2 Korintios 8:16 - Northern Tepehuan Bible

^16-17 Gin aaduñi, gïn dibida rïrhidi aatïmï amïka Korintoana. Dïï gia aagidi aatïmï go Tito saidi gïr bhaitï imïna sai gïn ïmadï dakana amïka. Dai kïïga bhai gin ïrhidi Diuxikïdï maatïkatai sai podukai tïgitoturhi ïgai go Tito saidi gïn oigïadagi ïgai ïpïan ïxi xi dukai aanï gïn oigïdai. Dai kaxkïdï bïïxi bhai ïrhiaradïkïdï bhai aa go Tito dai gamo imi agai.

Tepehuan Northern: Diuusi ñiooquidʌ utuducami oodamicʌdʌ

¹⁶ Dai pocaiti aanʌ sai baigiñʌlidi aanʌ Diuusicʌdʌ isʌgai soí Tito isʌgai gʌnoigʌadagi aapimʌ poduucai isduucai gʌnoigʌdai aanʌ.

2 Korintios 8:16 Referans Kwoze

Filipenses 2:20

Otosamu aanï go Timoteo tudu maatïkatai sai ïgai bamioma buamï ïrhidi gïn bïïtarï. Bamioma buamï ïrhidi ïgai xi bhai xi go gaa odami ix makïdï tami gin ïmadï daraka.

2 Korintios 7:12

Gin aaduñi, kïïga ïr buaboi sai kïï sïïrhi gïn ojidi aanï baasïkioma aagaitai go soimaaxi ibuadami ix makïdï gïn saagida dakatadai. Dïï gia mai mosïkaxi buamï in ïrhiditadai aanï bïïtarï gobai ix makïdï soimaaxi ibuadatadai. Dai mai mosïkaxi buamï in ïrhiditai aanï gobai bïïtarï ix makïdï soi gï duiñturhi ïpï. Bamioma buamï in ïrhiditadai aanï aapimï gïn bïïtarï bhaiyoma. Ipïrhiditadai aanï sai ïma dukai gïn tïtïgitoagi aapimï sai podukai gïn tïïgidana Diuxi ix xïï kïïga gin xadutudai aapimï dai xïï kïïga gin ïïgidi ïpï ïmo sïïrhikami biakamikatai aanï. Kaxkïdï kabami gïn ñokidi aanï go ojiïrï ix makïdï gïn otoxdi aanï baasïkioma.

2 Korintios 7:7

Dai mai xu xi mosïkaxi gokïdï bhai gïr ïrhidi aatïmï gïr ïmadï dakatai go Tito. Daiñi, kïïga bhai gï ïrhiatugai go Tito aapimïkïdï dibiakai ïgai tami dai gobai ïr ïmo bhai ïrhiaragai aatïmï gïr bïïtarï ïpï. Gïr aagidi go Tito sai gin tïtïitoi aapimï dai gin nïijada ïrhidi aapimï ïpamu. Pokaiti ïgai ïpï sai sïïrhikïdï soi gïn ïrhidi aapimï go soimaaxkamikïdï ix makïdï oidakatadai gïn saagida dai sai kïïga buamï gïn ïrhidi aapimï gin bïïtarï ïpï. Bïïxi gobai ïr ïmo gïdukami bhai ïrhiaragai aanï gin bïïtarï.

Kolosenses 3:17

Dai bïïxkïrï xïxkadï ñokadagi aapimï xiïpï xïxkadï ibuadagi aapimï ixtumaxi abïr Suxi Kristo bïïtarï ibuada ka urabakatai aapimï ïgai. Dai gïn tïgitobïrai ïpï sai Suxi Kristo ka bhai dui gïn bïïtarï sai biakana aapimï oigaragai xi Diuxiatanamïidana tïdagi Diuxi gïr Oga kaxkïdï dudatai abïr potïda ïgai.

2 Korintios 8:6

Go Tito ïgai ix makïdï tukamïrï soi go buaboitudadami Masedoniïrï óídakami saidi ïmpaidiña ïgai soiñi. Dai kaxkïdï abïnaki aatïmï sai gamo Korintoamu imïna ïgai ïpamu dai sai aapimï gïn soiñana ïgai ïpï saidi gï naato ïmpaidagi go soiñi ix makïdï gïn aaga ïmpagi aapimï baasïkioma. Saidi naato ïmpaidana aapimï go soiñi go buaboitudadami amïka Judea munisipioana bïïtarï tudu.

2 Korintios 8:23

Go Tito kaxi gin ïmadï gaatabuadana ïkioma abhiadïrï dai kaxkïdï gïn otoxdi aanï ïgai. Gin ïmadï gaatabuadana ïgai baasïkioma aidïxi gïn soikïiña aatïmï amïka tudu. Dai go gaa goka kïkïïrhi ix makïdï oijada agai ïr ojotosadï go buaboitudadami ix makïdï gïn ïmapidiña tami Masedoniïrï. Ïgai bïï gokatai kïïga xadutudai Suxi Kristo bïïxi aïkatïrï ixtumaxi ibuadagi ïgai.