1 Pedro 1:6 - Northern Tepehuan Bible

⁶ Kïïga ïr buaboi tudu sai aatïmï buaboitudadami bhïiya ragai ïmo gïdukami bhai ïrhiaragai. Dai kaxkïdï aanï agai sai gï agai ix bhai gïn ïrhiadagi aapimï tomaxi gï agai xi naana maaxi soimaaxi taatamadagi aapimï xibi chïki umigi kia.

Tepehuan Northern: Diuusi ñiooquidʌ utuducami oodamicʌdʌ

⁶ Vʌʌsi imaasicʌdʌ avʌr baigʌnʌliada aapimʌ tomasi sivi chiʌʌqui uumigi gʌaagai issoimaa taatagi aapimʌ mui naana maasi.

1 Pedro 1:6 Referans Kwoze

Santiago 1:2

Gin aaduñi, maiti abïr soi gïn ïrhiada xïïxkadï naana maaxi soimaaxi daibuñagi aapimï dai bhaiyoma abïr bhai gïn ïrhiada.

1 Pedro 5:10

Kïï tuiga Diuxi gïn bïïtarï tudu dai gïn báí ïgai saidi aapimï ïpï gïn ajiagi go gïdukami xadutudaragai ix makïdï biakamu ïgai bïïxkïrï bïïtarï. Aapimï gïn aji agai go xadutudaragai gobai bïïnakatai aapimï Suxi Kristo tudu. Dïï gia gï agai sai soimaaxi taatamadagi aapimï kia dïï gia mai xii tïbïragaka agai go soimaaxi taataragai. Dai gokiïrï bhai gïn buadamu Diuxi sai maiti gïn biïgakagi tomarhi ïmo ixtumaxi gïn ibhïdagïrï. Kïïga gïn gupurtuda agai ïgai aidï gïn ibhïdagïrï saidi mai tipukagi ixtukïdï dagitoagi aapimï gïn buaboidaraga. Po duñimu Diuxi kïï tuigakatai ïgai gïn bïïtarï tudu.

Romanos 12:12

Aapimï bia ïmo gïdukami bhai ïrhiaraga ix makïdï Diuxi bhai dasakami bia aapimï gïn bïïtarï. Kaxkïdï abïr bhai gïn ïrhiada xibi nïnïraitai gobai. Maiti abïr gïn dagito aidï xi gïn maitiagi soi ïrhiaragai xïïxkadï soimaaxi taatakagi aapimï. Abïr mai dagitokai aatagada Diuxi ïmadï bhaiyoma.

Romanos 5:2

Buaboidakai aatïmï Suxi Kristo baa aatïmï ïmo gïdukami bhai ïrhiaragïrï ix makïdï gïr maa Diuxi gïr oigïdaitai. Dai xibi bhai ïrhiarakïdï nïnïraka xi urabagi aatïmï Diuxi xudu gï maaxitudagi ïgai xïïxi ïr gïïdukami.

Mataibo 5:12

Bhaiga bïnïrhiada xïïxkadï po gïn buidadagi ïgai tudu. Kïïga maatï aapimï sai bia aapimï ïmo namïakami maitïki tïbagiana kaxkïdï. Daiñi, xïxkadï soi gïn buidadagi jaa gin urabakatai aapimï aidï ïpïandukami aapimï go ñiñokituldiadamigadï Diuxi ix makïdï óídakatadai ïïki. Kïïga maatï aapimï sai podukai buididiña óídakami ïïki go ñiñokituldiadamigadï Diuxi ïpï tudu— itïtïdai.

VUAANA 16:33

—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.

VUAANA 16:22

Pomaaxi aapimïkïdï ïpï. Xibi soi gïn ïrhidi aapimï maatïkatai ix imi agai aanï, dïï gia gokiïrï gïn tïïgimu aanï ïpamu dai aidï gia bhai gïn ïrhiadamu aapimï. Dai mai tipukamu xorai gïn bopoidagi gïn bhai ïrhiaraga aidï.

