1 Korintios 16:24 - Northern Tepehuan Bible

²⁴ Gïn oigïdai aanï tudu bïïxkatai aapimï ix makïdï bïïna daraja ïgai. Dai mosïkaxi.

Tepehuan Northern: Diuusi ñiooquidʌ utuducami oodamicʌdʌ

²⁴ Aanʌ dai aapimʌ vaavoitudai Suusi Cristo cascʌdʌ aliʌsi gʌnoigʌdai aanʌ. Mosʌcaasi.

1 Korintios 16:24 Referans Kwoze

2 Korintios 12:15

Kaxkïdï bïïxi gin bhai ïrhiarakïdï bhai aagai aanï ix gïn bïïtarï xia duadiagi bïïxi xïïxi bia aanï dai asta bïïxi gin gubukarhiga ïpï mos ïï kïïga gïn oigïdatai aanï. Daiñi, aanï gia kïïga gïn oigïdai. Asta bamioma gïn oigïdai aanï xibi ix bhai ïkioma tudu. Dïï gia aapimï ka mai xii kïïga gin oigïdai. Kïïgioma gin oigïdaitadai aapimï baasïkioma tudu. ¿Bhai ix ïr sïïrhi podukai?

Mataibo 6:13

Gïr soiñañi sai mai ïïgiada aatïmï soimaaxi tïgibudagai. Dai gïr soiñañi xïïxkadï gïr abïnakiadagi go diabora sai soimaaxi ibuada aatïmï ïpï— Podukai aagidi Suxi go mamaatïrdamigadï sai podukai daanïda ïgai Diuxi.

Apokalipsis 3:19

Gï agai xi maatïkagi aapimï sai bhagaidi aanï xorai oigïdai aanï xïïxkadï mai kïïga ibuadagi. Dai mamaakai aanï gïgïbituldaragai ïpï sa bhai bhïna kïïga tïgibudagai. Kaxkïdï gï agai xi ïma dukai gïn tïtïgitoagi aapimï dai kabami ipïldagi xi kïïga ibuadagi. Tadu gïn ayi gïgïbidaragai ïpï.

Filipenses 1:8

Gin aaduñi, Diuxi ïr nïijadami xïï kabami gïn tïgitokana aanï dai sai gïn oigïdai aanï ïpïan dukai xi gïn oigïdai Suxi Kristo.

2 Korintios 11:11

Dïï gia maiti gï agai sai po gïn ïrhiada aapimï sai maiti gïn oigïdai aanï mai taanïitai aanï tuminxi. Maiti ipïrhidi aanï ix soi gïn buada aapimï bhaiyoma. Gïn oigïdai aanï kaxkïdï. Diuxi maatï sai buaboikïdï gïn oigïdai aanï tudu.

1 Korintios 16:14

Dai tomax tumaxi ibuayi aapimï gï agai ix ibuadagi aapimï oigïdaitai jaa.

1 Korintios 14:16

Gïn aagidamu aanï ïmo maaxidaragai ix maaxi gobai. Daiñi, xi ñokadagi aapimï go ïï gïn ibhïdagakïdï aagaitai ñoki ix makïdï tomarhi ïïgi aapimï mai maatï kaï aidï gia xadïrï gïn maatï kaïkana jaa ïpï. Tomaxi kïïga potïdagi aapimï Diuxi sai bhai gïn ïrhidi aapimï ïgaikïdï, ¿Dukatai maatï kaïkana jaa ix makïdï gïn ïmadï darakagi? Dai ix mai maatï kaïkagi ïgai gïn ñoki ¿Dukatai bhai aagana ïgai sai ïr buaboi gïn ñoki dai bhai ïldana Diuxikïdï ïpï?

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.

1 Korintios 16:23

Gin susukurhi, ipïrhidi aanï ix maatï taatagi aapimï xïï kïï tuiga Suxi Kristo gïn bïïtarï.

2 Korintios 1:1

Aanï ïr Pabora dai gïn otoxdi aanï idi ojai otosadïkatai aanï Suxi Kristo. Aanï ïr ïmo sïïrhikami biakami otosadïkatai Suxi Kristo tudu. Diuxi podukai ipïrhi kaxkïdï. Dai tami gin ïmadï daja Timoteo ix makïdï ïr gïr sukurhi Diuxi amadïrï ïpï dai gin soikïi gobai ibuadatai aanï idi ojai. Idi ojai ïr bïïtarï bïïxkatai aapimï buaboitudadami ix makïdï gïn ïmpaidiña ami Korintoïrï dai bïïxkatai go gaa buaboitudadami bïïtarï ix makïdï bïïxi aipako óídaga amïka Gresiïrï ïpï. Idi ojai ïr bïïxkatai aapimï gïn bïitarï ix makïdï ïr ïko bubaidadï Diuxi tudu. Ïmo biatuldaragai bïïxkatai aapimï gïn bïïtarï.