2 Korintios 13:7 - Northern Tepehuan Bible

⁷ Gin aaduñi, gïn daanturhiña aatïmï ipïrhiditai ix gïn soiñana Diuxi sai mai soimaaxi ibuadagi aapimï. Ipïrhidi aatïmï sai mai soimaaxi ibuada aapimï saidi kïïgakïrï óídakana aapimï tudu dai mai xu xi ipïrhidi aanï sai kïïga ñokada jaa gïr bïïtarï kïïga ibuadatai aapimï. Mosïkaxi ipïrhidi aatïmï sai kïïga ibuada aapimï tudu dai mai buamï rïrhiditai ix kaitiadagi jaa gïr bïïtarï. Ix kïïga ibuadagi aapimï aidï gia mai xudu aatïmï gïr bïïtarï tomaxi pokaitadagi jaa sai mai kïïga ibuayi aatïmï gïr aaduindaga tudu.

Tepehuan Northern: Diuusi ñiooquidʌ utuducami oodamicʌdʌ

⁷ Daanʌi aanʌ Diuusi mʌsai maisoimaasi ivuaadana aapimʌ, mʌsai baiyoma cʌʌgacʌrʌ oidacana. Aanʌ sʌʌlicʌdʌ ipʌlidi ispoduucai oidaca aapimʌ dʌmos maisiu cascʌdʌ ipʌlidi aanʌ isʌoodami siaa giñduutuadagi.

2 Korintios 13:7 Referans Kwoze

Santiago 1:12

Gin aaduñi, xïxkadï gïr ajiagi ïmo soi ïrhiaragai dai ix kïïga gïr kabakadagi aatïmï dai apia oijadagi gïr buaboidaraga aidï gia bia aatïmï ixtukïdï bhai gïr ïrhiadagi. Gï agai tudu sai bhai gïr ïrhiadagi aatïmï xïïxkadï gïr kabakadagi aatïmï dai apia oijadagi gïr buaboidaraga tomaxi xijiakagi gïr oidakaraga. Gï agai sai bhai gïr ïrhiada aatïmï maatïkatai Diuxi gïr maakimu gïr maitïki ix makïdï ïr go kïïgakïrï oidakaragai bïïxkïrï bïïtarï. Kaxi gïr aagidi Diuxi sai maakimu ïgai go maitïki go odami ix makïdï oigïdai Diuxi tudu.

2 Timoteo 4:18

Dai kïï maatï aanï ïpï sai gin busaidamu Diuxi bïïxi go soimaaxkamiañdïrï dai kïïgakïrï gin baidakamu tïbagiamu xako gatïanïi ïgai. Ïgai gï agai tudu xi xadutuada aatïmï bïïxkïrï bïïtarï.

2 Timoteo 2:15

Kïïga gï aaga aapi Timoteo ibuadatai gï aaduindaga. Dai kïï sïïrhi gatïtïïgiada Diuxi ñokidï kïïga ïr buaboi Diuxi ñokidï tudu. Ïmo aatabuadami aapi tudu dai kaxkïdï ibuada aapi ix dukai aagai aanï sai podukai mai tipukagi xaïraragai gï bïïtarï gï nïiditai Diuxi.

1 Tomoteo 2:2

Daidi abïr daanturhiada go gïgïr dudunukami dai bïïxi go gaa gupudagai bipiakami ïpï. Abïr daanïda ïgai bïïtarï bai kïïga aatabuadagi ïgai. Gï agai gobai sai podukai xioma óídakana aatïmï bïïxkatai xadutudaitai Diuxi dai kïïga gïr xadutudaitai aipakoga ïpï.

1Tesalonicenses 5:23

Gïr susukurhi, daanïi aatïmï Diuxi sai gïn soiñana sai go ïïgi Diuxi bïïtarï óídakaiña aapimï. Diuxi tudu ïgai dai gïr maakai ibhïxtaragai. Daanïi aatïmï ïgai sai gïn nukadakana sai maiti gïn sarabidana soimaaxkami tomarhi gïn ibhïdagïrï tomarhi gïn tïgibudagïrï tomarhi gïn tukugïrï. Daanïi aatïmï sai kïï buañixikami gïn biakana ïgai tudu asta xïïxkadï ïpamu dibiagi Suxi Kristo Gïr Nukadakami. Podukai mai tipukamu ixtukïdï gïpiïrï gïn bupadagi ixtumaxi dibiakai ïgai.

Filipenses 4:8

Ïpï ïmo ixtumaxi gïn aagida in ïrhidi aanï aapimï gïn aaduñi Diuxi amadïrï. Daiñi, gïn aagidamu aanï ixtumaxi gï agai xi tïgito ajiopadagi aapimï. Tïgitodabïrai ixtumaxi ïr buaboi tudu dai ixtumaxi ïr kïï sïïrhi dai ixtumaxi ïr buañixi dai ixtumaxi xigiamaaxi. Gïn tïtïgitodabïrai ixtumaxi ïr kïï bhai maaxkami tudu.

1 Pedro 2:12

Gïn tïgitobïrai sai go óídakami ix makïdï mai buaboitudai gïn tïgito nïidiña ix dukatai óídaga aapimï. Kaxkïdï abïr kïïga ibuada bïïxi aïkatïrï. Podukai tomaxi gïpiïrï gïn bupada ïrhiadagi jaa mai tïïgimu ïgai ixtukïdï. Dai xïïxkadï aagagi Diuxi ix bhai kïï idui óídakami aidï gia go ix makïdï gïpiïrï gïn bupaitadai biakamu xi aagadagi sai kïï idui aapimï. Dai aidï gia kïïga ñokadamu ïgai Diuxi bïïtarï ïpï nïiditai xïï kïïga ibuadana aapimï gïn soikïitai Diuxi.

