1 Korintios 12:11 - Northern Tepehuan Bible

¹¹ Arhi ïmaduga Diuxi Ibhïadï tudu dai gamaakai ïgai gubukarhigai xorai maakia ïrhiadagi ïgai.

Tepehuan Northern: Diuusi ñiooquidʌ utuducami oodamicʌdʌ

¹¹ Vʌʌsi gomaasi ivueeyi ʌgai vaa Diuusi Ibʌadʌ. Ʌgai ʌgai dai maacai guvucadagai vʌʌscatai saidʌ ivuaadana ʌʌmadutai istumaasi ʌʌgi Diuusi Ibʌadʌ ipʌlidi.

1 Korintios 12:11 Referans Kwoze

1 Korintios 12:4

Daiñi, Diuxi Ibhïadï ïjïkobai gïr maakai gubukarhigai aatïmï buaboitudadami saidi ibuadana aatïmï Diuxi aaduindadï. Dïï tomaxi naana maaxi gubukarhigai bia aatïmï bïïxkïrï mos ïmo ïmapïkïañdïrï daibïi gobai, Diuxi Ibhïadïañdïrï.

2 Korintios 10:13

Daiñi, aatïmï mai podukai aagaiña sai bia aatïmï oigaragai ix gatïanïdagi maigobioma xako maiti gïr maa Diuxi sïïrhikami ix gatïanïdagi aatïmï. Mosïkaxi xako ukami gïr maa oigaragai Diuxi ix gaatabuada aatïmï mosïkaxi ami ukami gatïanïiña aatïmï. Mai gïgïrdukïdï gïr aagai aatïmï ïïgi tudu podukai. Dai maiti gïr bapasai aatïmï aaduindadïrï jaa ïpï. Aatabuayi aatïmï mosïkaxi xako gïr aagidagi Diuxi tudu. Dai Diuxi gïr aagidi sai ibuadana aatïmï ïgai aaduindadï aapimï gïn saagida.

Efesios 4:7

Dïï gia tomaxi ïr ïmo aadunumï aatïmï bïïxkïrï Suxi Kristo ïjïkobai gïr maa gubukarhigai xi ibuadagi aatïmï ïmo aaduindagai. Ïmo oidaragai dukai gïr maa ïgai gubukarhigai mos ïï kïï tuigakatai ïgai gïr bïïtarï.

1 Korintios 12:6

Naana maaxi gubukarhigai bia aatïmï ïjïkobai tudu Diuxi aaduindadï bïïtarï dïï gia go gubukarhigai mai aipadïrï dibia. Mosïkaxi Diuxi ïgai dai gïr maakai gobai.

Santiago 1:18

Diuxi ïgai dai gïr maa gïr utudui oidakaragai tudu aidïxi buaboitu aatïmï Diuxi ñokidï ix makïdï kïïga ïr buaboi. Podui ïgai saidi ïko darasadïkana aatïmï, saidi podukai aatïmï ix makïdï buaboitudai ïpïgioma ïko ïr darasadïkana ix bhai ïma maaxi ixtumaxi ix makïdï idui ïgai tudu. Podukai aatïmï bamioma namïakami bii Diuxi bïïtarï xi bhai go gaa ixtumaxi ix makïdï idui ïgai. Ïïgi podukai gï tïgito Diuxi dai kaxkïdï podui ïgai.

Efesios 1:11

Ïkobai gïr bubaitu Diuxi bïïnakai aatïmï Suxi Kristo tudu. Tukamidïrï abhiadïrï ïïgi podukai gï tïgitokatadai Diuxi xi aatïmï ix makïdï bïïna daraja Suxi Kristo ïr ïko bubaidadïkana. Podukai dáí ïgai saidi ïpï gï duna ixdukatai ïgai ipïrhidi. Bïïxkïrï ibuayi ïgai ixdukatai gï tïgitokagi kaxkïdï.

1 Korintios 7:17

Gin aaduñi, ix maaxkatadai aapimï aidïxi tukamïrï gïn báí Diuxi mai kia buaboitudakai podukai gï agai ix biyagi aapimï.

1 Korintios 7:7

Daiñi, aanï ïïgi daja gin maakaitai gubukarhigai Diuxi xi ïïgi biyagi aanï dai po in ïrhidi aanï sai kïïgadukatadai ix ïjïgi bimudai bïïxi buaboitudadami. Dïï mai ïmadugan dukai maa Diuxi gubukarhigai bïïxi óídakami. Ïïmoko maa ïgai gubukarhigai ix gïn kukuntagi dai jaa maa ïgai gubukarhigai ix ïjïgi oidakagi.

Romanos 12:6

Diuxi gïr oigïdaitai gïr maa bïïxkatai aatïmï gubukarhigai xi buadagi aatïmï ïgai aaduindadï. Gï agai xi aatabuadagi aatïmï go gubukarhigaikïdï ix makïdï ïgai gïr maa. Ïïmadutai gïr maa ïgai gubukarhigai xi aagada aatïmï Diuxi ñokidï. Kaxkïdï ix makïdï aagadagi Diuxi ñokidï gï agai xi Diuxi gubukarhigakïdï agadagi ïgai kïïga buaboidaitai Diuxi.

Romanos 9:18

Pomaaxi tudu, Diuxi soi ïrhiarakïdï nïidi ïïgi xorai soi ïrhiarakïdï nïijada ïrhiada. Dai ïgai mai tïkaidatudai xorai ïgai ipïrhiadagi ïpï. Ïïgi ix dukatai ïgai ipïrhiadagi.

VUAANA 5:21

—Daiñi, Diuxi gin Oga kïïga duakatudai koidadï dai aanï ïr Diuxi Maradï dai aanï ïpï duakatudai xorai ipïrhiada aanï.

VUAANA 3:27

Dai Juan itïtïdai, —Diuxi ïgai dai podukai maa gubukadagai go Suxi ix kaxkïdï mui odami uurapïkïi. Xadïrï bhïna gubukadagai podukai ïmo odami ix Diuxi maiti ipïldagi di— itïtïdai.

VUAANA 3:8

—Gï aagidamu aanï ix maaxi gobai. Daiñi, aatïmï mai maatïkana xajadïrï daibuña agai go ïbïrhi. ¿Maiti ix ïr buaboi gobai? Lachi ïmapadïrï daibuskïi gobai dai laachkïdï ïmapadïrï dai aatïmï mai maatïkana ix dukatai pobuayi gobai. Mos nïidiña aatïmï dai kaïkana xudu nïituskudan buadana gobai ixtumaxi. Potudu maaxi odami ïpï ix makïdï utudui bubuakïi Diuxi Ibhïgadï gubukarhigakïdï. Mai nïidiña aatïmï ix dukatai aatabuayi Diuxi Ibhïadï ïgaikïdï sai utudui bubuakïna ïgai dïï gia nïidiña aatïmï ix ka ïmapïdui odami ibhïadï— itïtïdai Suxi.

Mataibo 20:15

Kïïga bia aanï sïïrhikami xi xia buadagi gin tuminxiga ïïgi ixdukatai ipïrhiadagi aanï tudu. Maiti gï agai xi ïgamukagi aapimï kïï buididitai aanï jaa— itïtïdai amudï.

Mataibo 11:26

Podukai bhai ïrhidi aapi gin Oga kaxkïdï— itïtïdai.

1 Korintios 12:18

Dïï maiti ïr podukai dai bhaiyoma Diuxi darai naana maaxi tutuidadï gïr tukugana ïïgi ix dukatai bhai ïrhi ïgai.