2 Korintios 9:12 - Northern Tepehuan Bible

¹² Go buaboitudadami soititigami ix makïdï Jerusalenïrï óídaga ka kïïga biaka agai bïïxi ixtumaxi tïgito ïgai maakakai aapimï soiñi tudu. Dai ïkobïrakoga kïïga bhai gïn ïrhiadamu ïgai Diuxi ïmadï ïpï soikïitai aapimï.

2 Korintios 9:12 Referans Kwoze

Filipenses 2:25

Gin aaduñi, po in ïrhidi aanï sai gï aagai xi gïn otosda aanï go Epafrodito ïpamu. Ïgai miadïrï ïr gin aduñi Diuxi amadïrï ix makïdï bhaigobai otoi aapimï sai gin soiñana. Kïïga gin ïmadï gaatabuadana ïgai tudu dai kïïga gï kabakadaiña ïgai xïïxkadï soimaaxi taatakagi aatïmï. Soimaaxi taatamaiña aatïmï ïpïan dukai sandadaru tudu. Kïï tuiga ïgai ix makïdï bhaigobai otoi aapimï tudu sai gin soiñana.

1 Juan 3:17

Dukami, xi kïïga biakagi ïmoko ixtukïdï oidakagi dai nïidagi ïmai ix makïdï mai biakagi, gï agai xi soi gïldagi ïgai bïïtarï dai soiñagi. Ix pokaitadagi ïmoko sai oigïdai jaa ïpïan ïxi ix xïïxi Diuxi oigïdai dïï gia ix mai soiñagi ïgai go jaa aidï gia maiti ïr buaboi sai oigïdai ïgai ix dukai Diuxi oigïdai.

2 Korintios 8:4

Dai dudatai gïr aagidiña ïgai sai maakana aatïmï oigaragai ix otosdagi ïgai soiñi go buaboitudadami Jerusalenïrï.

2 Korintios 9:1

Gin aaduñi, kïï maatï aanï sai aapimï buaboitudadami Gresiïrï óídakami bhai gïn ïrhiarakïdï otosda ïrhidi ïmo oidaragai go buaboitudadami Jerusalenïrï bïïtarï. Kaxkïdï ka mai bia aanï xi bamioma gïn ojidagi gokïdï. Ka aagidi aanï go buaboitudadami tami Masedoniïrï sai ka baasumiïrï abhiadïrï ka soikïda ïrhidiña aapimï go buaboitudadami Jerusalenïrï tudu. Dai kaxkïdï ïpï go buaboitudadami ix makïdï gïn ïmpaidi aipakoga tami Masedoniïrï bhai duña ïrhidi ïmo oidaragai ïgai bïïtarï ïpï.

2 Korintios 1:11

Dai aapimï gïr soiñamu ïpï gïr daanturhiditai aapimï. Dai podukai mui óídakami nïijadamu xïï kïïga gïr soi Diuxi gïr daanturhiditai aapimï dai bhai gïn ïrhiadamu ïgai Diuxi bïïtarï nïiditai gobai.

2 Korintios 1:5

Daiñi, toma xïï kabami soimaaxi taata aatïmï oiditai Suxi Kristo, pokaxi gïr mamaakai Diuxi gubukarhigai dai bhai ïrhiaragai ïpï. Ka bïïna daraka aatïmï Suxi Kristo kaxkïdï. Dai kaxkïdï maiti gïr maitiña go soi ïrhiaragai xïïxkadï soimaaxi taatagi aatïmï.