1 Tomoteo 6:17 - Northern Tepehuan Bible

¹⁷ Aapi Timoteo, aagidañi go buaboitudadami ix makïdï gïn bipidaka sai mai gïgïrdukïdï gïn ïrhiada naana maaxi biakatai tami idi oidigi daama. Maiti gï agai xi buaboitudada ïgai buxtuidadï tudu po ïrhiditai xi gobai ïr soiñigadïka agai. Bïïxi gobai ugitimu tudu. Kaxkïdï gï agai bhaiyoma xi buaboitudada ïgai Diuxi. Ïgai ïr soiñigadï di. Ïgai gia mai ugiti agai dai ipïrhidi xi bhai gïr ïrhiada aatïmï. Kaxkïdï gïr maa ïgai mosïï ïï naana maaxi ixtumaxi bia aatïmï.

Tepehuan Northern: Diuusi ñiooquidʌ utuducami oodamicʌdʌ

¹⁷ Aagidañi ʌriricu vaavoitudadami sai maigʌgʌrducʌdʌ gʌnʌlidiña. Dai maitʌaagai ispoʌliada ʌgai isʌʌgi istutuidi iscʌʌgacʌrʌ vuvaaquiagi ʌtumiñsicʌdʌ. Ʌtumiñsi uugiatʌi cascʌdʌ. Baiyoma gʌaagai isvaavoitudadagi Diuusi ismaacʌdʌ tomastuigaco oidaga. Ʌgai ʌgai dai gʌrmaacai vʌʌsi istumaasi tʌgito aatʌmʌ dai baigʌrʌliadagi.

1 Tomoteo 6:17 Referans Kwoze

Hechos 14:17

Dïï tomaxi pobuadana ïgai Diuxi bïïxkïrï gï mamaaxidi ix ïr kïï tuigakami ïgai. Ïgai kïïga otosaiña duki bai kïïga bañidana odami ïïxidï. Idui ïgai sai kïïga bhai gï buadana kuadagai bai biaka aatïmï gïr bhai ïrhiaraga— itïtïdaimi Pabora ïmadï Bernabe.

1 Tomoteo 4:10

Aanï ïmadï aapi Timoteo kïïgakïrï ïr buaboidadami Diuxi ix makïdï tomarhi ïmo imidagai mai muki agai dai ix makïdï bhai dui kïïgakïrï bubaidaragai bïïxi óídakami bïïtarï. Dïï gia tomaxi bhai dui ïgai bïïxi óídakami bïïtarï mosïkaxi ix makïdï buaboitudagi kïïgakïrï bubuaki agai. Kaxkïdï kabami gaatabuadana aatïmï soiña ïrhiditai óídakami sai buaboitudaiña.

Mataibo 19:23

Daidi Suxi potïtïdai mamaatïrdamigadï, —Gia xijaiga ïmo gï bidakami bïïtarï xi kïïgakïrï busiagi sai biakana ïgai oigaragai xi Diuxi tïanïdagi.

Tito 2:12

Dai xibi maatï nïiditai aatïmï xïï kïï tuiga Diuxi gobai gïr soikïi naana maaxi ixtumaxiïrï. Gïr soikïi gobai xi dagitoagi aatïmï ixtumaxi mai bhai ïrhidi Diuxi. Dai gïr soikïi ïpï xi gajiadïrï biagi aatïmï go soimaaxi ix makïdï ibuada ïrhidiña odami ix makïdï mai buaboitudai. Dai maatï nïiditai aatïmï xïï kïï tuiga Diuxi gobai gïr soikïi xi sïïrhi gïr tïtïgitoagi ïpï dai xi buañixikan dukai óídakagi idi oidigi daama kïïga ïïgiditai aatïmï Diuxi. Bïïxi gobai gïr soikïi maatï nïiditai aatïmï xïï kïï tuiga Diuxi otosakai ïgai Suxi Kristo.

