ga tïtïïgidiña ïgai yaatagi bhaiyoma. Dai oidakamu pomaaxkami aapimï buaboitudadami gïn saagida ïpï. Oidaka agai tïtïïgiadami yaatagi ïpï tudu. Sastudakami dukai ñokadamu ïgai dïï gia ïxtotai dukai basamu ïgai yaatagi saagida aatagidï daidi aagada agai saidi Suxi Kristo maiti ïr ï Tïanïdami. Mai Tïanïdami aagamu ïgai Suxi Kristo tudu tomaxi Suxi ka dáí go namïgadï go kïïgakïrï bubaidaragai ixtukïdï kïïgakïrï bubuakiagi ïgai. Gajiadïrï bipiadamu ïgai Suxi Kristo tudu dai podukai ïïgi abhana aituldamu ïgai ïmo gïgïbidaragai ix makïdï todian dukai ayimu.

2 Pedro 1:16

Kaxi gïn aatagidiña aatïmï ix makïdï ïr ojotosadï Suxi Kristo dai gïn aagidiña aatïmï saidi kïïga gubuakami dukai aatabuayi Suxi Kristo Gïr Nukadakami tudu dai gïn aagidiña aatïmï ïpï sai ïpamu dibiagai ïgai tami oidigi daama. Kïïga ïr buaboi gobai tudu. Mai xu xi ïr buirumadaragai gobai dai maiti ïr yaatagi. Mai xu xi ïmo odami podukai gï tïgito dai gïr aagidi sai podukai aatabuayi Suxi Kristo tudu. Dai bhaiyoma aatïmï ix makïdï ïr ojotosadï kïïga nïidi gubukadadï Suxi aidïxi aimïraitadai ïgai tami oidigi daama.

1 Pedro 5:2

Aapimï bhaitï gukakami, paxtuturu dukai abïr nukada go buaboitudadami ix makïdï gïn nukaturhi Diuxi. Bïïxi gïn bhai ïrhiarakïdï abïr nukada ïgai tudu dai maiti gï agai ix po gïn ïrhiada sai gubudakïdï bia aapimï ix nukadakagi. Dai maiti abïr mosïkaxi tuminxikïdï ibuada gïn aaduindaga ïpï dai bhaiyoma abïr bhai ïrhiarakïdï nukada go buaboitudadami maatïkatai sai Diuxi bïïtarï aatabuayi aapimï.

Tito 1:7

Daiñi, go buaboitudadami bhaitï gukakamigadï bia ïmo sïïrhikami. Diuxi nukaturhi ïgai Diuxi maamaradï kaxkïdï gï agai xi kïïgakïrï óídakagi go bhaitï gukakami sai podukai mai tipukagi ixtukïdï gïpiïrï bupadagi go jaa óídakami. Maiti gï agai xi ïmo gïdukami gï ïrhiadagi ïïgi ïgai tudu dai maiti gï agai xi omarhigakagi tomarhi xi nabaamutïrïkagi tomarhi xi kokoatïrïkagi. Dai maiti gï agai xi mukiñdadï tuigakagi ïpï.

Udaxi 1:11

Agia soimaaxi taatamada agai ïgai. Ïpïan buayi ïgai go Kain ix makïdï ïïgi mua sukurhidï ïïki. Dai ïpïan buayi ïgai go Balaam ix makïdï oidakatadai ïïki ïpï. Bupuirumagi ïgai go odami dai gïpiïrï surhi gamaitia ïrhiditai tuminxi tudu. Go tïtïïgiadami yaatagi ïr buidïrï bïïtïkami Diuxi tudu dai gïn kodituda agai ïgai ïpïan dukai go Kora. Buidïrï gïi ïgai Diuxi dai gï muatu ïïki ïpï.

Udaxi 1:7

Dai podukai ïpï go ïïkidadï óídakami Sodomana dai Gomorana ïmadï bïïxkatai ix makïdï miadïrï óídakatadai ami. Galnaaxi idui ïgai ïpï gaïmadï bopodatai aipakoga. Ibuadana ïgai buirudagai tukugadïkïdï tudu ïmadï bopodatai ïgai ix makïdï maiti ïr sïïrhi. Kïï maatï aapimï sai Diuxi gïgïbiturhi ïgai. Dai gokïdï gïr tïtïïgidi Diuxi sai taiyïrï gïgïbitulda agai ïgai bïïxi soimaaxi ibuadami. Dai gïgïbidaradï bïïxkïrï bïïtarïka agai dai mai ugiti agai.

1 Pedro 2:8

Daidi ikaiti go ojai ïpï sai, Suxi Kristo ïr ïmo odai dukai xako utubai odami mai buaboitudaitai ïgai. Dai ix makïdï mai buaboitudai gïpiïrï surhigïi, ikaiti go ojai. Mui odami gïpiïrï surhigïï mai ïïgiditai ïgai Diuxi ñokidï ix makïdï aagai go Suxi Kristo tudu. Dai Diuxi ka podukai dáí sai taatana ïgai gïgïbidaragai.

