2 Korintios 1:23 - Northern Tepehuan Bible

²³ Xibi gïn aagidamu aanï ix tuixidï maiti gïn dibiji aanï gamo Korintoïrï baasïki. Dai Diuxi ïr nïijadami sai buaboi aagai aanï. Maiti ipïrhiditadai aanï sai kabami gïn bhagaidagi kaxkïdï mai jii aanï gamoko baasïki.

Tepehuan Northern: Diuusi ñiooquidʌ utuducami oodamicʌdʌ

²³ Dʌmos maatʌ Diuusi ismaiquiaa ii aanʌ Coriintoamu maitʌnbagaida iñʌliditai soimaasi ivuaadatai aapimʌ.

2 Korintios 1:23 Referans Kwoze

Galatas 1:20

Gï agai xi maatïkana aapimï saidi ïr buaboi sai mai tïï aanï go gaa ojotosadï Suxi aidï. Mai yaatagïi aanï tudu. Kaxkïdï gï maatï sai mai ïgaiñdïrï bhïiyi aanï go aatagi ix makïdï aipako aagidiña aanï.

1 Korintios 4:21

Otoma mïï dibiamu aanï ix ipïrhiadagi Diuxi. Kaxkïdï ïma dukai abïr gïn tïtïgito aapimï sai maiti gïn bhagaidagi aanï imïkai gamoko. Daiñi, ix maiti gin ïïgiadagi aapimï dai mai ïma dukai gïn tïgito, aidï gia gïn maakimu aanï gïgïbituldaragai mïï dibiakai. Dïï gia ix ïma dukai gïn tïgitokagi aapimï dai gin ïïgiadagi, aidï gia kïïga oigïda ñokadamu aanï gïn bïïtarï mïï dibiakai. Ïïgi aapimï maatï ix maaxi imimu mïï dibiakai aanï tudu.

2 Korintios 13:10

Xibi gïn aagidamu aanï ix tuixi ïkiaxdïrï gïn otoxdi aanï idi ojai mai kia imïkai aanï gamoko. Ipïrhidi aanï xi gïn soiñagi idi ojai ix kïïga ibuadagi aapimï tudu. Maiti ipïrhidi aanï xi gïn maakadagi gïgïbidaragai amïka aïkai aanï kaxkïdï. Suxi Kristo gin maa sïïrhikami saidi gïn soikïdagi aanï tudu dai mai xu xi gin maa ïgai sïïrhikami ix soi gïn duadiagi aanï ibuadatai gin aaduindaga.

2 Korintios 13:2

Daiñi, idikïdï kaxi ïr baikojoka agai sai amïka gïn dibidagi aanï dai kaxkïdï idikïdï kaxi ïr baika nïijadami dukaika agai ix bhai kïïga ibuayi aapimï. Kaxi gïn aagidi aanï aidïxi gïn dibiji aanï baasïkioma mïsaidi kïïga gïn tïgitoka aapimï dai kïïga ibuada tadu gïn maa aanï gïgïbidaragai. Dai xibi ïkiaxdïrï gïn aagidimi aanï ïpamu ïgalbaaxi ñoki kia mïkaxdïrï dajatai aanï. Daiñi, bïïxkatai aapimï ix makïdï soimaaxi ibuadatadai baasïkioma dai aapimï ïpï ix makïdï apia kia soimaaxi ibuayi, mai kïïga gïn ïldamu xïïxkadï gïn dibidagi aanï ïpamu.

Romanos 1:9

Aanï bïïxi gin bhai ïrhiarakïdï ibuayi Diuxi aaduindadï aagaitai go bhai ïrhiaragai aatagi aagaitai Suxi Kristo Diuxi maradï. Dai Diuxi ïr nïijadami xi aanï mai dagitokai daanïi Diuxi gïn bïïtarï.

