1 Tomoteo 6:9 - Northern Tepehuan Bible

⁹ Daiñi, mui odami gïpiïrï susurhigïiña gïn bipida ïrhiditai. Kaxkïdï tudu ibuada ïrhidiña ïgai naana maaxi soimaaxkami. Pobïnïrhidi sai podukai gïn bipida agai. Gobai ïgai dai gïpiïrï surhitudai dai xia buayi oidakaradï bïïxkïrï bïïtarï.

Tepehuan Northern: Diuusi ñiooquidʌ utuducami oodamicʌdʌ

⁹ Ʌʌmo oodami ipʌliditai isriricutuagi soimaasi ivuaadana dai poduucai vaamioma vuudana tumiñsi. Dʌmos ʌgai vupuiirturʌiña ivuaadatai istumaasi maitʌrsoiñi baiyoma gomaasicʌdʌ Diuusi soimaasi taatatulda agai.

1 Tomoteo 6:9 Referans Kwoze

1 Tomoteo 3:7

Ïmo nukadakami buaboitudadami gï agai xi sïïrhi oidakagi buitapi go gaa óídakami tudu ix makïdï mai buaboitudai sai podukai mai biakagi go diabora ixtukïdï gïpiïrï daitudagi ïpï.

Hechos 8:20

Daidi go Piduru kabami ñokidi daidi itïtïdai aidï, —Mos ugitimu aapi kïïrhi ïmadï gï tuminxiga ïpï— itïtïdai. —Daiñi, Diuxi gïr urhiñdi Ibhïadï ïmo oidaragai dukai dai xibi aapi mos tuminxikïdï gasabïdadan kaiti. Gia mai kïïgadu gï tïgibudaga— itïtïdai.

Mataibo 13:22

—Dai go ïxtokai ix makïdï basoi sïïxidakami saagida surhi ïr ïpïan dukami go odami ix makïdï kaïkana Diuxi ñokidï dïï mos apia maaxi óídaga dai buaboidaradï mai kabakaturïiña. Kabami buamï gïn ïrhidi ïgai gaagaitai tuminxi dai gaagaitai bhai ïrhiaradï ixtumaxiïrï oidaga tami idi oidigi daama. Dai kaxkïdï ïgai bïïtarï ka maiti ibuayi soiñi go ñoki ïpï ix makïdï kaïkana ïgai—.

Udaxi 1:11

Agia soimaaxi taatamada agai ïgai. Ïpïan buayi ïgai go Kain ix makïdï ïïgi mua sukurhidï ïïki. Dai ïpïan buayi ïgai go Balaam ix makïdï oidakatadai ïïki ïpï. Bupuirumagi ïgai go odami dai gïpiïrï surhi gamaitia ïrhiditai tuminxi tudu. Go tïtïïgiadami yaatagi ïr buidïrï bïïtïkami Diuxi tudu dai gïn kodituda agai ïgai ïpïan dukai go Kora. Buidïrï gïi ïgai Diuxi dai gï muatu ïïki ïpï.

2 Pedro 2:3

Koimudadï tutiaka agai go tïtïïgiadami ñoki ïgai tudu dai gïn bupuirumadamu ïgai muidutai aapimï aatagidïkïdï gïn popoida ïrhiditai gïn tuminxiga. Dïï gia ka aagai Diuxi ïïki sai gïgïbitulda agai ïgai dai otoma ayimu gïgïbidaradï.

Efesios 4:22

Kaxkïdï abïr maigobai dasa go ïkidadï gïn tïgibudaga ïmadï ïkidadï gïn oidakaraga. Gobai mos ïr ïï soimaaxkamikana dai gïn bupuirumadaiña gobai gïn maakaitai tïgibudagai xi iduña ïrhiadagi aapimï ix makïdï maiti ïr soiñi.

Markos 4:19

dïï mos arhiï tïtïitoi ïgai ixdukatai oidaka agai tami oidigi daama. Ïgai gïn bupuirutudai adaimïitai go tuminxi. Naana maaxi biaka ïrhidi ïgai dai go ñoki ix makïdï kaï ïgai ka mai soikïi.

Mataibo 26:15

Daidi tïkaka ïgai go tïtïanïdamigadï go dadaxdadami daidi potïtïdai, —¿Xïïxi gin aa namïidana aapimï ix gïn tïïgidagi aanï go Suxi?— itïtïdai. Daidi go tïtïanïdami maa ïmokobhai dan bhaibuxtama plata tuminxi.

