1 Korintios 15:24 - Northern Tepehuan Bible

^24-25 Dai xïïxkadï ka ugiti agadagi idi oidigi aidï dibiamu Suxi Kristo ïpamu gatïanïda agaitai tami idi oidigi daama. Dai aidï maitïmu ïgai bïïxi ix makïdï ïr gatïtïanïdami dai ïr buidïrï bïtïkamigadï. Dai ka maitïkai ïgai buidïrï bïïtïkamigadï bhïimu Suxi sïïrhikami dai Tïanïdami bimu. Dai bhodïrï tïïgidamu ïgai go sïïrhikami Diuxi gïr Oga sai Diuxi gïr Oga adaama tïanïdagi.

Tepehuan Northern: Diuusi ñiooquidʌ utuducami oodamicʌdʌ

²⁴ Dai siʌʌscadʌ ugitiagi oidigi tiipuca agai tomali ʌmo tʌaanʌdami dai Suusi maidagitua agai isgatʌaanʌdagi ʌDiaavora tʌtʌaañicarudʌ tomali ʌDiaavora amaasi Suusi tʌʌgida agai gʌsʌʌlicamiga Diuusi gʌrooga.

1 Korintios 15:24 Referans Kwoze

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

Mataibo 11:27

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.

1 Tomoteo 6:15

Suxi Kristo dibiagai asta xïxkadï ipïrhiadagi Diuxi tudu. Kaxkïdï tudu mosïkaxi Diuxi ïgai dai bïïxi adaama ïr xadutudikami dai bïïxi adaama ïr Tïanïdami. Ïgai bïïxi adaama ïr Rey dai bïïxi adaama ïr gubukadagai biakami.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

Isa 9:7

Bhïimu ïgai gubukadadï ix makïdï biakana go Rey Dabid ïïki. Tomax tuigako mos bïïx tasai bamioma gubukan kïïkiadamu ïgai gubukadadï ixtukïdï tïanïi ïgai dai mos kïïgioma oidaka agai ibhïxtaragai tipukatai kokodi ami xako tïanïda agai ïgai. Kïï sïïrhi aataduñimu ïgai dai aagadamu ixtumaxi ïr sïïrhikami. Kïï kaban kïkibamu gubukadadï ix dukatai tïanïda agai ïgai tomax tuigako. Gïr Nukadakami kïïgakïrï oigïdai aaduñdï kaxkïdï bïïxi gubukadadïkïdï gï aagamu ïgai dai kabakami kïïsamu gubukadadï gobai ix makïdï gïr otoxi ïgai.

VUAANA 3:35

Dai Diuxi gïr Oga sïïrhikïdï oigïdai Maradï dai maa gubukadagai ix tïanïna bïïxi aïkatai.

Mataibo 24:13

Dïï gia ix makïdï mïï kugatïrï ukami mo ïxi gin buaboitudagi, ïgai gia kïïgakïrï bubuaki agai—.

Lukas 10:22

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïgai dai kïïgakïrï maatï Diuxi dai jaa gia cho— itïtïdai.

Mataibo 10:22

Bïïxi óídakami gïn kïïdada agai gin urabakatai aapimï tudu. Dïï gia aanï agai sai xorai gï kabakadagi go soi ïrhiaragai buidïrï dai kïïga gin buaboitudadagi asta xïxkadï ukami oidakagi ïgai tami oidigi daama, ïgai gia kïïgakïrï bubuaki agai— itïtïdai Suxi.

1 Pedro 4:7

Gin aaduñi, ka miadaimi ix ugitiagi oidigi. Kaxkïdï abïr kïïga gïn tïtïgitoda dai kïïga nïnïasïrhigan dukai abïr daanïda Diuxi.

Romanos 8:38

Kïïga maatï aanï sai mai tipu ixtumaxi sobhidagi bai ka maiti gïr oigïdadagi Diuxi. Tomaxi koi aatïmï xiïpï xi apia óídakagi aatïmï modukai mai sobhidamu gobai. Tomarhi Diuxi tïtïañikarudï dai tomarhi go diabora tïtïañikarudï, xiïpï go gubukadagai bipiakami tïbagiïrï óídakami mai sobhidamu. Tomarhi ix tumaxi oidaga xibi dai tomarhi ix tumaxi oidaka agai gokiïrioma,

Efesios 5:20

Bïïxkïrï dai bïïxi aïkatïrï abïr aagida Diuxi gïr Oga xïï bhai gïn ïrhidi aapimï ïgaikïdï. Daidi abïr aagada ïpï sai Suxi Kristo ïgai dai bhai dui gïn bïïtarï xi kaxkïdï aatagïi aapimï Diuxi ïmadï.

Kolosenses 2:15

Ami kuruxiana maitï ïgai go diabora tudu ïmadï go tïtïañikarudï ix makïdï gatïanïiña tami oidigi daama. Maitï ïgai dai kïïga mamaaxidi ïgai bïïxi go óídakami buitapi sai maiti ixtutuidikïi go diabora ïgai bui.

2 Pedro 1:11

Dai kïïga bhai ïrhiarakïdï gïn maakimu Diuxi bakigai xako bïïxkïrï bïïtarï gatïanïi Suxi Kristo ix makïdï ïr Gïr Nukadakami dai kïïgakïrï gïr bubiadamiga.