2 Korintios 5:6 - Northern Tepehuan Bible

⁶ Kaxkïdï mai buamï rïrhidi aatïmï tomarhi ïmo imidagai, ka maatïkatai sai iduñimu Diuxi ixtumaxi gïr aagidi ïgai. Kaxi gïr maa ïgai Ibhïadï tudu dai kaxkïdï maatï aatïmï saidi iduñimu ïgai ixtumaxi gïr aagidi. Dïï gia maatï aatïmï ïpï sai mai kia ïmadï daraka ragai Gïr Nukadakami, asta xïïxkadï ka ugitiagi gïr tukuga ix makïdï bia aatïmï xibi. Kia nïnïraka aatïmï gïr utudui oidakaraga Gïr Nukadakami ïmadï tudu.

Tepehuan Northern: Diuusi ñiooquidʌ utuducami oodamicʌdʌ

⁶ Cascʌdʌ baigʌrʌlidi aatʌmʌ Diuusicʌdʌ, tomasi cʌʌ maatʌ aatʌmʌ isquiaa oidacatai aatʌmʌ tami oidi daama maitistutuidi aatʌmʌ isoidaga tʌvaagiʌrʌ Diuusi ʌʌmadu.

2 Korintios 5:6 Referans Kwoze

2 Korintios 5:1

Kïïga maatï aatïmï tudu sai gïr tukuga ix makïdï bia aatïmï tami oidigi daama mai tïbïpi kabaka agai. Idi tukugïrï mosïkaxi chïki tasai óídaka ragai ïmo urhiñaragai dukai. Dai xïxkadï ugitiagi idi gïr tukuga aidï gia buimu aatïmï ïmai tukugai tïbagiañdïrï ix makïdï Diuxi idui dai mai xu ix makïdï odami idui. Dai gïr tukuga utudui ix makïdï bhïimu aatïmï gobai gia mai ugiti agai tomarhi ïmo imidagai.

Hebreos 11:13

Bïïxkatai ïgai ix makïdï aagai aanï, go Abraam dai go Isaak dai Jakobo, bïïxkatai ïgai kïïga buaboidaitadai Diuxi aidïxi koi ïgai. Kia kïïga buaboidaitadai ïgai tomaxi mai kia biakatadai ixtumaxi Diuxi aagidi sai maaki agai. Maatïkatadai ïgai sai tïbïpida agaitadai kia ix aiyagi gobai dai bïïxkïrï buaboitu. Mïkaxdïrï nïijadan dutadai ïgai ix makïdï Diuxi aagidi sai maaki agai dïï mai ayi gobai. Dïï bïïxkïrï bhai gïn ïrhidiña nïnïrakatai. Daidi ikaitiña ïgai, —Gïr oidakaraga tami oidigi daama mos ïr ïmo lïïchi imidagai dukai. Otoma daibuñimu gobai— ikaitiña.

Apokalipsis 1:9

Gin aaduñi, kïï maatï aanï sai soimaaxi gïn taatamiturhiña jaa bïïna darakatai aapimï Suxi Kristo dai aanï ïpï taataiña xi soimaaxi gin taatamiturhi jaa bïïna dakatai aanï Suxi Kristo ïpï. Ïmo xïgïmï aatïmï tudu soimaaxi gïr taatamiturhitai jaa aatïmï bïïxkatai. Dïï gia ïmaduga Gïr Nukadakami dai ïgai ïr Suxi Kristo. Dai bïïna darakatai aatïmï ïgai buyiña aatïmï gubukarhigai ixtukïdï gïr kabakadagi go soi ïrhiaragai bui. Gïn aagidamu aanï ix dukatai gin daibusai ïmo imidagai tumiñoko. Ïmo arhi oidigana dajatadai aanï aidï ix makïdï go gïï sudagi ïrana kaatï. Patmos tïgidu go arhi oidigi ïgai. Ami gin maixatutadai jaa aagaitai aanï Diuxi ñokidï dai aagaitai Suxi Kristo. Ami dajatadai aanï tudu dai ïmo imidagai gin tïanïitadai Diuxi Ibhïadï dai aanï kïïga ïïgidimi bai todian dukai ïgai gubukadadïkïdï kaï aanï ix gïgïrï ño ïmoko gin gokiañdïrï. Po ïrhiadan kaiti trompeta.

1 Pedro 5:1

Xibi ojamu aanï ïmo ñoki go bhaitï gukakamigadï go buaboitudadami bïïtarï. Gin kaïkabïrai, aanï ïpï ïr ïmo bhaitï kïakamigadï go buaboitudadami ïpï dai nïidi aanï aidïxi soimaaxi taatamaitadai Suxi Kristo. Aanï ïpï urabamu Suxi xïïxkadï dibiagi ïgai dai gï maaxitudagi xïïxi ïr gïdukami ïgai.

Hebreos 10:35

Aidï tukamïrï kïïga gubuakami dukai buaboitudaiña aapimï tudu. Dai xibi maiti abïr dagito gïn buaboidaraga. Apia abïr buaboitudada tudu. Kaxkïdï tudu buaboitudatai bhïimu aapimï ïmo gïdukami maitïki.

2 Korintios 5:8

Daiñi, tïtïitoi aatïmï Gïr Nukadakami, ïmadï óídaka rïrhiditai tïbagiana dai kaxkïdï mai buamï rïrhiditai óídaga aatïmï tami oidigi daama. Asta ka bhai duka aatïmï ix dagitoagi gïr tukuga ipïrhiditai ix ïmadï darakagi Suxi Kristo tïbagiana tudu.

Hebreos 13:14

Idi oidigi mai kïïgakïrï ïr gïr kii tudu. Tami mosïkaxi chïki tasai bïïtarï óídaka ragai. Nïnïraka aatïmï ïmai kiiki kia tudu ix makïdï gokiïrioma kïkiba agai dai bïïxkïrï bïïtarïka agai.