1 Korintios 13:5 - Northern Tepehuan Bible

⁵ Ïgai kïïga xadutudai jaa dai maiti ibuayi buirudagai maaxi. Mai tïgito ajiopaiña ïgai mosïkaxi ixtumaxi ïr kïïga ïïgi ïgai bïïtarï. Ïgai mai otoma bhakoikana dai bhaiyoma otoma oigïrhiña jaa xïïxkadï soi buidadagi.

Tepehuan Northern: Diuusi ñiooquidʌ utuducami oodamicʌdʌ

⁵ dai maisoiduucai nʌidiña aa, dai maivupuiiruga oodami vui, daidʌ ivuaadana istumaasi ipʌliadagi aa maisiu mosʌcaasi istumaasi ipʌliadagi ʌgai, siʌʌscadʌ aa ñiooquiadagi ʌgai maita ñiooquidiña, dai maivuaamʌ ʌlidiña tomasi soimaasi ivuiididi aa.

1 Korintios 13:5 Referans Kwoze

1 Korintios 10:24

Dai maiti gï agai ix ibuadagi ïmoko mosïkaxi ixtumaxi ïr soiñi ïïgi bïïtarï. Gï agai bhaiyoma ix gaagagi aatïmï ixdukatai ibuadagi ix makïdï kïïgakïrï soiñagi jaa sai bamioma gïrana buaboidaradï.

Santiago 1:19

Gin aaduñi, kïïga abïr gïn tïgito kaïka ixtumaxi gïn aagida iñagai xibi. Daiñi, gï agai sai kïïga kaïkagi aatïmï ixtumaxi gïr aagidagi jaa. Dai gï agai ïpï sai kïïga gïr tïgitokatai ñokadagi aatïmï. Dai maiti gï agai ix otoma bhaakokodagi aatïmï ïpï.

Filipenses 2:21

Go gaa mosïkaxi ïïgi bïïtarï buamï gïn ïrhidi dai mai buamï gïn ïrhidi ixtumaxi bhai ïrhidi Suxi Kristo.

Filipenses 4:8

Ïpï ïmo ixtumaxi gïn aagida in ïrhidi aanï aapimï gïn aaduñi Diuxi amadïrï. Daiñi, gïn aagidamu aanï ixtumaxi gï agai xi tïgito ajiopadagi aapimï. Tïgitodabïrai ixtumaxi ïr buaboi tudu dai ixtumaxi ïr kïï sïïrhi dai ixtumaxi ïr buañixi dai ixtumaxi xigiamaaxi. Gïn tïtïgitodabïrai ixtumaxi ïr kïï bhai maaxkami tudu.

Galatas 5:13

Daiñi gin aaduñi, Diuxi gïn báí mïsai kïïgakïrï óídakana aapimï. Gïn báí ïgai sai ka mai biakagi aapimï xi pipioñi dukai ïïgiadagi ïmo sïïrhikami tudu kabami gïn tïanïitai gobai. Ka kïïgakïrï gïn bubaitu ïgai tudu. Kaxkïdï kabami soi gin ïrhidiña aanï gïn aagiditai jaa sai bia aapimï xi ïïgiadagi go sïïrhikami. Maiti ïr podukai di. Daiñi, kïïga ïr buaboi tudu sai mai gubuakïdï bia aapimï xi ïïgiadagi go sïïrhikami sai podukai kïï biïna Diuxi ïmadï. Dïï gia maiti abïr po gïn ïrhiada ïpï sai bhaiga aapimï xi ibuadagi ïïgi ixtumaxi iduña ïrhiada aapimï oiditai ïïgi gïn tïgibudaga. Gï agai bhaiyoma xi aipakoga gïn soikïdagi aapimï gïn oigïdatai aipakoga.

1 Korintios 12:25

Podui Diuxi sai ïmapi aatabuadagi gïr tukuga tutuidadï gïn soikïitai aipakoga.

2 Korintios 5:19

Suxi Kristokïdï ka bhai dui Diuxi ix dukatai oigïldagi ïgai soimaaxkamigadï bïïxi óídakami tudu sai óídakami biakagi oigaragai ix urabagi Diuxi. Dai gïr maa ïgai sïïrhikami ix tïtïïgiadagi aatïmï óídakami ix dukatai biakagi ïgai urabaragai Diuxi ïmadï ïpï.