Filipenses 1:8

Gin aaduñi, Diuxi ïr nïijadami xïï kabami gïn tïgitokana aanï dai sai gïn oigïdai aanï ïpïan dukai xi gïn oigïdai Suxi Kristo.

2 Korintios 12:20

Ibuayi aanï idi ojai gïn soikïda in ïrhiditai tudu. Ipïrhidi aanï ix kïïga ibuada aapimï xïïxkadï amïka gïn dibiagi aanï, tadu soi gin ïrhiadagi aanï gïn nïiditai ix mai kïï ibuada aapimï. Xïduñada gïn bupui ñiñokadagi aapimï aipakoga aidï dai koimudadï gïn tutiakagi ïpï. Dai gïn bupui bhakoñikagi aapimï ïpï dai gïpiïrï gïn bupadagi aapimï aipakoga dai naana kaitiadagi aapimï dai gïgïrdukïdï gïn ïrhiadagi aapimï ïpï dai ka mos xixiokïdankaitiadagi aapimï amïka aïkai aanï. Maiti ipïrhidi aanï xi pomaaxi darakagi aapimï tudu xïïxkadï amïka dibiagi aanï dai kaxkïdï gïn otoxdi aanï idi ojai gïn soiña in ïrhiditai.

1 Tomoteo 1:20

Gobai ïr ïmo parunaragai Diuxi bui. Po tudu daibusai go kïkïïrhi Himeneo dai Alejandro tïtïgidukami ïmadï xi kaxkïdï bubaitu aanï ïgai go buaboitudadami saagidañdïrï. Ïkobai bia aanï tudu sai go diabora iduñagi ïgaikïdï ixtumaxi bhai ïrhiadagi ïgai sa bhai podukai ïma dukai gïn tïtïgitoagi go kïkïïrhi dai ka mai parunadagi Diuxi. Dïï aapi Timoteo maiti pobuada ixdukai ïgai idui dai bhaiyoma oijada aapi gï buaboidaraga.

1Tesalonicenses 2:5

Kïï sïïrhi gïn aatagidi aatïmï tudu dai mai xu ix mos xigian dukai gïn aatagidi ipïrhiditai ix gïr maakiagi aapimï tuminxi. Maiti gïn aatagidi aatïmï mosïkaxi ix dukatai bhai ïrhiadagi aapimï tudu. Dai tomaxi mai kïïgakïrï gïr nïijadagi aapimï xiïpï jaa kaïkatai gïr aatagi bïïxkïrï sïïrhi ñokaiña aatïmï. Daiñi, aatïmï ïr ojotosadï Suxi Kristo dai kïïga bia aatïmï oigaragai ix kabami gïn tïanïdagi.

2 Korintios 11:31

Daiñi, bïïxkïrï bïïtarï kïïga ñokada ragai Diuxi bïïtarï ix makïdï ïr Ogadï Suxi Kristo Gïr Nukadakami. Dai ïgai kïïga maatï saidi ïr buaboi ixtumaxi gïn aagida iñagai xibi. Dai gobaikïdï ix makïdï gïn aagida iñagai aanï gobaikïdï kïïga maatïkamu aapimï sai mai bia aanï gubukarhigai xi ïïgi ibuadagi gin aaduindaga.

2 Korintios 11:11

Dïï gia maiti gï agai sai po gïn ïrhiada aapimï sai maiti gïn oigïdai aanï mai taanïitai aanï tuminxi. Maiti ipïrhidi aanï ix soi gïn buada aapimï bhaiyoma. Gïn oigïdai aanï kaxkïdï. Diuxi maatï sai buaboikïdï gïn oigïdai aanï tudu.

