1 Pedro 1:1 - Northern Tepehuan Bible

¹ Aanï ïr Piduru dai gïn ojidi idi ojai ïmo otosadïkatai aanï Suxi Kristo. Idi ojai ïr go óídakami bïïtarï ix makïdï ïr ïko bubaidadï Diuxi. Aapimï gïn bïïtarï ix makïdï mïkaxi óídaga gïn kiiyañdïrï, aapimï ix makïdï aipakoga Pontïrï dai Galasiïrï dai Kapidosiïrï dai Asiïrï dai Bitiniïrï óídaga xibi tudu.

Tepehuan Northern: Diuusi ñiooquidʌ utuducami oodamicʌdʌ

¹ Aanʌ ʌrPiiduru ootosadʌ Suusi Cristo dai gʌnoojidi aanʌ aapimʌ ismaacʌdʌ Jerusaleenʌrʌ oidacatadai dai aidʌsi ʌjudidíu soimaasi gʌntaatatuli aapimʌ ʌʌmadu ʌgaa vaavoitudadami, aapimʌ sibʌaco iji. Dai sivi aipacoga oidaga aapimʌ Poontʌrʌ dai Galaasiʌrʌ dai Capadoosiʌrʌ dai Aasiʌrʌ dai Batiiñiʌrʌ.

1 Pedro 1:1 Referans Kwoze

Santiago 1:1

Aanï ïr Santiago ix makïdï gïn ojidi idi ojai. Ïmo pioñigadï aanï Diuxi dai Suxi Kristo Gïr Nukadakami ïpï. Ïmo biatuldaragai bïïtarï bïïxkatai aapimï judidiu ix makïdï ïr buaboitudadami dai ix makïdï aipakoga mïïmïkaxi óídaga oidigi daama, aapimï ix makïdï ïr piipixaradï go bhaibuxtama dan goka maamaradï go Jakobokaru tudu.

Hebreos 11:13

Bïïxkatai ïgai ix makïdï aagai aanï, go Abraam dai go Isaak dai Jakobo, bïïxkatai ïgai kïïga buaboidaitadai Diuxi aidïxi koi ïgai. Kia kïïga buaboidaitadai ïgai tomaxi mai kia biakatadai ixtumaxi Diuxi aagidi sai maaki agai. Maatïkatadai ïgai sai tïbïpida agaitadai kia ix aiyagi gobai dai bïïxkïrï buaboitu. Mïkaxdïrï nïijadan dutadai ïgai ix makïdï Diuxi aagidi sai maaki agai dïï mai ayi gobai. Dïï bïïxkïrï bhai gïn ïrhidiña nïnïrakatai. Daidi ikaitiña ïgai, —Gïr oidakaraga tami oidigi daama mos ïr ïmo lïïchi imidagai dukai. Otoma daibuñimu gobai— ikaitiña.

Efesios 2:19

Kaxkïdï xibi Diuxi ka mai xibhïadïrï óídakami dukai gïn nïidi, aapimï ix makïdï maiti ïr judidiu. Xibi kïïga bia aapimï ïïmadaragai ïmadï Diuxi. Ïmo gïn aadunumï dukai aapimï ïmadï ix makïdï Diuxi ïko bubaitu, ïmadï go judidiu tudu. Xibi kaxi ïr Diuxi aaduñdï aapimï.

Hechos 8:4

Daidi go buaboitudadami ix makïdï ka ijitadai Jerusalenañdïrï aipakoga ajiopaitadai dai aagidimitadai óídakami go bhai ïrhiaraga ñoki. Aagaiña ïgai go Suxi aipakoga ajiopaitai tudu.

VUAANA 11:52

Dai mai xu mosïkaxi go judidiu bïïtarï mukia agaitadai Suxi. Muki agaitadai bïïxkatai go gaa Diuxi maamaradï bïïtarï ïpï ix makïdï mïïmïkaxioma óídaga sai podukai mos ïr ïmo aadunumïkana ïgai ïmadï go judidiu ix makïdï ïr buaboitudadami ïpï.

