1 Korintios 7:2 - Northern Tepehuan Bible

² Dïï gia mui odami xibi óídakami aipako bopoiña jaa ïmadï ix kaxkïdï gï agai bhaiyoma ix oñiakagi kïkïïrhi dai oki ïpï gï agai ix kukunakagi sai mai soimaaxi ibuadagi ïgai aipakoga bopoitai jaa ïmadï.

Tepehuan Northern: Diuusi ñiooquidʌ utuducami oodamicʌdʌ

² Dʌmos aliʌ muidu ismaacʌdʌ googosi gʌnducami cascʌdʌ aliʌsi gʌaagi iscʌcʌʌli viaacagi gʌnooñiga dai ooqui viaacagi gʌncuucuna dai poduucai maisoimaasi ivuaadagi googosi gʌnduucamicatai.

1 Korintios 7:2 Referans Kwoze

Efesios 5:28

Podukai aapimï kïkïïrhi abïr oigïada gïn oñiga ïpï. Oigïadabïrai gïn oñiga ïpïan ïxi xïïxi oigïdai aapimï ïïgi gïn tukuga. Daiñi, xïxkadï ïmo kïïrhi oigïadagi oñigadï mos ïïgi gï oigïdaiña pobuadatai.

Efesios 5:33

Dïï go ñoki mai xu mosïkaxi aagadankaiti Suxi Kristo ïmadï aatïmï buaboitudadami. Aagadankaiti gobai aapimï kïkïïrhi ïpï dai gïr maatïturhi gobai sai gï agai xi oigïada aapimï gïn oñiga ïpïan dukai xi gïn oigïdai ïïgi aapimï. Dai podukai aapimï oki ïpï gï agai xi xadutuadagi gïn kukuna ïpï.

1 Korintios 7:9

Dïï gia ix maiti ixtutuidikïdagi ïmoko ix ïïgi oidakagi aidï gia gï agai ix gï kukuntagi dai mai xu ix kabami gï bapainxadagi tïgibudagai ix abhana boiyagi ïmai.

1 Korintios 6:18

Gin susukurhi, gï aagai xi otoma mïkaxi biagi aapimï go soimaaxi tïgibudagai ix makïdï gïn bapaidimi ix abhana boiyagi ix makïdï maiti ïr sïïrhi. Daiñi, ïma maaxi soimaaxkami ix makïdï iduñagi ïmoko mai tukurhimadai tukugadï. Dïï gia odami ix makïdï abhana boiyagi ïmai ix makïdï maiti ïr sïïrhi, ïgai gia tukurhimadai tukugadï ïïgi.

1 Tomoteo 4:3

Daidamu ïgai odami xi gaïmadï bipiïdagi dai mai kuadamu ïgai mui kuadagai ïpï pokaititai saidi ïr daidarxikami sai podukai bupuirumadamu ïgai odami. Dïï gia kïï maatï aatïmï sai maiti ïr buaboi aatagidï. Kïï maatï aatïmï bhaiyoma sai Diuxi idui bïïxi kuadagai sai aatïmï ix makïdï buaboitudai bhai gïr ïrhiada ïgaikïdï gakuadatai.

Mataibo 5:32

Dïï gia aanï ïma dukai aagai. Daiñi, aanï aagai sai mosïkaxi xi go oki ïmadï daibuñagi ïmai aidï gia kunadï bia oigaragai ix dagitoagi. Dïï gia xi go oñigadï mai ïmadï daibuñagi ïmai aidï gia go kunadï ïr duñidï sai gïpiïrï daitudai ïgai oñigadï dagitokai ïgai. Go oñibarudï ïmadï bii antaada ïmai gokiïrï dai gobai ïr soimaaxi tudu. Dai go kïïrhi ix makïdï ïmadï biiyagi go oki soimaaxi ibuayi ïpï ïmadï biïkai ïgai go oki oñibarudï ïmai— itïtïdai Suxi go odami.

1 Korintios 7:1

Xibi gïn aa noraidamu aanï gobai ix makïdï gin tïkakai aapimï baasïkioma gin ojidakai. Gin tïkakai aapimï sa bhai kïïgadu ix mai ontagi kïkïïrhi. Dai gokïdï aanï aagai sai kïïgaduaba ix mai ontadagi ïgai.

1 Korintios 7:3

Xibi aagamu aanï gobai ix makïdï ibuayi kïkïïrhi ïmadï oki gïn kukuntakai. Gokïdï go kïïrhi gï agai ix ibuadagi ix tumaxi ïr sïïrhi oñigadï bïïtarï dai mai daidagi ix abhana boiya ïgai. Dai podukai ïpï go oki gï agai xi ibuadagi ixtumaxi ïr sïïrhi kunadï bïïtarï dai mai daidagi ix abhana boiyagi ïpï.

1Tesalonicenses 4:4

Dai bhaiyoma ipïrhidi sai maatïkagi aapimï ixdukatai tïanïdagi gïn tukuga sai mai ïïgiada aapimï xïïxkadï gïn bapainxadagi gobai soimaaxkami amakoga. Ipïrhidi ïgai sai xadutuada aapimï ïïgi gïn tukuga tudu sai Diuxi bïïtarïkana gobai dai sai podukai gïn tukugakïdï xadutuada aapimï jaa ïpï.