Mataibo 11:28

Daidi potïtïdai ïgai ïpï, —Gimibïrai dai gin uraba bïïxkatai aapimï ix makïdï ka ibhiokoñi, aapimï ix makïdï kabami gïn aajagïi ïïgida ïrhiditai go naana maaxi sïïrhikami ix makïdï oidaga tudu. Gimibïrai aapimï ix makïdï ïmo bïïtïkami kusubi dukai taata gobai. Aanï gia kïïga gïn iibhïxtudamu gïn iibhïdaga— itïtïdai.

Romanos 5:11

Dai ïkobïrakoga xibi Diuxi ïgai daidi ïr gïr bhai ïrhiaraga, ka bhai dunakai Gïr Nukadakami Suxi Kristo xi biakagi aatïmï urabaragai ïmadï Diuxi.

Hechos 14:22

Dai dïgabunukai ïgai bïïxi go kiikiïrï ïgai gamaakaiña gubukadagai abhana go buaboitudadami daidi gaabïnakidiña xi kïïgakïrï buaboidaiña ïgai. Dai aagidimi ïgai sai gï agaitadai kia xi odami naana maaxi soi ïrhiaragai taatagi xi gokiïrï ayimu ixtuigako gatïanïda agai Diuxi.

Lukas 10:20

dïï gia maiti gï agai xi gobai ïr gïn bhai ïrhiaragakagi. Gï agai bhaiyoma xi bhai gïn ïrhiadagi ka ojixikatai gïn tïtiaraga tïbagiana— itïtïdai Suxi ojotosadï.

1 Pedro 4:7

Gin aaduñi, ka miadaimi ix ugitiagi oidigi. Kaxkïdï abïr kïïga gïn tïtïgitoda dai kïïga nïnïasïrhigan dukai abïr daanïda Diuxi.

Santiago 4:9

Kabami abïr soi gïn ïrhiada dai asta suanïda tïïtïitoitai xïï kabami galnaxi gïn soimaaxkamiga. Maiti gï agai ix bhai gïn ïrhiadagi aapimï tudu dai tomarhi xi asïdagi aapimï. Gï agai bhaiyoma ix kabami soi gïn ïrhiadagi aapimï.

2 Korintios 4:17

Go soi ïrhiaragai ix makïdï taatamai aatïmï xibi mai xii kabami bïïtï tudu daidi otoma daibuskïi. Dai gokiïrï gïr buapidamu gobai go bhai ïrhiaragai ix makïdï bïïxi adaama bhai ïrhiaraga dai bïïxkïrï bïïtarïka agai gobai.

Santiago 1:9

Gin aaduñi Diuxi amadïrï, gï agai sai kïïga bhai gïn ïrhiada aapimï ix makïdï ïr soititigami dai ix makïdï jaa odami mai namïakami dukai nïidi. Gï agai sai bhai gïn ïrhiadagi maatïkatai sai Diuxi gia kïïga namïakami dukai gïn nïidi.

Filipenses 3:3

Dïï gia aatïmï ix makïdï kïïgakïrï xadutudai Diuxi gubukarhigadïkïdï Diuxi Ibhïadï, aatïmï gia kïïgakïrï ïr maamaradï Diuxi. Aatïmï tudu ix makïdï gïïpi bia bhai ïrhiaragai bïïna darakatai aatïmï Suxi Kristo. Aatïmï ix makïdï mai buaboitudai ixtumaxi ibuadagi aatïmï ïïgi gïr gubukarhigakïdï tudu.

2 Korintios 6:10

Tomaxi naana maaxi dïgabuskïi soi ïrhiaragai bïïxkïrï aatïmï bhai gïr ïrhidiña. Dai tomaxi ïr soititigami aatïmï bïïxkïrï kïïga soikïiña aatïmï jaa sai biakana ïgai naana maaxi kïïga namïakami ixtumaxi iibhïadïrï bïïtarï. Bhaitoma mai bia aatïmï ixtumaxi tami oidigi daama tudu dïï gia bïïxkïrï bhai gïr ïrhidiña ïpïan dukami ix biakamudai aatïmï bïïxi aïkatai ixtumaxi oidaga. Podukai óídaga aatïmï tudu dai kaxkïdï kïïga gï maatï saidi ïr buaboi gïr ñoki ojotosadïkatai aatïmï Suxi.