1 Tomoteo 3:8

Dai podukai go sonoïrï gukakami ïpï. Ïgai ïr nukadakami go buaboitudadami ïpï dai gï agai xi kïï tuigakami dukai nïijadagi odami. Maiti gï agai xi yaatabogakagi ïgai xiïpï xi iitorakagi. Gï agai xi ïr sïïrhi aatabuadami ix makïdï mai ojoidi xi maitïkïdagi tuminxi soimaaxi ibuadatai.

1 Tomoteo 3:3

Maiti gï agai xi nabaamutïrïkagi ïmo nukadakamigadï buaboitudadami dai maiti gï agai xi bhamutïrïkan tuigakagi ïgai. Maiti gï agai ix omarhigakagi ïgai dai bhaiyoma gï agai xi kïï tuigakagi. Dai maitï gï agai ïpï xi mukiorhikan tuigakagi ïpï.

1Tesalonicenses 5:3

Xïxkadï karhioga dibia agadagi Gïr Nukadakami go óídakami pobïnïldamu sai mai tipu duadimudagai daidi pokaitadamu sai xioma daraka mai biakatai ixtukïdï buamï gïn ïrhiadagi. Dai aidï todian dukai gïpiïrï surhigimu ïgai dibiakai Gïr Nukadakami. Sïïrhikïdï todian dukai ayimu gïgïbidaradï tudu. Po ïxi ix xïï todian dukai kokorïi ïmo oki buapa agaitai ïmo arhi odami po ïxi todian dukai ayimu gïgïbidaradï óídakami dibiakai Gïr Nukadakami ïpï dai mai tipukamu soiñi ïgai bïïtarï.

VUAANA 2:16

Dai darakatadai gaagaradami tutugu ïpï dai Suxi bhagaidi ïgai daidi potïtïdai, —Bubaidabïrai gïn aaduindaga tabhiadïrï— itïtïdai. —Maiti abïr ïmo gagarakaru dukai nïida kiidï gin Oga— itïtïdai.

Lukas 22:47

Kia ñokaitadai go Suxi aidï dai ami ayi mui odami dai bhaitïki imïitadai go Udaxi aidï. Dai miadïrï ayi ïgai Suxi dai usupiga agai kaamadïrï. Idi Udaxi ïr ïmoko go bhaibuxtama dan goka mamaatïrdamigadï Suxi.

Lukas 20:20

Dai go tïtïgiadami sïïrhikami ïmadï go dadaxdadami bhaitï gukakamigadï kïïga nukadatadai go Suxi gaagaitadai ixtukïdï gïpiïrï daitudagi. Ïxtotai aa namïki ïgai kïkïïrhi sai kïï tutiakami gïn buadagi ïgai dai mïï tïkakagi naana maaxi ixtumaxi go Suxi. Gaagaitadai ïgai ixtukïdï gïpiïrï buajagi go kaigiïrï tudu sai ïgai gamaixana.

Lukas 18:8

Daiñi, aanï aagai sai Diuxi gia otoma iduñimu ixtumaxi ïr sïïrhi ïko bubaidadï bïïtarï. Gobai po gï duñagai dibiakai aanï ïpamu, aanï ix makïdï ïr otosadï Diuxi dai ïmo kïïrhi busai tudu. ¿Dïï gia ix bhai xi tïïgimu aanï xorai gin buaboitudagi dibiakai aanï ïpamu?— itïtïdai Suxi go mamaatïrdamigadï.

Udaxi 1:16

Galtutuiga go tïtïïgiadami yaatagi ïgai tudu. Tomax maaxi imïdagi oidakaradï mai biïga ixtukïdï soi kaitiada ïgai buidïrï Diuxi dai buidïrï jaa dai tomax dukai mai bhai gïn ïrhidiña ïgai. Adaimïi ïgai ïïgi bhai ïrhiaradï ibuadatai ïïgi ixtumaxi ipïrhiadagi ïgai. Gïgïr tïtïanïdami dukai ñokai kabami tïkabi gïn tïgitokatai ïgai. Yaatagïi ïgai dai ïgai aagidiña go óídakami ixtumaxi odami kaïka ïrhidiña saidi podukai bhai gïn ïldagi odami ïgaikïdï kaïkatai aatagidï sai podukai ibuadagi go odami ixtumaxi ïgai ipïrhidi.

Mataibo 23:14

Asta bupuirumadai aapimï bipiudu dai ïïxidiña aapimï buxtuidadï dai kiikidї. Pobuayi aapimï dai bhodïrï tïbïpi gamamaadai aapimï odami buitapi saidi gïn kaïkana óídakami. Kïïga xadutuadami Diuxi dukai gïn dadasai aapimï tudu dïï mai buaboikïdï xadutudai aapimï— itïtïdai.