2 Korintios 11:9 - Northern Tepehuan Bible

⁹ Aidïxi gïn ïmadï dakatadai aanï mai dagito aanï ix xia buadagi aapimï gïn tuminxiga gin bïïtarï. Dai bhaiyoma go buaboitudadami Masedoniïrï óídakami gin buapi tuminxi aidïxi ka mai biakatadai aanï ixtukïdï oidakagi. ¿Ïmo soimaaxkami ix dukai mïx nïidi aapimï ix maiti gïn dagito aanï ix soi gïn buadagi aapimï? Xadïrï soimaaxkana gobai. Tomarhi ïmo imidagai maiti ipïrhidi aanï sai xia buadagi aapimï gïn buxtuidaga gin bïïtarï tudu.

Tepehuan Northern: Diuusi ñiooquidʌ utuducami oodamicʌdʌ

⁹ Aidʌsi mʌʌ dada ʌvaavoitudadami Masedooniʌrʌ oidajami ʌgai ʌgai dai giñoi tumiñsi dai poduucai aapimʌ maisiaa doodai tomali ʌmo istumaasi aanʌ giñvʌʌtarʌ dai tomali ʌmo imidagai maiviaacamu aapimʌ issiaa vuaadagi tomali ʌmo istumaasi aanʌ giñvʌʌtarʌ.

2 Korintios 11:9 Referans Kwoze

1Tesalonicenses 2:9

Kïïga gïn tïgito aapimï ïrhi aanï xïï kabami aatadui aatïmï gïn ïmadï darakatai. Ga aatabuadana aatïmï tasïrï dai modukai tukarï sai biakana aatïmï ixtukïdï óídakagi dai mai xu ix aapimïañdïrï bui ixtumaxi gïn aagiditai go aatagi. Maiti ipïrhiditadai aatïmï ix soi gïn buadagi aapimï gïr maakaitai soiñi kaxkïdï.

Hebreos 11:37

Go óídakami maixaiña jaa ojodaikïdï dai kodaiña. Dai jaa ïrana sïïrhi guikomaiña ïgai seruchukïdï dai jaa kodaiña ïgai maxtaikïdï ipïrhiditai sai dagitoagi buaboidaradï ïpï. Ïïmoko ïgai gïn aadatugaiña kañiñiru ojogidï dai jaa gïn aadatugaiña xixibato ojogidï ïpï. Aipakoga ajiopaiña ïgai kabami soititigamikatai. Go óídakami soi duu nïidiña dai soi buididiña bïïxi.

Filipenses 2:25

Gin aaduñi, po in ïrhidi aanï sai gï aagai xi gïn otosda aanï go Epafrodito ïpamu. Ïgai miadïrï ïr gin aduñi Diuxi amadïrï ix makïdï bhaigobai otoi aapimï sai gin soiñana. Kïïga gin ïmadï gaatabuadana ïgai tudu dai kïïga gï kabakadaiña ïgai xïïxkadï soimaaxi taatakagi aatïmï. Soimaaxi taatamaiña aatïmï ïpïan dukai sandadaru tudu. Kïï tuiga ïgai ix makïdï bhaigobai otoi aapimï tudu sai gin soiñana.

2 Korintios 9:12

Go buaboitudadami soititigami ix makïdï Jerusalenïrï óídaga ka kïïga biaka agai bïïxi ixtumaxi tïgito ïgai maakakai aapimï soiñi tudu. Dai ïkobïrakoga kïïga bhai gïn ïrhiadamu ïgai Diuxi ïmadï ïpï soikïitai aapimï.

2 Korintios 6:4

Ipïrhidi aatïmï sai go óídakami kïïga maatïkana ibhïgadïrï sai buaboi aagai aatïmï tudu ojotosadïkatai aatïmï Diuxi. Gïr kabakadaiña aatïmï tudu daidi apia kïïga ibuadana gïr aaduindaga tomaxi naana dukai soimaaxi taatamaiña aatïmï.

Hechos 20:33

Daiñi, kïï maatï aapimï sai aanï mai ïgamudagaikïdï tïï gïn tuminxiga tomarhi gïn yukuxi.

Hechos 18:3

Ikuxi bhaabhaki somadamikatadai go Akila ïmadï aduñdï dai Pabora biakana go baaxi aaduindagai ïpï xi kaxkïdï ami gï urhi Pabora ïgai ïmadï dai ami gaatabuada agai.

Hechos 18:5

Daidi gokiïrï go Silas ïmadï Timoteo ayi Masedoniañdïrï. Dai Pabora dagito somaragai ikuxi bhaabhaki dai mos aagidiña óídakami ix kaiti Diuxi ñokidï. Sïïrhi aagidiña ïgai go judidiu sai Suxi ïr Diuxi Otosadï Gïr Bhaitï Kïakamiga.

Romanos 15:26

Go buaboitudadami ix makïdï maiti ïr judidiu dai ix makïdï Masedoniïrï dai Akayïrï óídaga otosda ïrhidi soiñi go Jerusalenïrï buaboitudadami tudu. Soiña ïrhidi ïgai ix makïdï ïr soititigami tudu dai kïïga ïmpagi soiñi ïgai bïïtarï.

1 Korintios 16:17

Kïïga bhai gin ïrhidi aanï dadakai go Tibañi ïmadï Fortunato dai go Akaiko ix makïdï bhaigobai otoi aapimï. Sïïrhikïdï gïn tïgitokana aanï aapimï dai dadakai ïgai ïpïan taadatu ix bïïxkatai aapimï gin dibiji.