2 Korintios 9:6 - Northern Tepehuan Bible

⁶ Kïïga bhai gïn ïrhiarakïdï dai bhai gïïpi abïr gamaakada tudu. Daiñi, xïxkadï gamaakadagi aapimï soiñi jaa gobai ïpïan buayi xïïxkadï ïmo odami gaïsadagi. Ix mosïkaxi lïïchi ïsadagi ïgai aidï gia mosïkaxi lïïchi yoobaiña ïpï. Dïï gia xi bhai gïïpi ïsadagi ïgai aidï gia bhai gïïpi yoobaiña ïgai ïpï.

Tepehuan Northern: Diuusi ñiooquidʌ utuducami oodamicʌdʌ

⁶ Tʌgitovurai aapimʌ sioorʌ chʌʌqui gaoidadagi Diuusi maisicʌʌga soicʌiña, dai sioorʌ mui gaoidadagi Diuusi cʌʌga soicʌi ʌʌpʌ.

2 Korintios 9:6 Referans Kwoze

Lukas 6:38

—Dai kïïga abïr oidada jaa ixtumaxi tïgitokagi ïgai. Ix podukai ibuadagi aapimï aidï gia Diuxi kïï gïïpi gïn maakimu ixtumaxi ïpï. Ïpïandukamikamu xi Diuxi ïmo ïpïabikaruana gïïpi dasamudai gïn óídaraga dai asta kïï dagixakami dukai dai gïixakami asta xako ka bhaibitu gobai. Pokaxi gïn maakimu Diuxi tudu xi kïïga maakada aapimï soiñi jaa— itïtïdai.

2 Korintios 9:10

Daiñi, Diuxi ïgai dai muiduturhi ixtumaxi saidi podukai biakagi odami ixtumaxi tïgitokagi. Dukami, xïxkadï gaïsadagi odami Diuxi ïgai dai muidutudai go ïxtokai saidi biakana go odami ixtuma ugiagi dai ixtuma ïsadagi ïpamu. Kïï bhaiga Diuxi ix gïn maakadagi asta bhaibitukami ixtumaxi tudu saidi kïïga ibuada aapimï oiditai soiñi jaa.

Hebreos 6:10

Kaxkïdï tudu Diuxi bïïxkïrï sïïrhi ibuayi. Dai ïgai kïïga gï tïgitoka agai xïï kabami gaatabuadana aapimï Diuxi bïïtarï dai xïï kïïga soikïi aapimï go gaa buaboitudadami ïpï. Xibi ukami kia pomaaxi ibuayi aapimï tudu dai gobai ïr ïmo maaxidaragai sai kïïga oigïdai aapimï Diuxi. Bïïxi gobai gï tïgitokamu Diuxi tudu daidi gïn maakimu go bhai ïrhiaragai ix makïdï ïr sïïrhi gïn bïïtarï kïïga ibuadatai aapimï.

Galatas 5:16

Gin aaduñi, bïïxi óídakami bia tïgibudagai ix makïdï ïïgi ibhïadïañdïrï imïi dai ix makïdï mai ïïgiada ïrhidi Diuxi. Kaxkïdï gïr ajïi tïgibudagai xi ibuada aatïmï naana maaxi soimaaxi. Dïï gia abïr oijada Diuxi Ibhïadï dai aidï gia ka maiti ibuadamu aapimï ixtumaxi ibuada ïrhidiña ïïgi gïn tïgibudagakïdï.

Galatas 3:17

Dai gokiïrï 430 umigi abhiadïrï xi bhai duitadai Diuxi go ñoki go Abraamkaru ïmadï aidï bhai dui ïgai ïmo ñoki go Moiseskaru ïmadï ïpï maakakai go sïïrhikami. Dïï mai xu xi ka mai namïakami bii go ñoki ix makïdï bhai duitadai ïgai go Abraamkaru ïmadï tukamïrï. Bïï goka ñoki namïakatadai tudu. Diuxi mai gajiadïrï biayi ñokidï kaxkïdï. Bïïxkïrï ibuayi ïgai bïïxi ixtumaxi aagadagi.

1 Korintios 15:20

Dïï gia kïïga ïr buaboi sai duakatu go Suxi. Dai kaxkïdï kïïga gï maatï sai Diuxi gïr duakatulda agai bïïxkatai aatïmï ix makïdï bïïna daraka Suxi Kristo.

Efesios 4:17

Aanï Pabora ñokai xibi gubukadagaikïdï ix makïdï gin maa Gïr Nukadakami. Dai aanï aagai sai mai ïpïan dukai óídakagi aapimï go ix makïdï mai buaboitudai Diuxi.

1 Korintios 7:29

Gin aaduñi, gïn aagidamu aanï ix tïiya ïrhidi go ñoki ix makïdï gïn maa aanï. Daiñi, ka mai xii mui tasai gïr bii tami idi oidigi daama ix kaxkïdï gï agai ix kïïga gïr urabakatai óídakagi Diuxi Gïr Nukadakami ïmadï. Ix makïdï ïmadï daja aduñdï maiti gï agai ix otïrhioma urabagi Diuxi kabami tïgito aimïraitai aduñdï tudu.

Kolosenses 2:4

Dïï gia gïn tïgitobïrai sai oidaga jaa ix makïdï sastudaga aatagidï dai ipïrhiadamu ix gïn bupuirumadagi. Kaxkïdï gïn ojidi aanï podukai aagaitai Suxi Kristo.

1 Korintios 1:12

Ïïmoko aapimï as pokaitiña sai aanï gin urabaka dai jaa saidi as urabaka go Apolos, dai jaa go Piduru dai sai jaa Kristo amakoga urabakan kaiti ïpï.

2 Korintios 9:5

Kaxkïdï podukai gin tïgito aanï dai bhaitïki otoi aanï go kïkïïrhi. Ipïrhidi aanï sai ka bhai duñixikagi go oidaragai xïxkadï amïka aiyagi aanï kaxkïdï. Ka podukai aagai aapimï saidi gamaakia ïrhidi aapimï ïmo kïïgadukami oidaragai tudu. Dïï gia daiñi, maiti abïr po gïn ïrhiada sai gogoamikïdï dukai bia aapimï ix gamaakadagi go soiñi. Ipïrhidi aanï sai bïïxi gïn bhai ïrhiarakïdï gamaakadagi aapimï bhaiyoma.