2 Korintios 3:18 - Northern Tepehuan Bible

¹⁸ Ïpïan dukami gobai xïïxkadï maigobai gï dasagi ïmo ikuxi gïr bupuji buidïrï. Xibi ka kïïga maatï nïidi aatïmï xïïxi bhaibitukami xigiamaaxi Suxi Kristo dai xïï xigian tuiga ïgai. Diuxi Ibhïadï ïgai daidi gïr tïtïïgidi ix maaxi dai ix tuiga Suxi Kristo tudu. Dai Diuxi Ibhïadï aatabuayi aatïmïrï dai gïr soikïi saidi kïï dukai ïma dukai óídakagi aatïmï. Xibi gïr tïanïi Diuxi Ibhïadï dai aatabuayi ïgai gïr ïmadï sai bamioma ïpïan tutiakagi aatïmï Suxi Kristo dai bamioma ïpïan maaxkagi aatïmï.

Tepehuan Northern: Diuusi ñiooquidʌ utuducami oodamicʌdʌ

¹⁸ Dai sivi aatʌmʌ vʌʌscatai cʌʌga maatʌ isSuusi Cristo sʌʌlicʌdʌ cʌʌ tuiga. Dai vʌʌscʌrʌ maatʌ aatʌmʌ isʌgai vaa Suusi Cristo gʌrtʌaanʌdamiga ʌrDiuusi maradʌ, dai tʌvaagiaiñdʌrʌ tʌvai ʌgai tami oidigi daama, dai tomali ʌmo imidagai maisoimaasi idui ʌgai. Dai Diuusi Ibʌadʌ guvucadadʌcʌdʌ vʌʌs tasai vaamioma cʌʌga oidacana aatʌmʌ poduucai isduucai oidacana Suusi Cristo tami oidigi daama.

2 Korintios 3:18 Referans Kwoze

2 Korintios 4:6

Daiñi, Diuxi ño ïïki aidïxi kia tukamukatadai oidigi daidi itïi ïgai, Ipïrhidi aanï sai oidakana kudagi, itïi ïgai. Dai ka oidatu kudagi dai ka kudidikami bii oidigi. Dai xibi ka kudidakan dukai bia ïgai gïr iibhïdaga ïpï gïr tïtïïgiditai ïgai ixtumaxi ïr buaboi. Po dui ïgai sai ka maatïkana aatïmï xïïxi ïr gïdukami ïgai dai xïï xigian tuiga. Gïr tïgito nïiditai aatïmï Suxi Kristo podukai kïïga mamaatïrïi aatïmï xïïxi ïr gïdukami Diuxi dai xïï xigian tuiga ïgai tudu.

Romanos 12:2

Maiti abïr ïïgiada tïgibudadï oidigi daama óídakami bhaiyoma abïr bhïiyi tïgibudagai utudui Diuxiañdïrï. Aidï gia gïn utudutuldamu Diuxi gïn ïrabiadïrï dai maatïkamu aapimï ixtuma agai Diuxi gïn bïïtarï. Ix makïdï Diuxi aagai gïn bïïtarï mos ïr ïï kïkïïgadukami dai buapai bhai ïrhiaraga Diuxi bïïtarï. Mai tipu ïma maaxi bamioma kïïgadukami xi bhai ix makïdï Diuxi agai gïn bïïtarï.

2 Korintios 4:4

Go diabora ïgai dai gatïanïi tami idi oidigi daama tudu. Dai maatiga maaxi sai buirumadai ïgai go óídakami ix makïdï mai maatï kaïkagi gïr aatagi mai buaboitudaitai ïgai ixtumaxi ïr buaboi. Maiti ipïrhidi go diabora ix óídakami maatï kaïkagi go bhai ïrhiaragai aatagi aagaitai Suxi Kristo tudu. Maiti ipïrhidi ïgai ix maatïkagi óídakami xïï kïï tuiga dai xïï gubuka Suxi Kristo Gïr Nukadakami. Suxi ïmadï Diuxi kïïga ïmadugan maaxi dai ïmadugan tutuiga tudu.

1 Korintios 13:12

Dai pomaaxi aatïmï buaboitudadami ïpï. Xibi kia komaikami maaxi Diuxi gïr bïïtarï ïpïan dukami xi ïmo nïidakaru komaikamiïrï nïijadamudai aatïmï ïgai. Mai maatï aatïmï naana maaxi kia kaxkïdï. Dïï gia kugaidakai Diuxi aaduindadï aidï gia kïïga buijako nïijadamu aatïmï Diuxi. Xibi palïpi maatï aatïmï Diuxi dïï ka kugaidakai ïgai aaduindadï kïïga maatïkamu aatïmï. Aidï gia ix xïï kïïga gïr maatï ïgai po kaxi kïïga maatïkamu aatïmï ïpï ïgai.

Kolosenses 3:10

Xibi ka bhïiyi aapimï go utudui oidakaragai dai ka utudutudaimi aapimï. Xibi Diuxi ix makïdï gïn idui aatabuayi aapimïrï dai ka ïpïan tuigakami bijimi aapimï Diuxi. Gïn utudutuldaimi Diuxi sai podukai kïïga maatïkana aapimï ïgai dai kïïga ïmadaiña aapimï ïpï.

Romanos 8:29

Diuxi ka ïkiaxdïrï maatïkatadai xorai aatïmï daidi ïr ïko bubaidadïka agai. Dai ïgai dáí sai aatïmï ïpïamaaxkana gï maara Suxi Kristo. Podukai Suxi Kristo bïïxi adaama ïr namïakami dai muidu aatïmï ix makïdï ïr susukurhidï.