1Tesalonicenses 1:6

Dai aapimï sïïrhikïdï kïïga ibuayi ïpï. Ibuayi aapimï ïpïandukai aatïmï ïmadï Gïr Nukadakami tudu. Daiñi, kajioma aatïmï sai jaa maiti ipïrhidi ix buaboitudada aapimï dai bhaiyoma soi gïn buididiña buaboitudakai aapimï. Dïï gia kajioma aatïmï ïpï sai tomax dukai maiti gïn daadagitoiña aapimï ix gïn maitiagi go soi ïrhiaragai xïxkadï soi gïn buididiña jaa. Saidi as gïn soikïiña Diuxi Ibhïadï sai bhai gïn ïrhidiña aapimï bhaiyoma. Podukai tudu ibuayi aapimï ix dukai ibuayi aatïmï ïmadï Gïr Nukadakami Aatïmï ïpï maiti gïr daadagitoiña ix gïr maitagi go soi ïrhiaragai tomaxi soi gïr buidadagi jaa.

Filipenses 4:4

Dai bïïxkatai aapimï, abïr bhai gïn ïrhiada bïïnakatai aapimï Suxi Kristo Gïr Nukadakami. Gïn aagidamu aanï ïpamu abïr bhai gïn ïrhiada aapimï.

Galatas 5:22

Dïï gia xïïxkadï ïïgiadagi aatïmï Diuxi Ibhïadï gïr ïrana aatabuayi ïgai dai bhai buayi naana maaxi kïïgadukami gïr ïrañdïrï. Ïïgiditai aatïmï Diuxi Ibhïadï oigïdaiña aatïmï jaa dai bhai gïr ïrhidiña dai gïr ibhïxtakan taadakana aatïmï gïr ibhïdagïrï. Kïïga gïr kabakadaiña aatïmï ïpï xïxkadï soimaaxi taatamadagi. Kïï tutiakana aatïmï jaa bïïtarï dai ibuadana ixtumaxi ïr kïïga. Bïïxkïrï ibuadana aatïmï ix tumaxi aagagi aatïmï ïpï.

Romanos 9:2

potïkai aanï saidi bïïxkïrï mos kabami soi gin ïrhidiña dai asta kokokan taadagakana gin ibhïdaga soi ïrhiaragaikïdï.

Filipenses 2:26

Soi gï ïrhidiña go Epafrodito kabami gïn tïtïitoitai. Dai kaxkïdï otosa in ïrhidi aanï gamoko sai gïn ïmadï dakana ïpamu. Soi gï ïrhidiña ïgai maatïkatai sai aapimï kajioma sai koko ïgai.

Lukas 2:10

Dai go tïañikarudï Diuxi potïtïdai ïgai, —Maiti duduadikuda aapimï. Gïn bhïidati aanï ïmo bhai ïrhiaragai ñoki. Idi ñokikïdï kïïga bhai gïn ïjïldamu aapimï ïmadï bïïxi oidigi daama óídakami ïpï— itïtïdai.

Mataibo 26:37

Dai ïko baidaja ïgai Piduru ïmadï goka maamaradï go Sebedeo dai ami kabami soi gï ïldatu go Suxi.

1 Pedro 3:17

Daiñi, xioma ïr kïïga ix soimaaxi taatamadagi aapimï ibuadatai ixtumaxi ïr sïïrhi, ix podukai gï tïgitoagi Diuxi dai gïn dagitoagi ix soimaaxi taatamadagi aapimï tudu. Dïï gia maiti gï agai ix soimaaxi taatamadagi aapimï soimaaxi ibuadatai. Gobai gia mai kïïgadu.