1 Korintios 10:33

Buadabïrai ixtumaxi aanï ibuayi tudu. Aanï ibuayi ixtumaxi ix makïdï kïkïïgadukami aagai jaa. Maiti ibuayi aanï mosïkaxi ixtumaxi ïr soiñikagi ïïgi aanï gin bïïtarï tudu. Dai bhaiyoma ibuayi aanï ixtumaxi ïr soiñikagi jaa bïïtarï sa bhai soiñana sai kïïgakïrï bubuakïna.

Mataibo 5:22

Potïtïdai Diuxi go óídakami ïïki tudu. Dïï gia aanï aagai xibi sai tomaxi mosïkaxi bhamukagi ïmo odami buidïrï ïmai kaxi ïr gïpiïrï kaatïkami ïpï dai go dudunukami maaki agai gïgïbidaragai. Dai xi ïmo odami pokaitadagi sai ïmai odami maiti ïr soiñi gokïdï kaxi gïpiïrï kaatïkami bipiïyi ïgai ïpï dai biakamu xi baan kïkibagi dudunukamiana sai aagana ïgai ix tuma gïgïbidaragai biaka agai ïgai. Dai xi ïmo odami buirugami aagagi ïmai odami kaxi ïr ajïakami xi taatagi ïgai gïgïbidaragai go gïï taiyïrï— itïtïdai Suxi.

Lukas 7:39

Daidi go fariseo ix makïdï gabaitadai go Suxi gï tïgito nïidi ix maaxi iduitadai go oki ami daidi po gï ïrhidi sai, —Xi buaboikïdï ïr ïmo ñokituldiadamigadïkamudai go Suxi Diuxi aidï gia maatïkamudai gobai ix tuiga go oki ix makïdï taata. Maatïkamudai gobai saidi ïr ïmo soimaaxi ibuadami kïkïïrhmïrhiakamikatai gobai— as ïrhidi go fariseo.

Markos 3:5

Baidi go Suxi kabami nïnïidi bhaamudakïdï dai soi gï ïrhi nïiditai xïï ïr kaapakami iibïadï ïgai. Dai potïtïdai ïgai go kokoadï aidï, —Sïïrhiñañi gï ïka— itïtïdai. Tai ïgai sïïrhi dai ka duadixikami bii.

2 Tesalonicenses 3:7

Kïï maatï aapimï sai gï agai ix gïr ïpïan dukai óídakagi aapimï tudu. Daiñi, kïï nïidi aapimï sai mai paparïgakana aatïmï gïn ïmadï darakatai.

1 Korintios 7:36

Xibi gïn maakimu aanï ïmo ñoki aagaitai oki ix makïdï mai kia kuna. Kïï maatï aanï sai ïïmadutai aapimï kïkïïrhi mai tïtïgai ix dukatai ibuadagi gïn maamara oki. Daiñi, ix po gï ïrhiada ïmo kïïrhi sai mai kïïga ibuayi mai dagitokatai maradï ix kunatagi ka okimuimikatai ïgai aidï gia gï agai ix dagitoagi ix kunatagi. Maiti ïr soimaaxi gobai.

Mataibo 9:4

Dai Suxi kïï maatï ix gïn tïtïitoi ïgai daidi potïtïdai, —¿Ix tuixidï gïn tïtïitoi aapimï sai mai bia aanï gubukarhigai ix oigïrhiadagi go soimaaxkamigadï odami? Soimaaxi tïtïitoi aapimï tudu.

2 Timoteo 2:10

Dai kaxkïdï bhai aagaiña aanï xi soiñagi go odami ix makïdï Diuxi ïko bubaitu tomaxi naana dukai soimaaxi taatamaiña aanï soikïitai. Soiña in ïrhidi buaboitudadami tudu sai bïïxkïrï bïïtarï biakana ïgai gïïpi bhai ïrhiaragai bïïna darakatai ïgai Suxi Kristo.

2 Timoteo 4:16

Baasïkioma aidïxi tukamïrï gïpiïrï gin bupaiña go jaa dudunukamiana, aidï gin dagito bïïxi gin aaduñi dai biakatadai aanï ix ïïgi ñokadagi dai gin soiñagi ami. Gin dagito gin aaduñi tudu dïï maiti ipïrhidi aanï xi maakiagi Diuxi gïgïbidaragai gokïdï.