Kolosenses 3:16

Gïn tïgito abïr ajiopada aatagidï Suxi Kristo dai abïr dagito sai ïgai ñokidï gïn tïanïdagi gïn tïgibudagïrï dai saidi gïn tïanïdagi gobai bïïxi ix tumaxiïrï ibuadagi aapimï ïpï. Podukai abïr bhïiyi kïïgadukami tïgibudagai daidi aipako abïr gïn mamaatïturhiada aapimï dai aipakoga abïr gïn mamaakada ñoki. Dai bïïxi gïn ibhïdakïdï abïr ganïyi go naana maaxi nïidadï Diuxi ix makïdï aagai xïïxi ïr gïdukami Diuxi. Daidi abïr gamamaakada ïmo Diuxiatanamїidaragai Diuxi bïïxi gïn ibhïdagakïdï.

Lukas 19:2

Dai ami Jerikoana dakatadai ïmo kïïrhi Zakeo tïgidukami. Tïanïdamigadïkatadai ïgai go gaa tanïdami kuota ami dai kïï gï bidakatadai.

2 Timoteo 4:10

Bhaitoma ïïgi bii aanï tanai kaxkïdï. Kaxi gin dagito go Demas tudu dai jii Tesalonikamu gaagaitai bhai ïrhiaragai ixtumaxiïrï oidaga tami oidigi daama. Dai go Kresente jii Galasiamu dai go Tito jii Dalmasiamu.

1 Tomoteo 6:13

Aapi Timoteo, Diuxi ïgai dai gamaakai duakarhigai bïïxi ixtumaxi ix makïdï ibhïkïi. Dai Suxi Kristo ïgai dai Ponsio Pilato buidïrï aagai ixtumaxi ïr buaboi. Dai xibi Diuxi ïmadï Suxi Kristo ïr nïijadami ix tumaxi gï tïañimi aanï.

1 Tomoteo 1:3

Aapi Timoteo, aidïxi busai aanï amïï Efesoañdïrï xako daja aapi dai jii Masedoniamu gï aagidi aanï pïsai amaxi biïna Efesoana. Dai xibi apia kia gï agai ix amaxi Efesoana biyagi aapi. Kïï maatï aapi tudu sai ami óídaga odami ix makïdï gatïtïïgidi aatagi ix makïdï maiti ïr buaboi. Kaxkïdï gï agai xi amaxi biyagi aapi dai daidagi sai ka mai pomaaxi ibuada ïgai.

1Tesalonicenses 1:9

dai bhaiyoma ïïgi gïr aagidiña ïgai xïï kïïga buaboitudai aapimï. Kajioma go gaa óídakami xïï kïïga gïr miadïgidi aapimï tudu gïn dibidakai aatïmï. Dai gïr aagidiña go gaa óídakami sai ka mai buaboitudai aapimï go uubixi ix makïdï mai duduaka dai sai xibi ka buaboitudai aapimï Diuxi ix makïdï gia ïr duakakami dai ïr buaboi.

Efesios 5:5

Ïïmo óídakami ïmadï boona jaa ix makïdï maiti ïr kunadï tomarhi oñigadï dai ïgamutïrïga ïgai ïpï. Ix makïdï pomaaxi ibuayi bamioma namïga ïrhidi ixtumaxi biaka ïrhiada ïgai dai Diuxi gia mai namïga ïrhidi ïgai. Ix makïdï pomaaxi ibuayi xadïrï gïn aïna xi gïn tïanïdagi Diuxi dai Suxi Kristo. ¡Mai ïmadï darakamu ïgai tomarhi ïmo imidagai di! Gobai kïïga maatiga maaxi.

Hechos 17:25

Xadïrï gï dagitona Diuxi xi odami soikïdagi. Ïgai mai tïgito ixtumaxi di. Ïgai tudu dai gïr maakai bïïxkatai gïr iibhïdaga dai gïr ibhïkiga ïmadï bïïxi aïkatai ixtumaxi— itïtïdai Pabora.

Hechos 14:27

Dai ami Antiokiïrï mos aïkai idui ïgai ïmo ïmpaiñdaragai bïïxi go buaboitudadami ïmadï dai aatagidi bïïxi ixtumaxi iduitadai Diuxi gïn soikïitai gïn aaduindagïrï. Dai aagidi ïpï sai Diuxi ka urhinditadai oigaragai odami ix makïdï maiti ïr judidiu xi ïgai buaboitudada ïpï.

