Gin aaduñi, kïïga gïn aagidi aatïmï go bhai ïrhiaragai aatagi dai maiti gï aagai xi jaa gïn aagidagi ïma maaxi. Aanï aagai sai ipïrhidi aanï xi Diuxi gïgïbituldagi tomax makïdï odami ix makïdï gatïtïïgiadagi ïma maaxi aatagi. Daiñi, ix dibiagi ïmoko dai gatïtïïgiadagi ïma maaxi aatagi ix makïdï maiti ïr go bhai ïrhiaragai aatagi kïïga gï agai xi taatagi ïgai gïgïbidaragai bïïxkïrï bïïtarï tomaxi aatïmïkamudai dai gïn aagidi ïma maaxi. Dai tomaxi ïr ïmo tïañikarudïkagi ïgai Diuxi ix mai sïïrhi aagadagi ïpï ïgai gï agai xi taatagi gïgïbidaragai bïïxkïrï bïïtarï ïkobai dakatai Diuxiañdïrï.