2 Korintios 13:9

Kaxkïdï bhai gïr ïrhidiña aatïmï xïïxkadï kïïga gubuakan dukai buaboitudagi aapimï. Bhai gïr ïrhidi aatïmï gokïdï tomaxi mai gupukami dukai gïr nïijadagi jaa. Aatïmï ïgai dai gïn tïtïïgidiña ñoki tudu. Dai kaxkïdï gïn daanturhiña aatïmï saidi bïïx tasai apia bamioma kabakatuna gïn buaboidaraga asta xako ukami maiti gïn biïgakagi ixtumaxi. Gobai tudu ïr gïr bhai ïrhiaraga ix makïdï gaagai aatïmï dai aatabuayi.

2 Korintios 10:18

Diuxi mai kïïgakïrï nïidi odami ix makïdï pokaitadagi sai ïïgi kïïga idui tudu. Dai bhaiyoma mosïkaxi Diuxi ïgai dai bhaiga xi aagadagi xorai kïïga idui dai xorai kïïga nïijada agai ïgai.

2 Korintios 10:10

Kïï maatï aanï tudu sai pokaitiña ïïmoko sai xïïxkadï ojidagi aanï buaboitudadami sai kabami bhagaididan kaitiña gin oja. Dai pokaitiña ïgai ïpï sai xïïxkadï gïn ïmadï dakagi aanï sai aidï gia duadimukan dukai ñokaiña aanï dai pokaitiña ïgai sai mai maatïkatai gamamaakai aanï ñoki. Po tudu ikaitiña ïïmoko.

2 Korintios 8:21

Ipïrhidi aatïmï sai nïijadagi Diuxi sai kïï sïïrhi ibuayi aatïmï gïr aaduindaga tudu dai sai go odami nïijadagi ïpï.

2 Korintios 6:4

Ipïrhidi aatïmï sai go óídakami kïïga maatïkana ibhïgadïrï sai buaboi aagai aatïmï tudu ojotosadïkatai aatïmï Diuxi. Gïr kabakadaiña aatïmï tudu daidi apia kïïga ibuadana gïr aaduindaga tomaxi naana dukai soimaaxi taatamaiña aatïmï.

Romanos 16:10

Diuxkïdï abïr biatulda Apeles. Ïgai mos apia buaboitu tomaxi kabami taata soi ïrhiaragai dai maiti gï dagito xi gï maitiagi go soi ïrhiaragai. Diuxkïdï abïr biatulda Aristobulo aaduñdï ïpï.

Romanos 13:13

Tïtai kïïga bhai maaxkami dukai óídaka aidï, tonorakïrï dukai. Xibi ka maiti gï agai xi nabaakorïdagi aatïmï. Maiti gï agai xi okimïrhiakagi, gï agai xi dagitoagi gobai. Dai maiti gï agai xi ïgamotïrakagi aatïmï ïpï tomarhi xi omarhigakagi

Romanos 12:17

Maiti abïr aa noraida soimaaxkamikïdï ix makïdï soi gïn buidadagi. Gaagabïrai ix dukatai ibuadagi ixtumaxi ïr sïïrhi xi jaa óídakami maatïkagi sai kïïga ibuayi aapimï.

VUAANA 17:15

—Gin Oga, gï daanïi aanï gobai bïïtarï ix makïdï gin ïpïamaaxi. Ix makïdï maiti ïr aduñdï go gaa ix makïdï adaimïi ïïgi tïgibudadï tudu. Gï daanïi aanï pïsai nukadakana ïgai sai mai soi buadana go diabora saagida oidakatai ïgai go gaa odami tami idi oidigi daama—.

Mataibo 6:13

Gïr soiñañi sai mai ïïgiada aatïmï soimaaxi tïgibudagai. Dai gïr soiñañi xïïxkadï gïr abïnakiadagi go diabora sai soimaaxi ibuada aatïmï ïpï— Podukai aagidi Suxi go mamaatïrdamigadï sai podukai daanïda ïgai Diuxi.

Romanos 1:28

Odami maiti ipïrhi xi xadutuadagi Diuxi tudu. Kaxkïdï Diuxi dagito xi adaimuagi ïgai tïgibudagai ix makïdï maiti ïr sïïrhi. Dagito ïgai xi odami ibuadagi naana maaxi ix makïdï maiti agai xi ibuadagi.

2 Korintios 13:6

Dïï gia aanï kïïga buaboitudai sai ix kïïga gïn tïgito nïidagi aapimï aidï gia maatïkamu aapimï sai gia urabaka aapimï Suxi Kristo. Dai pobai in ïrhidi aanï ïpï sai amaxi kïïga maatï nïijadamu aapimï sai aanï ïr otosadï ïgai.

2 Korintios 13:8

Dai tomax dukai gï agai xi kïïga ibuadagi aatïmï gïr aaduindaga ojotosadïkatai aatïmï Suxi Kristo. Mai bhaiga aatïmï xi ibuadagi tomarhi ïmo ixtumaxi ix makïdï sobhidagi odami ix kaïkagi go bhai ïrhiaragai aatagi ix makïdï kïïga ïr buaboi tudu. Dai bhaiyoma aatabuayi aatïmï sai muiyoma óídakami kaïkagi ixtumaxi ïr buaboi.