Markos 10:24

Ka mai tïï mamaatïrdamigadï Suxi ix dukatai gïn tïtïgitoagi kaïkatai aatagidï. Daidi Suxi apia aatagaimi ïmadï daidi potïtïdai, —Daiñi gin aaduñi— itïtïdai. —Odami ix makïdï tïtïitoi buxtuidadï dai mai xu Diuxi tïtïitoi ïgai arhiï xijaiga gïn bïïtarï urabakagi Diuxi aaduñdï xako Diuxi kïïgakïrï tïanïi dai nukadai.

Mataibo 27:57

Dai aidï urunoko ami dibia ïmo kïïrhi gï bidakami Jose tïgidukami. Arimateïrï oidakami ïgai dai ka buaboitudai ïgai Suxi ïpï.

Mataibo 6:32

—Gobai ïr ix makïdï adaimïi odami ix makïdï mai buaboitudai Diuxi tudu. Gokïdï buamï gïn ïrhidiña ïgai. Maiti gï agai gobai tudu. Diuxi gïr Oga ix makïdï tïbagiana daja kïïga maatï ixtumaxi tïgitokana aapimï kaxkïdï— itïtïdai.

Tito 3:6

Kaxkïdï tudu Diuxi gïr maa Ibhïadï buaboitudakai aatïmï Suxi Kristo gïr kïïgakïrï bubiadamiga.

1 Tomoteo 5:21

Daiñi aapi Timoteo, Diuxi gïr Oga ïmadï Suxi Kristo dai bïïxi tïtïañikarudï ïr nïijadami xi gï tïañimi aanï sai ïïgiada aapi idi ñoki. Nïijadami ïgai sai gï aagidimi aanï ïpï sai ïmadugan dukai nïijada aapi bïïxi óídakami. Maiti gï agai tudu xi bamioma namïakami duakai nïijada aapi ïïmoko.

1 Tomoteo 3:15

xïduñada maiti ixtui aanï otoma imiagi. Gï ojidi aanï pai maatïkana ix dukatai gï agai ix óídakagi aatïmï buaboitudadami Diuxi. Buaboitudadami aatïmï Diuxi tudu ix makïdï tomarhi ïmo imidagai mai mumukui. Dai aatïmï ïr nukadakami Diuxi ñokidï ix makïdï kïïgakïrï ïr buaboi.

Mataibo 12:32

Dai xi odami galnaaxi surhigidagi ñoki gin buidïrï aanï ix makïdï ïr otosadï Diuxi dai ïmo kïïrhi busai, gobai ïpï oigïldamu Diuxi. Dïï gia xi ïmo odami galnaaxi ñoki surhigidagi buidïrï Diuxi Ibhïadï gobai gia mai oigïldamu ïgai. Maita oigïldamu ïgai tomarhi ïmo imidagai tudu. Tomarhi tami oidigi daama tomarhi gïmai oidigïrï gokiïrioma ïpï. Daiñi, kïïga ïr buaboi sai oigïldamu Diuxi bïïxi soimaaxkamigadï odami, dïï gia ix surhigidagi odami galnaaxi ñoki buidïrï Diuxi ibhïadï, gobai gia mai oigïldamu ïgai— itïtïdai.

Lukas 3:11

Dai Juan potïtïdai, —Xorai biakagi goka bapasaragai gï agai xi óídagi ïmoko ïmai ix makïdï mai bia. Dai xorai kïïga biakagi ixtuma ugiagi gï agai xi óídagi xorai mai bia ïpï— itïtïdai.

1 Tomoteo 6:9

Daiñi, mui odami gïpiïrï susurhigïiña gïn bipida ïrhiditai. Kaxkïdï tudu ibuada ïrhidiña ïgai naana maaxi soimaaxkami. Pobïnïrhidi sai podukai gïn bipida agai. Gobai ïgai dai gïpiïrï surhitudai dai xia buayi oidakaradï bïïxkïrï bïïtarï.

2 Pedro 1:11

Dai kïïga bhai ïrhiarakïdï gïn maakimu Diuxi bakigai xako bïïxkïrï bïïtarï gatïanïi Suxi Kristo ix makïdï ïr Gïr Nukadakami dai kïïgakïrï gïr bubiadamiga.

Mataibo 25:16

Dai go pioñi ix makïdï bhïitadai taama mirhi tuminxi otoma jii dai mïï aaduinturhi go tuminxi dai ïgaikïdï maitïturhi ïgai ïpï taama mirhi daamioma.