1 Tomoteo 6:16 - Northern Tepehuan Bible

¹⁶ Mosïkaxi ïgai mo maaxkana dai mai mumukui tomarhi ïmo imidagai. Dai odami mai bhaiga xi buijako nïnïabagi tomarhi xi miadïrï aiyagi mos ïï kabami kudixikatai ïgai. Gï agai tudu xi xadutuada aatïmï ïgai dai xi adaama gatïanïda ïgai bïïxkïrï bïïtarï. Gobai kïïga ïr buaboi.

Tepehuan Northern: Diuusi ñiooquidʌ utuducami oodamicʌdʌ

¹⁶ Diuusi tomastuigaco oidaga dai tomali ʌmo imidagai maimuquia agai. Diuusi vaamioma dadadacʌi sitasai cascʌdʌ tomali ʌmaadutai maitistutuidi isvui nʌnʌavagi tomali ismiaadʌrʌ cʌquivagi. Aanʌ ipʌlidi isvʌʌsi oodami cʌʌga ñioocadagi Diuusi vʌʌtarʌ tomastuigaco dai vaavoitudagi isDiuusi sʌʌlicʌdʌ viaa guvucadagai.

1 Tomoteo 6:16 Referans Kwoze

1 Tomoteo 1:17

Podukai gï tïgito Diuxi kïï tuigakatai ïgai tudu dai kaxkïdï gï agai xi xadutuada aatïmï dai aagana xïïxi ïr gïdukami. Tomarhi ïmo imidagai mai nïidi aatïmï Diuxi tudu dai ïgai mai mumukui tomarhi ïmo imidagai ïpï. Ïgai tudu ïr Rey bïïxkïrï bïïtarï. Dai gï agai xi xadutuada aatïmï ïgai. Gobai gia ïr buaboi.

VUAANA 1:18

Buaboi tudu sai tomarhi ïmo imidagai mai tipu ïmai xorai nïijadagi Diuxi. Mosïkaxi Suxi Kristo ix makïdï ïr Diuxi Maradï ïmadugakïdï, ïgai gia ïmadï dakana. Kïïga ïïmadai ïgai Diuxi dai gïr tïtïïgidiña ix tuiga.

1 Juan 1:5

Gin aaduñi, Suxi Kristo gïr tïïgi ïmo ñoki aatïmï ix makïdï ïr ojotosadï. Gïr tïtïgidi ïgai saidi bhodïrï aituldana aatïmï go ñoki go óídakami aipakoga. Dai xibi idi ojiïrï gïn aagidimi aatïmï ï galbaaxi ñoki. Daiñi, Suxi Kristo gïr aagidi sai Diuxi ïr ïmo kudagi kïïga tojakami gï duu ix makïdï itïiya ïrhidi sai kïïga buañixi ïgai. Dai gïr aagidi go Suxi ïpï sai toma lïïchi mai tukamuga maaxi Diuxi ix makïdï itïiya ïrhidi sai mai bia ïgai tomarhi ïmo soimaaxkami abhana dai sai mai yaatagïi ïgai toma lïïchi.

Kolosenses 1:15

Daiñi, tomarhi ïmo odami mai nïidi Diuxi. Dïï gia Suxi Kristo dai Diuxi ïpïan tutuiga dai gïgïrioma ïgai xi bhai xi bïïxi ixtumaxi idui ïgai. Dai Suxi Kristo gïr tïtïgidi ix tuiga Diuxi. Ïgai ïr Diuxi Maradï dai ka ïkioñdïrï oidakatadai mai kia tipukatai ïma maaxi ixtumaxi.

VUAANA 6:46

Buaboi tudu sai Diuxi gamaakai ñoki odami dïï tomarhi ïmo odami ïr nïijadami Diuxi gïr Oga, mosïkaxi aanï ix makïdï tïbagiañdïrï dibia ïr nïijadami ïgai— itïtïdai.

Apokalipsis 22:5

Dai ami ka mai tipukamu tukagi dai maiti gï agadamu tomarhi ïmo kudakarui dai tomarhi maiti gï agadamu tasai ami dakatai Diuxi Gïr Nukadakami. Ïgai tudu kudaidaka agai buaboitudadami. Dai go buaboitudadami bhïimu sïïrhikami dai bïïxkïrï bïïtarï gatïanïda agai.

Exodo 3:14

—Gï aagidamu aanï ix tïgidu aanï— itïtïdai Diuxi. —Aanï Aanï tïgidukami aanï. Tïdamu aapi go Israelitas sai Aanï Aanï tïgidu ix makïdï gï otoi— itïtïdai Diuxi go Moises.

Apokalipsis 4:11

—Aapi gïr Diuxiga ïr Gïr Nukadakami. Dai aapi kïïga gï ajïga xi odami aagagi xïïxi ïr gïdukami aapi gï xadutudaitai. Dai xi aagagi odami xïïxi ïr gubuakami aapi ïpï. Aapi ïgai dai bïïxi aïkatai idui ipïldakai aapi xi oidakagi ixtumaxi— ikaitiña go bhaitï gukakami.

Apokalipsis 1:6

Podukai bhai dui ïgai sai gatïanïna aatïmï ïgai ïmadï xïxkadï gatïanïdagi ïgai dai sai ïr dadaxdadamikana aatïmï ïpï ibuadatai daxdaragai Ogadï bïïtarï. Diuxi bïïtarï tudu. Pomaaxi idui Suxi Kristo xi kaxkïdï gï agai xi xadutuada aatïmï bïïxkïrï bïïtarï adaama Tïanïdamikatai ïgai. Gobai gia ïr buaboi.

