1 Korintios 10:6 - Northern Tepehuan Bible

⁶ Gobai ix makïdï daibusai ïïki gïr aaduñikaru ïmadï ïr ïmo maaxidaragai gïr bïïtarï sai mai adaimuda aatïmï soimaaxi tïgibudagai ix dukai ibuadana ïgai.

Tepehuan Northern: Diuusi ñiooquidʌ utuducami oodamicʌdʌ

⁶ Cascʌdʌ maatʌ aatʌmʌ ismaitʌaagai issoimaasi ivuaadagi ʌpan duucai ʌgai.

1 Korintios 10:6 Referans Kwoze

Udaxi 1:7

Dai podukai ïpï go ïïkidadï óídakami Sodomana dai Gomorana ïmadï bïïxkatai ix makïdï miadïrï óídakatadai ami. Galnaaxi idui ïgai ïpï gaïmadï bopodatai aipakoga. Ibuadana ïgai buirudagai tukugadïkïdï tudu ïmadï bopodatai ïgai ix makïdï maiti ïr sïïrhi. Kïï maatï aapimï sai Diuxi gïgïbiturhi ïgai. Dai gokïdï gïr tïtïïgidi Diuxi sai taiyïrï gïgïbitulda agai ïgai bïïxi soimaaxi ibuadami. Dai gïgïbidaradï bïïxkïrï bïïtarïka agai dai mai ugiti agai.

1 Korintios 10:11

Daiñi, xibi karhioga ugiti agai go oidigi. Dai bïïxi gobai ix makïdï daibusai ïïki ïr ïmo maatïtuldaragai xibi gïr bïïtarï ix makïdï óídaga xibi. Ïgaikïdï mamaatïrïi aatïmï sai maiti gï agai ix ibuadagi ixtumaxi ibuadana gïr aaduñi ïïki. Ïgai kïï gubuakami ïrhiditadai ïïgi buaboidaradï dai todian dukai gïpiïrï surhi soimaaxi idunakai.

Hebreos 4:11

Gï agai xi kïïga gïr tïgito nïidagi aatïmï tudu daidi bhïiyagi go ibhïxtaragai ix makïdï bia Diuxi gïr bïïtarï. Tadu mai ïïgidi aatïmï Diuxi ïpïan dukai go Israelitas ïïki. Xi pobuadagi aatïmï aidï gia xia gïr duadamu aatïmï ïpï ïpïan dukai ïgai.

2 Pedro 2:6

Dai xia dodai Diuxi go gïgïr kiiki Sodoma dai Gomora tïtïgidukami ïpï ïïki. Bïïxi nato mïji ïgai tudu asta xudu bïïxi nato matai bii ami. Podui ïgai saidi go óídakami soimaaxi ibuadami ix makïdï gokiïrioma dadiagi gïn tïgito nïijadana ix dukatai pogïdui.

1 Pedro 3:21

Kaxi gï duakaturhi Suxi Kristo ïpamu tudu dai kaxkïdï bia aatïmï kïïgakïrï bubaidaragai. Daiñi, aidïxi sudagiïrï dupi oidigi dai kïïgakïrï bubuaka go Noé ïmadï aaduñdï go barkoïrï iimïitai ïgai, gobai ïr ïmo maaxidaragai dukai gïr kïïgakïrï bubaidaraga bïïtarï ix makïdï bia aatïmï xibi. Aatïmï kïïgakïrï bubuakïi xibi buabotudakai aatïmï sai gï duakatu Suxi Kristo ïpamu tudu dai gïr bakuanai aatïmï sudagikïdï. Sudaïrï daibusai go Noé ïïki tudu dai xibi aatïmï ïpï sudaïrï dïgabuskïi gïr bakuanaitai aatïmï. Dai maiti gï agai sai po gïn ïrhiada aapimï sai go bakuanaragai ix makïdï ibuayi aatïmï mosïkaxi ïr ïmo buanaragai gïr tukuga bïïtarï. Gobai ïr ïmo xadutudaragai bhaiyoma ix makïdï ibuayi aatïmï Diuxi bïïtarï, ka maatïkatai aatïmï sai Suxi Kristo ka bhai dui gïr bïïtarï dai ka mai tipu soimaaxkami gïr abhana.

Romanos 5:14

Go Adankaru mai ïïgidi ïmo sïïrhikamigadï Diuxi ix makïdï tïjai ïgai sai ïïgidiña. Dïï gia go gaa óídakami ix makïdï óídakatadai asta xïxkadï dibia go Moises, ïgai mai gajiadïrï bia ïmo sïïrhikami ix dukai idui go Adankaru. Ïgai mai biakatadai ïmo sïïrhikami ixtuma gajiadïrï biagi kaxkïdï. Dïï tomaxi mai gajiadïrï bia ïgai ïmo sïïrhikami bïïxkïrï koiyiña ïgai bïïxkatai. Go Adankaru ïr ïmo maaxidaragai dukamikatadai bïïtarï ïmoko ix makïdï gokiïrioma dibia. Suxi Kristo bïïtarï ïr maaxidaragaikatadai ïgai tudu. Dïï mai xu bïïxi aïkatïrï ïpïamaaxi ïgai Suxi.