1 Korintios 15:49

Daiñi, maa Diuxi tukugadï bïïxi oidakami ix maaxi maa ïgai go tukamïrï kïïrhi oidigi daama oidakami, go Adán tudu. Dai podukai ïpï aatïmï ix makïdï buaboitudai Suxi Kristo gïr maakimu ïgai tukuga ix maaxi bia Suxi Kristo ix makïdï tïbagiana daja.

2 Korintios 5:17

Daiñi, odami ka ïmapïbuayi xïïxkadï urabagi ïgai Suxi Kristo ïpï. Diuxi utuduturhi ïgai kaxkïdï. Dai amaxi ka buaboitudakai ïgai ka ugiatïkïi go ïïkidadï oidakaradï dai aidï abhiadïrï ka biakana ïgai ïmo utudui oidakaragai.

VUAANA 1:14

Daidi go Diuxi Ñokidï tïgidukami ïmo odami busai dai biatu tukuga ïpïamaaxkami ix makïdï bia aatïmï dai bhodïrï óídakami saagida oidatu. Sïïrhikïdï kïï tuiga ïgai dai kïïga gïr maatïturhi ix tumaxi ïr buaboi. Dai aanï Juan ix makïdï ibuayi idi ojai ïmadï jaa mui kïïga nïidi ïgai ix makïdï Diuxi Ñokidï tïgidu. Dai aatïmï ïr nïijadami xïïxi ïr gïdukami ïgai dai xïï kïï tiodi ïgai Diuxi maradïkatai. Diuxi maradï ïmadugakïdï ïgai tudu.

Santiago 1:23

Ix kaïkagi aapimï Diuxi ñokidï dai mai ïïgida kaïkagi aapimï, gobai mai kïïgadu. Ïgai ix makïdï pobuadagi ïpïan buayi ïmo odami ix makïdï ïïgi gï nïnïidiña nïidakaruana

VUAANA 17:24

—Gin Oga— itïtïdai. —Ipïrhidi aanï ix gin mamaatïrdamiga ix makïdï gin maa aapi gin ïmadï darakana tïbagiana bai podukai nïidiña ïgai xïïxi ïr gïdukami aanï. Aapi gin Oga ïgai dai gin dáí saidi ïr ïmo gïdukamikana aanï gin oigïdaitadai aapi ïïki abhiadïrï aidïxi mai kia tipukatadai oidigi— itïtïdai.

Romanos 8:7

Daiñi, Diuxi buidïrï bïïtï odami ix makïdï gïn tïgito ajiopai gïn ïkidadï tïgibudagai. Gïr ïkidadï tïgibudagai tomarhi ïmo imidagai mai ïïgidi Diuxi sïïrhikamigadï tudu. Maiti ixtutuidikïi gobai xi ïïgiadagi tudu.

Romanos 8:4

Diuxi gamaitï go soimaaxkami bui sai podukai aatïmïkïdï gï ibuada ixtumaxi ïr sïïrhi. Sai aatïmïkïdï gï ibuadana bïïxi ixtumaxi gïr tanïi go sïïrhikami tudu. Xibi ka mai ïïgidi aatïmï gïr ïkidadï tïgibudagai. Xibi bhaiyoma ïïgidi aatïmï Diuxi Ibhïadï.

VUAANA 12:41

Poduu oja go Isaiaskaru ïkiaxdïrï aagaitai go Suxi kïïga maatïkatai xïïxi ïr gïdukami ïgai.

Romanos 13:14

Xibi abïr ïpïan dukai óídaka Suxi Kristo Gïr Nukadakami bhaiyoma. Daidi abïr mai tïgito ajiopada xi dukatai buadagi ix tumaxi gïn tanïi gïn ïkidadï tïgibudaga.

Galatas 6:15

Ami tudu kuruxiana gïr utuduturhi Suxi Kristo. Kaxkïdï maiti ïr ixtumaxi ix circuncidadukagi ïmoko ix cho ïpï. Maiti ïr ixtumaxi namïakami gobai. Dïï gia Diuxi gïr utuduturhi dai gobai gia ïr ixtumaxi namïakami.

1 Tomoteo 1:11

Podukai aagidiña aanï odami xïïxkadï aagidagi aanï go bhai ïrhiaragai aatagi aagaitai Suxi Kristo. Gobai ïr ïmo aatagi kïïga namïakami. Dai Diuxi ix makïdï kïïga bhai gï ïrhidiña ïgai dai gin tïïgi go bhai ïrhiaragai aatagi. Ïgai tudu gï agai xi xadutuadagi odami aagaitai xïïxi ïr gïdukami.

VUAANA 17:22

—Gin Oga— itïtïdai. —Ix dukai aapi ïmo namïakami gin dáí, podukai aanï namïakami darai gin mamaatïrdamiga ïpï sai kabami namïakana ïgai gin ïmadï. Podukai darai aanï ïgai saidi mos ïmo odami gïn dukamikana gïr ïmadï.

2 Korintios 3:17

Diuxi Ibhïadï ïgai ix makïdï aagai aanï dai ïr Gïr Nukadakami tudu. Dai xibi ka mai kuupidikan duu gïr tïgibudaga gïr ïmadï dakatai Diuxi Ibhïadï.

1 Juan 3:2

Gin aaduñi, kaxi ïr maamaradï aatïmï Diuxi xibi. Dïï gia maiti gïr tïtïïgidi Diuxi kia ix maaxka ragai aatïmï xïïxkadï dibiagi Suxi Kristo. Dïï gia kïïga maatï aatïmï sai xïïxkadï dibiagi Suxi Kristo kïïga nïijadamu aatïmï dai maatïkamu ix maaxi ïgai. Dai mos nïiditai aatïmï ix maaxi ïgai aidï gia ka ïpïan mamaaxkamu aatïmï ïgai.