1 Tomoteo 5:14 - Northern Tepehuan Bible

^14-15 Mui bipiudu ka podukai dagito Suxi Kristo tudu ka mai ïïgida ïrhiditai dai ïïgiditai bhaiyoma go diabora. Kaxkïdï aanï aagai sai maiti gï agai xi gïn ojagi utu iimïdami bipiudu ami paperhiïrï dai gï agai bhaiyoma xi gaïmadï biyagi ïgai ïpamu. Gï agai xi mamartadagi ïgai dai xi kïïga nukadakagi ïïgi bakidï daidi kïïga óídakagi. Gï agai tudu xi kïï buadagi ïgai sai mai tipukagi ixdukatai galkai nïijadagi jaa go buaboitudadami.

Tepehuan Northern: Diuusi ñiooquidʌ utuducami oodamicʌdʌ

¹⁴ Cascʌdʌ ipʌlidi aanʌ isʌvipiuudu ootʌlioma iimʌdami cucuuntadagi ʌpamu dai maamaracagi dai nuucadacagi gʌnquii, vai poduucai ismaacʌdʌ vuidʌrʌ vʌʌtʌ Suusi Cristo mamaatʌtuldiaragadʌ maitʌrñiooquiadagi aatʌmʌ vaavoitudadami.

1 Tomoteo 5:14 Referans Kwoze

1 Tomoteo 6:1

Xibi aagamu aanï go pipioñi. Daiñi, xi ïmo buaboitudadami ïr pioñigadïkagi ïmai soigaxikami dukai gï agai xi kïïga xadutuadagi ïgai amudï. Kaxkïdï tudu ix mai xadutuada ïgai amudï aidï gia jaa ix makïdï mai buaboitudai bui ñokada antaada Diuxi. Pokaitada antaada sai maiti ïr soiñi gïr buaboidaraga nïiditai ix ïmo buaboitudadami mai xadutudai amudï.

Tito 2:8

Tïïgidañi ñoki ix makïdï ïr buaboi tudu sai podukai mai tipukagi ixdukatai ñokadagi jaa. Podukai ibuadatai aapi gïn xaïrogidamu gïr buidïrï bïïtïkamiga mai tïtïgaitai ïgai soimaaxi ixtukïdï gïpiïrï gïr buapadagi.

1 Tomoteo 4:3

Daidamu ïgai odami xi gaïmadï bipiïdagi dai mai kuadamu ïgai mui kuadagai ïpï pokaititai saidi ïr daidarxikami sai podukai bupuirumadamu ïgai odami. Dïï gia kïï maatï aatïmï sai maiti ïr buaboi aatagidï. Kïï maatï aatïmï bhaiyoma sai Diuxi idui bïïxi kuadagai sai aatïmï ix makïdï buaboitudai bhai gïr ïrhiada ïgaikïdï gakuadatai.

Hebreos 13:4

Aapimï ix makïdï ka gaïmadï bii abïr xadutuada gïn aduñi dai kïïga abïr gïn tïtïgitoka dai mai ïmadï boopodagi ïmai. Kaxkïdï tudu Diuxi gïgïbitulda agai xorai ïmadï boopodagi ix makïdï maiti ïr aduñdï. Dai go ix makïdï mai kia gaïmadï bii, ïgai maiti gï agai ix gaïmadï boopodagi ïpï.

1 Tomoteo 5:11

Dïï gia bipiudu ix makïdï mai kia aiturhi baikobhai umigi maiti gï agai xi ojagi ami. Kaxkïdï tudu ix makïdï gïn ojagi gï agai xi bhai aagagi ix Suxi Kristo bïïtarï gaataduña agai. Dai ix gïn ojagi go bamioma utu iimïdami bipiudu gokiïrï gïpiïrï surhigi antaada mai ibuadatai ix dukatai bhai aatadai ïgai aidïxi gïn oja. Kïïga gaïmadï biiya ïrhiada antaada ïgai ïpamu dai ka mai buamï gïn ïrhiada antaada xi ibuadagi ixtuma bhai ïrhidi Suxi Kristo.

1 Tomoteo 2:8

Ka aagai aanï tudu sai gï agai bïïxi buaboitudadami xi daanïdagi Diuxi. Kaxkïdï ipïrhidi aanï sai bïïxi aipakoga xako gïn ïmpaidadagi buaboitudadami sai ami go kïkïïrhi aatagana Diuxi ïmadï daanïitai ïgai. Kïï maatï aapi sai xïïxkadï gïr aaduñi kïkïïrhi atagadagi Diuxi ïmadï táí bapañidiña ïkadï. Podukai ïïmadai aatïmï tudu. Dïï gia gï agai xi ïko darakagi ïgai soimaaxkamiañdïrï xïïxkadï daanïdagi Diuxi. Gï agai tudu xi mai bhakoikagi ïgai dai xi maiti gïn bupui ñokadagi ïpï xïxkadï daanïda agadagi ïgai.

2 Korintios 11:12

Daiñi, kïï maatï aanï sai oidaga yaatabogami ix makïdï gïgïrdukïdï gïn aagaiña ïïgi dai pokaitiña saidi ïr ojotosadï Suxi Kristo gin ïpïan dukai. Dai pokaitiña ïgai sai gin ïpïan dukai aatabuayi ïpï. Dïï ïgai gia gataanïi tuminxi xïïxkadï gatïtïïgiadagi ñoki. Kaxkïdï apia modukai oijadamu aanï gin aaduindaga maiti gïn taanïitai toma lïïchi sai kïïga gïn mamaaxitudana go gaa ix yaatagïi ïgai. Pokaitiña ïgai sai gin ïpïan dukai bia sïïrhikami dai gin ïpïan dukai aatabuayi dïï gia ïgai gataanïi tuminxi dai aanï gia cho.

Romanos 14:13

Kaxkïdï ka maiti gï agai xi bui ñokada aatïmï jaa buaboitudadami pokaititai sai mai kïï buayi. Gï agai bhaiyoma xi kïï gïr tïgito nïijadagi xi maiti ibuadagi aatïmï tomarhi ïmo ixtumaxi ix makïdï sobhidagi ïmoko gïr susukurhi bai ka mai kïïga oijada ïgai Suxi.