Mataibo 24:22

Xi dagitomudai Diuxi ix apia imïdagi go soi ïrhiaragai gobai, aidï gia bïïxi koimudai oidigi daama óídakami. Dïï gia Diuxi kïï oigïdai aaduñdï ix makïdï ïkobai bubaitu ïgai. Kaxkïdï ka podukai dáí ïgai sai otoma kugaidamu go soi ïrhiaragai gobai— itïtïdai Suxi.

1 Pedro 2:11

Gin aaduñi, xibi gïn aagidamu aanï ïmo ñoki gïn oigïdatai aanï. Daiñi, aatïmï xibhïadïrï óídakami dukai óídaga tami oidigi daama. Idi oidigi mai kïïgakïrï ïr gïr kii tudu dai bhaiyoma go tïbagi ïr gïr kii. Kaxkïdï kïïga abïr gïn tïgitoka dai mai ïïgiada go soimaaxi ix makïdï gïn tanïdagi gïn tukuga xibi kia gïn tukugïrï óídakatai aapimï. Go soimaaxkami ix makïdï gïn tanïdagi gïn tukuga ïr buidïrï kaatïkami dukai gïn ibhïdaga tudu dai soi duada ïrhidi gobai gïn ibhïdaga.

2 Pedro 1:1

Bhaiga gin aaduñi Diuxi amadïrï. Aanï ïr Ximuñi Piduru dai ïmo pioñigadï aanï Suxi Kristo otosadïkatai aanï ïgai. Gïn ojidi aanï aapimï ix makïdï buaboitudai ïpïandukai aatïmï ix makïdï ïr ojotosadï Suxi Kristo. Suxi Kristo ïr gïr Diuxiga dai gïr kïïgakïrï bubiadamiga. Kïïga buañixikami dukai dai kïïga sïïrhi aatadui ïgai dai podukai aatadunakai ïgai gïn ayi aapimï oigaragai ix kïïgakïrï bubuakiagi aapimï.

Efesios 2:12

Tïgitobïrai ïpï sai aidï maiti gïn ajïakatadai xi gïn soikïdagi Suxi Kristo dai mai biakatadai aapimï urabaragai ïmadï go Israelitas. Diuxi bhai dui ñoki go Israelitas ïmadï dai aagidi saidi iduñagai naana maaxi ixtumaxi ïgai bïïtarï dïï aapimï maiti ïr gïn bïïtarïkatadai gobai. Aapimï mai biakatadai soiñi aidï dai mos óídakaiña mai maatïkatai Diuxi.

2 Korintios 1:8

Gïr aaduñi, ipïrhidi aatïmï sai maatïkagi aapimï xïïxi kabami soimaaxi taatamaiña aatïmï baasïkioma amïka Asiana ajiopaitai. Sïïrhikïdï bïïtïkatadai go soi ïrhiaragai ix makïdï gïr ayi ami tudu. Maiti ixtuidiadan taadatugaiña aatïmï mos ïï bïïtïkatai gobai dai asta koiyadan antaadatugaiña aatïmï go soi ïrhiaragaikïdï.

Hechos 18:2

Ami tïï ïgai ïmo kïïrhi judiu Akila tïgidukami. Ïgai ïr Pontoañdïrï oidakami dai Prisila tïgidukana aduñdï. Ïgai utudama ayitadai Korintoana ïpï. Italiañdïrï dadatadai ïgai. Baasïkioñdïrï go gïï dunukami Klaudio tïgidukami gatïjai sai iimïna bïïxi go judidiu Romañdïrï xi kaxkïdï dadatadai ïgai Korintoïrï. Dai Pabora mïï dibiji ïgai.

Apokalipsis 1:11

Dai pobai gin tïtïdai ïgai, —Ojañi aapi ïmo libroïrï pïx tumaxi kaïkagi dai nïijadagi dai bhodïrï otosañi go ojai Asiamu go buaboitudadami ix makïdï kubarakami gïgïrï kiikiïrï gïn ïmpaidiña ami. Otosañi ix makïdï gïn ïmpaidiña Efesoïrï tudu dai Esmirnïrï dai Pérgamoïrï dai Tiatirïrï dai Sardixiïrï dai Filadelfiïrï dai Laodisiïrï— ikaiti go ñoki.