Udaxi 1:25

Bïïxi gobai ka bhai dui Diuxi Suxi Kristokïdï ix makïdï ïr Gïr Nukadakami tudu. Dai kaxkïdï gï agai sai tomax tuigako kïïga ñokadagi bïïxi óídakami Diuxi buidïrï. Mai xudu xi ïr ïïki mai kia kïkibakai oidigi, xi ïr xibi, xi ïr gokiïrioma dai asta bïïxkïrï bïïtarï. Kïïga ïr ajïakami Diuxi sai toma xuduku kïïga ñokadagi óídakami ïgai bïïtarï tudu dai sai xagïdutuadagi ïgai dai sai biakagi ïgai gubukarhigai ix bïïxkïrï bïïtarï tïanïdagi bïïxi aïkatïrï. Sai pogïduna bïïxi gobai tudu. Mosïkaxi.

Efesios 3:21

Kaxkïdï Suxi Kristo gubukarhigadïkïdï gï agai xi aatïmï buaboitudadami maaxitudagi xïïxi ïr gïdukami Diuxi dai xïï kïï gubuka dai xi maaxituda aatïmï gobai bïïxkïrï bïïtarï. ¡Agia ïr buaboi gobai!

Apokalipsis 7:12

Daidi ikaitiña ïgai, —Kïïga ïr buaboi sai gï agai xi odami gï xadutuadagi aapi Diuxi. Gï agai xi odami oigïda ñokadagi gï buidïrï dai xi bhai gïn ïrhiadagi aapikïdï mos ïï gïdukatai aapi. Gï agai xi bhai aagagi odami sai aapi gï tïgibudaga adaama ïr saitudakami dai aapi adaama gatïanïi dai adaama ïr gubuakami. Gobai gia ïr buaboi— ikaitiña go tïtïañikaru.

Hebreos 13:8

Daiñi, Suxi Kristo mai ïmapïbuayi. Apia mo maaxkana ïgai tomax tuigako tudu.

Apokalipsis 21:3

Dai gïgïrï ño ixtumaxi mïï go gïï daikaruañdïrï daidi ikaiti, —Xibi gia odami saagida daja Diuxi kiidï. Xibi odami saagida oidaka agai ïgai dai kïïgakïrï ïr Diuxigadïka agai ïmadï dakatai.

VUAANA 14:9

Daidi Suxi potïtïdai, —Aapi Pirhi, ¿Tui pïxi pokaiti sai gïn tïïgidana aanï gin Oga? ¿Mai ix ka tïbïpi gïn ïmadï dakana aanï? ¡Dai modukai mai kïïga gin máí aapi! Daiñi, xorai gin nïidi kaxi ïr nïijadami gin Oga ïpï mos gin nïiditai— itïtïdai.

Apokalipsis 1:8

Dai Diuxi Gïr Nukadakami ix makïdï bïïxi adaama gubuka ikaiti sai, —Aanï Diuxi ïgai dai bïïxi aïkatïrï gatïanïiña aanï tukamidïrï abhiadïrï dai apia gatïanïdamu aanï kia xïïxkadï ugitiagi oidigi. Aanï ka ïkioñdïrï oidakatadai mai kia idunakai go oidigi tudu dai mai ugidamu aanï tomarhi ïmo imidagai— ikaiti Diuxi.

VUAANA 8:58

Dai Suxi itïtïdai, —Aanï aagai sai aidïxi mai kia busaitadai go Abraamkaru aanï kaxi oidakatadai— itïtïdai.

Filipenses 4:20

Agia gï agai xi bïïxkïrï bïïtarï mai ugutai aagaiña aatïmï xïïxi ïr gïdukami Diuxi. Sai pogïduna gobai tudu.

Santiago 1:17

Mosïkaxi Diuxi gïr Oga ix makïdï idui go xixabugai dai go tasai dai go masadai ïgai dai tïbagiañdïrï gïr oidi bïïxi ixtumaxi ix makïdï buaboikïdï ïr kïkïïgadukami tudu. Dai kïïga gï maatï sai Diuxi tomarhi ïmo imidagai gïr maakimu soimaaxkami ixtumaxi. Daiñi, tomaxi go xixabugai ïmadï go tasai dai masadai gia ïmapïbuadana dai tutukuiña ïïmo imidagai dïï gia Diuxi apia mo maaxkana dai mai ïmapïbuayi toma lïïchi. Kaxkïdï bhaiga aatïmï xi kïïga buaboitudada ïgai.

1 Juan 1:7

Dïï gia ix buañixikagi aatïmï dai aagagi aatïmï ixtumaxi ïr buaboi ïpïan dukai Diuxi, aidï gia kïïga biakana aatïmï ïmo urabaragai aipakoga bïïxi go buaboitudadami ïmadï. Dai aidï gia bïïx tasai apia buanai Diuxi bïïxi gïr soimaaxkamiga ïradïkïdï Suxi Kristo ix makïdï aaxi ïgai mukukai gïr bïïtarï.

1 Juan 4:12

Daiñi, tomarhi ïmo odami mai nïidi Diuxi tomarhi ïmo imidagai. Dïï gia ix kïïgakïrï gïr oigïadagi aatïmï aipakoga, aidï gia gï maatï sai gïr ïmadï daja Diuxi dai gïr nïijadamu odami dai bhaigakamu ïgai ix maatïkagi xïïxi kïïga oigïdai Diuxi ïgai.