Mataibo 19:22

Dai soi gïrhi go kïïrhi kaïkai ix kaiti go Suxi maigobai jii abhiadïrï. Kïïga gï bidakatadai ïgai tudu dai maiti ipïrhidi xi gamaakadagi buxtuidadï go soititigami bïïtarï.

2 Timoteo 2:26

Xibi maamaixapikami dukai bia go diabora ïgai ix makïdï soi dukai nïidi Diuxi ñokidï dai bia ïgai ix ïïgiadagi go diabora. Kaxkïdï gï agai xorai maatïtai maakana ñoki sai ïma dukai gïn tïtïgitoda ïgai. Dai ix ïma dukai gïn tïtïgitoagi ïgai aidï gia bhïimu ïgai go sïïrhi tïgibudagai dai ka mai gïpiïrï surhigimu go diabora.

1 Tomoteo 1:9

Daiñi, go Moises sïïrhikamigadï mai gïpiïrï bupai odami ix makïdï buañixi ibhïadï dai bhaiyoma gïpiïrï bupai gobai soimaaxi ibuadami. Naana maaxi oidaga soimaaxi ibuadami tudu. Oidaga ix makïdï mai ïïgidaraga dai mai xadutudai tomarhi ïmo sïïrhikami. Oidaga ix makïdï mai xadutudai Diuxi soimaaxi ibuadatai. Ïgai mai xadutudai tomarhi ïmo ixtumaxi tomaxi ïr Diuxi ïko dasagadïkagi. Dai oidaga jaa ix makïdï gakodadami dai ïïmoko asta kodai ïïgi dïïdïdï. Go Moises sïïrhikamigadï maaxi bupai bïïxkatai ïgai tudu.

Mataibo 6:19

Daidi Suxi potïtïdai go mamaatïrdamigadï ïpï sai, —Maiti gï agai xi gaatabuadagi aapimï kabami gïn bidaka ïrhiditai tami oidigi daama. Maiti gï agai sai bhai tuada aapimï mui naana maaxi ixtumaxi namïakami. Gobai ix makïdï oidaga tami oidigi daama tudu. Bïïxi gobai mos ugiatïi tudu kuayitai tokimara maamaradï dai bhitamaitai gobai dai gaïxiditai ïïxibogami ïpï— itïtïdai.

Lukas 12:21

Podukai buirgami busai ïgai mukiñdadï tuigakatai. Dai pomaaxi ïpï toma xorai ix makïdï mui naana maaxi ixtumaxi bhai tuajidagi ïïgi gï bïïtarï ix makïdï kïïga namïakami aagai ïgai dïï gia mai bia ixtumaxi Diuxi namïakami aagai— itïtïdai Suxi.

1 Tomoteo 6:10

Odami ix makïdï go ïï tuminxi adaimïi naana dukai gïpiïrï surhigïi tudu. Ïïmoko ka dagito go kïïgadukïdï buaboidaragai ïpï adaimïitai go tuminxi dai podukai ïïgi gïn abhana darai gïïpi soi ïrhiaragai.

1 Tomoteo 6:17

Aapi Timoteo, aagidañi go buaboitudadami ix makïdï gïn bipidaka sai mai gïgïrdukïdï gïn ïrhiada naana maaxi biakatai tami idi oidigi daama. Maiti gï agai xi buaboitudada ïgai buxtuidadï tudu po ïrhiditai xi gobai ïr soiñigadïka agai. Bïïxi gobai ugitimu tudu. Kaxkïdï gï agai bhaiyoma xi buaboitudada ïgai Diuxi. Ïgai ïr soiñigadï di. Ïgai gia mai ugiti agai dai ipïrhidi xi bhai gïr ïrhiada aatïmï. Kaxkïdï gïr maa ïgai mosïï ïï naana maaxi ixtumaxi bia aatïmï.

Tito 2:12

Dai xibi maatï nïiditai aatïmï xïï kïï tuiga Diuxi gobai gïr soikïi naana maaxi ixtumaxiïrï. Gïr soikïi gobai xi dagitoagi aatïmï ixtumaxi mai bhai ïrhidi Diuxi. Dai gïr soikïi ïpï xi gajiadïrï biagi aatïmï go soimaaxi ix makïdï ibuada ïrhidiña odami ix makïdï mai buaboitudai. Dai maatï nïiditai aatïmï xïï kïï tuiga Diuxi gobai gïr soikïi xi sïïrhi gïr tïtïgitoagi ïpï dai xi buañixikan dukai óídakagi idi oidigi daama kïïga ïïgiditai aatïmï Diuxi. Bïïxi gobai gïr soikïi maatï nïiditai aatïmï xïï kïï tuiga Diuxi otosakai ïgai Suxi Kristo.