2 Korintios 10:2

Daiñi, pokaitiña ïïmoko sai aanï mai aatabuayi Diuxi gubukarhigadïkïdï. Pokaitiña ïgai sai ïïgi aanï ibuayi gin aaduindaga ïpïan dukai tomax makïdï oidigi daama oidakami tudu. Dai xibi kabami gïn taanïi aanï bïïxi gin ibhïdagakïdï mïsai ka mai dagitona aapimï ix apia podukai ñokada ïgai. Ïma dukai kïï maatï aanï sai xïïxkadï amïka aiyagi aanï kabami bhagaidamu aanï go ix makïdï podukai ñokai.

2 Korintios 1:18

Dïï gia aanï mai potuiga. Gokïdï bhaiyoma ïpïan tuiga aanï Diuxi. Diuxi gia mai yaatagïi dai bhaiyoma ibuayi ixtumaxi aagadagi tudu dai aanï podukai ibuayi ïpï.

Romanos 9:1

Diuxi Ibhïadï gin tïanïi gin ibhïdagïrï bïïna dajatai aanï Suxi Kristo. Dai gin aagidimi gobai sai buaboi aagai aanï xibi. Mai yaatagïi aanï tudu

Hechos 18:1

Dai gokiïrï jii Pabora Atenasañdïrï dai ayi xako Korinto tïgidu ïmo gïï kiiki.

Hechos 18:8

Dai aidïpïrï ïmo kïïrhi Krispo tïgidukami ïr bhaitï kïakamikatadai ami kiupiïrï dai ïgai ïmadï aaduñdï ix makïdï ami kiiyïrï óídaga bïïxi buaboitu Suxi Kristo. Dai jaa mui Korintoana óídakami kaïkana Pabora aatagidï ïpï dai buaboitu ïpï dai gïn bapakoi.

2 Korintios 1:1

Aanï ïr Pabora dai gïn otoxdi aanï idi ojai otosadïkatai aanï Suxi Kristo. Aanï ïr ïmo sïïrhikami biakami otosadïkatai Suxi Kristo tudu. Diuxi podukai ipïrhi kaxkïdï. Dai tami gin ïmadï daja Timoteo ix makïdï ïr gïr sukurhi Diuxi amadïrï ïpï dai gin soikïi gobai ibuadatai aanï idi ojai. Idi ojai ïr bïïtarï bïïxkatai aapimï buaboitudadami ix makïdï gïn ïmpaidiña ami Korintoïrï dai bïïxkatai go gaa buaboitudadami bïïtarï ix makïdï bïïxi aipako óídaga amïka Gresiïrï ïpï. Idi ojai ïr bïïxkatai aapimï gïn bïitarï ix makïdï ïr ïko bubaidadï Diuxi tudu. Ïmo biatuldaragai bïïxkatai aapimï gïn bïïtarï.

2 Korintios 6:6

Aatïmï naana dukai mamaaxidi go óídakami buitapi sai sïïrhi aatabuayi aatïmï tudu. Daiñi, go óídakami kïïga nïidiña sai bïïxi ixtuma ibuadagi aatïmï kïïga buañixi Diuxi bïïtarï. Dai kïïga nïnïidiña ïgai ïpï sai aatïmï kïïga maatï dai kïïga oidiña ixtumaxi ïr buaboi. Mai bhakoikana aatïmï buidïrï jaa dai bhaiyoma kïï tutiakana aatïmï jaa bïïtarï. Diuxi Ibhïadï gubukarhigadïkïdï óídaga aatïmï tudu dai kïïga oigïdaiña aatïmï bïïxi óídakami.

2 Korintios 11:10

Daiñi, Suxi Kisto kïïga maatï sai buaboi aagai aanï sai tomarhi ïmo imidagai maiti gïn taanïi aanï tuminxi. Podukai aagidamu aanï go óídakami bïïxi aipakoga amïka xako óídaga aapimï, amïka xako ukami Akaya tïgidu oidigi tudu. Aagidamu aanï sai maiti gïn taanïi aanï dai sai kïï ibuayi aanï maiti gïn taanïitai ïpï. Mai tipu xorai gin daidagi xi podukai aagidagi aanï óídakami tudu.