2 Timoteo 1:15

Kïï maatï aapi Timoteo sai baasïkioma gin dagito go Figelo dai Hermogenes ïmadï bhaiton bïïxi go gaa buaboitudadami Asiañdïrï ïpï. Bïïxkatai ïgai gin dagito bhaitoma.

1 Korintios 16:19

Gin susukurhi, bïïxkatai go buaboitudadami ix makïdï aipakoga gïn ïmpaidiña tami Asiïrï gïn otoxdi ïmo biatuldaragai. Dai go Aquila dai Prisila dai bïïxi go gaa buaboitudadami ix makïdï gïn ïmpaidiña ami Aquila kiidïrï Diuxikïdï gïn biaturhi ïpï. Kïïga maatï ïgai sai aapimï bïïna daraka gïr Bhaitï Kïakamiga ïpïandukai ïgai kaxkïdï gïn oigïdai ïgai.

Hechos 19:10

Goka umigi aiturhi Pabora gamaamakaitai aatagi ami. Dai bïïxi aipako ayi go aatagi bai podukai bïïxi ami oidigïrï óídakami kaï Diuxi ñokidï, ix makïdï ïr judidiu ïmadï ix makïdï maiti ïr judidiu ïpï. Asia tïgidu ami oidigi tudu.

Hechos 18:23

Ami bii Pabora bhai tïbïpi. Dai gokiïrï jii ïgai dai dibida agai buaboitudadami Galasiïrï dai Frigiïrï óídakami. Bïïxi ïïmapïkïrï xako gïn ïmapidiña buaboitudadami dibiji ïgai dai gamaakaitai ñoki gaabïnakidimi.

Hechos 6:9

Dïï bïïxkïrï mui odami bui ñokaitadai go Tibañi. Ïïmoko go kïkïïrhi ix makïdï bui ñokaitadai dada ïmo judidiu kiupaigadïañdïrï ix makïdï Libertados tïgidu kiupai. Cireniañdïrï dai Alejandreañdïrï oidakamikatadai ïgai. Dai jaa bui ñokadami Ciliciañdïrï dai Asiañdïrï oidakamikana. Bïïxkatai ïgai bui surhi go Tibañi.

VUAANA 7:35

Daidi go judidiu bhaitï gukakami ïïgi gïn tïkakatadai aipako daidi ikaiti, —Mai maatï aatïmï ix tumaxi gïr aagida ïrhidi Suxi. ¿Xakoga imïna gobai ix mai tïïgana aatïmï?— ikaiti. —Maatï ix imia gobai mïkaxi dai dibida agai go jaa judidiu saagida ix makïdï ïr griego ñokadami. Maatï ix gatïïgida agai aatagi go óídakami maigobai ix makïdï maiti ïr judidiu ïpï— ikaiti.

Mataibo 10:2

Tami aagai ix tïtïgidu go ojotosadï Suxi. Ïmoko Ximuñi tïgidu. Ïgai ïr ix makïdï Piduru tïïtï Suxi gokiïrï. Dai ïmai otosadï Suxi Andïrïxi tïgidu. Ïgai ïr sukurhidï go Ximuñi Piduru. Dai ïpï goka ix makïdï Santiago dai Juan tïtïgidu. Ïgai ïr maamaradï go Sebedeo.

Mataibo 4:18

Ïmo imidagai go gïï sudagi Galilea tïgidukïdï ugidana aimïraitadai Suxi dai tïï ïgai goka gïn xixïgïmï Ximuñi dai Andïrïxi tïtïgidukami. Go Ximuñi ïr gasukurhi. Dai gokadukatadai tïtiaragadï. Piduru tïgidukatadai ïgai ïpï. Sudaïrï surhigitadai ïgai redigadï dai gabubaidiña ïgai batopa. Podukai gaatabuadana ïgai tudu.

Lukas 18:7

Dai Diuxi mai ïpïan tuiga go dunukami. Kaxkïdï gï maatï sai bamioma kïïga soiñamu ïgai odami ix makïdï ïr ïko bubaidadï. Iduñimu ïgai ixtumaxi ïr sïïrhi ïgai bïïtarï tudu dudatai dai mai dagitokatai daanïitai ïgai. ¿Mai ix ïr buaboi gobai? Dai ïgai gia mai tïbïpidamu ix dukai idui go dunukami ¿aba?